ساچېر خانىم 1998-يىلى ئامېرىكىنىڭ سابىق زۇڭتۇڭى رىگان بىلەن تانسا ئوينىغاندا كىيگەن كۆڭلەك، كىم ئارتۇق قىلىپ سېتىلىش باھاسى تەخمىنەن 1500 فوندستېرلىڭدىن 2500 فوندستېرلىڭغىچە.

خەلقئارا لىنىيەسى خەۋىرى: ئەنگلىيە «كۈندىلىك پوچتا گېزىتى»نىڭ 4-دېكابىردىكى خەۋىرىگە قارىغاندا، «تۆمۈر خوتۇن» دەپ نام ئالغان

ئەنگلىيەنىڭ سابىق باش ۋەزىرى ساچېر خانىمنىڭ ئىلگىرى ئىشلەتكەن تۈرلۈك بۇيۇملىرى 3-دېكابىردىن باشلاپ توردا رەسمىي كىم ئارتۇق قىلىپ

سېتىلىشقا باشلىغان بولۇپ، جەمئىي 200 دەك بۇيۇم ئاشكارا كىم ئارتۇق قىلىپ سېتىلىدىكەن. بۇ بۇيۇملار ساچېر خانىم ئىلگىرى ئىشلەتكەن كىيىم،

كىتاب، ئۈنچە-مەرۋايىت، مىلاد بايرىمىلىق تەبرىك كارتىسى، ئاشخانا بۇيۇملىرى قاتارلىقلارنى ئۆز ئىچىگە ئالىدىكەن. كىم ئارتۇق قىلىپ سېتىش12-ئاينىڭ 16-كۈنىگىچە ئېلىپ بېرىلىدىكەن. بۇنىڭدىن باشقا، 12-ئاينىڭ 15-كۈنى يەنە بىر مەيدان ئەنئەنىۋى كىم ئارتۇق قىلىپ سېتىش يىغىلىشى ئۆتكۈزۈلىدىكەن. Christie كىم ئارتۇق شىركىتىنىڭ بىلدۈرۈشىچە، ئىككى مەيدان كىم ئارتۇق قىلىپ سېتىشتىكى بارلىق بۇيۇملارنىڭ ئومۇمىي باھاسى تەخمىنەن 500 مىڭ فوندستېرلىڭغا يېتىدىكەن، يەنە كەسىپ ئەھلىلىرىنىڭ بىلدۈرۈشىچە، بۇ بۇيۇملارنىڭ باھاسى بۇ ساندىن خېلى بەك ئېشىپ كېتىشى مۇمكىنكەن.

  كىم ئارتۇق قىلىپ سېتىش ئەمدىلا باشلىنىشىغا، توردا جىددىي سېتىۋېلىش باشلانغان بولۇپ، قىممىتى 180 مىڭ فوندستېرلىڭلىق ئالماس يېشىل

تاش زەنجىردىن تارتىپ، 150 فوندستېرلىڭلىق ئاياغقىچە بولغان بۇيۇملارنى تورداشلار بەس-بەستە باھا قويغان.

   بۇ بۇيۇملارنىڭ ئىچىدە ئەڭ ئالقىشلانغىنى ساچېر خانىم كىيگەن كىيىملەر بولغان. خۇددى ساچېر خانىمنىڭ خۇسۇسىي كاتىپى پوۋېلنىڭ كىم

ئارتۇق قىلىپ سېتىش تىزىملىكىنىڭ كىرىش سۆزىدە ئېيتقاندەك: ‹‹كىيىم ساچېر خانىمىنىڭ ئىچكى دۇنياسىنىڭ مەخپىيىتى›› ئىدى.

  ئۇ مۇنداق كۆرسەتكەن: ساچېر خانىم كىيىمگە ئامراق بولۇپ، تۈرلۈك كىيىملەرنى تاللاپ كىيىشىنى ياخشى كۆرىدۇ.

  12-ئاينىڭ 15-كۈنى، يەنە ساچېر خانىم ئىلگىرى ئىشلەتكەن قىممەتلىك ئەستىلىك بۇيۇملار ئەنئەنىۋى كىم ئارتۇق قىلىپ سېتىش ئۇسۇلى ئارقىلىق سېتىلىدىغان بولۇپ، تەپسىلىي تىزىملىك شۇ كۈنى ئېلان قىلىنىدىكەن.