سىز بارسېلونا مەستانىسىمۇ؟ سىز بارسېلونا مەستانىسى بولۇش سۈپىتىڭىز بىلەن بارسېلونانىڭ نوۋكامپو مەيدانىغا بېرىپ بارسېلونا كوماندىسىنىڭ مۇسابىقىسىنى كۆرۈشىنى ئويلىشىپ باقتىڭىزمۇ؟ بەلكىم سىز بۇ ئارزۇيىڭىز ئۈچۈن تېىرشۋاتقان بولىشىڭىز مۇمكىن. لېكىن باشقىلار ئۆزىنىڭ بۇ ئارزۇسىنى ئەمەلگە ئاشۇرۇپ بولدى.

شى جېندۇڭ ئىسىملىك بىر بارسېلونا مەستانىسى چاڭشا شەھىرىدىن موتوسىكلىت مىنىپ بارسېلوناغا بېرىپ ئۆزىنىڭ ئارزۇسىنى ئەمەلگە ئاشۇرغان.

بارسېلونا ئورگان تورى مەخسۇس سەھىپە تەسىس قىلىپ ش جېندۇڭنىڭ ئىش-ئىزلىرىنى مەخسۇس خەۋەر قىلغان. بارسېلونا ئورگان تورىنىڭ خەۋىرىدە مۇنداق دېيىلگەن:«شى جېندۇڭ جۇڭگولۇق بارسېلونا مەستانىسى، ئۇ توي قىلىپ 10 كۈندىن كېيىنلا موتوسىكلىت مىنىپ چاڭشا شەھىرىدىن بارسېلوناغا قاراپ يول ئالغان. تەخمىنەن ئالتە ئاي يول يۈرۈپ يەر شارىنىڭ يېرىمنى بېسىپ ئۆتكەن».

شۇ يەر ۋاقتى شەنبە بارسېلونا كوماندىسى بىلەن خان جەمەتى جەمئىيەت كوماندىسى مۇسابىقىگە چۈشۈشتىن بۇرۇن بارسېلونا كۇلۇبى يۇقىرى قاتلامدىكى كۇلۇب ئەمەلدارلىرىنى ئەۋەتىپ شى جېندۇڭنى كۈتۋالغان ھەمدە شى جېندۇڭغا ئۇنىڭ ئىسمى بېسىلغان بارسېلونا كوماندىسىنىڭ 10-نومۇرلۇق كىيىمىنى سوۋغا قىلغان.

شى جېندۇڭ بارسېلونا ئورگان تورىنىڭ زىيارىتىنى قوبۇل قىلغاندا مۇنداق دېگەن «مەن 14 يېشىمدىن تارتىپ بارسېلونا كوماندىسىنىڭ مەستانىسى ئىدىم. مەن كىلويىۋىت تۈپەيلى بارسېلوناغا مەستانە بولغان، مەن پۇيۇلنى ياقتۇرمەن، ھازىرقى ئەزالاردىن ماسچىرانونى ياقتۇرمەن. لېكىن مېنىڭ كۇلۇبقا بولغان مۇھەببىتىم كۇلۇبنىڭ ئەزالىرىغا بولغان ھېسسىياتىمنى بېسىپ چۈشىدۇ. مەن ئىزچىل نوۋكامپو مەيدانىغا كىرىپ مۇسابىقە كۆرۈشنى ئارزۇ قىلاتتىم. شۇڭا مەن موتوسىكلىت مىنىپ بۇ يەرگە كەلدىم».

شى جېندۇڭ

نوكامپۇ پۇتبۇل مەيدانى