رەسىمدە 11-ئاينىڭ 24-كۈنى، ئۈرۈمچى شەھەرلىك تەڭرىتاغ رايونى بەش يۇلتۇز يولىدىكى بىر ئىشخانا بىناسى، ۋاڭ تيەنباۋ چاقماق بىلەن

ئۆزى تېرىۋالغان تاشقا ئوت ياقماقتا.     تۆنۈگۈن، بىڭتۈەن 12-دىۋىزىيە 222-تۈەندە ئولتۇرىدىغان ۋاڭ تيەنباۋ قولىدىكى تاشنى ئاسىيا كىندىكى تورى ئىشخانا بىناسىغا ئېلىپ كېلىپ، ئۇنىڭغا باھالىتىپ بېرىشنى ئۈمىد قىلدىغانلىقىنى ئېيتقان.

   ۋاڭ تيەنباۋ خالتىنىڭ ئىچىدىكى قۇتىدىن سۇلياۋ خالتىغا ئوراقلىق تاشنى چىقاردى. قارا رەڭلىك بۇ تاش سىيلىغاندا ئازراق سىلىق بولۇپ، ئاق قەغەز بىلەن سۈرتكەندىن كېيىن، قەغەزگە ئازراق چاڭ-توزان چاپلاشقاندىن باشقا ھېچقانداق رەڭگى ئۆزگەرمىگەن. تاشنىڭ يېنىدىن قارىغاندا ئۇ ئازراق تاش كۆمۈرگە ئوخشايدىغان بولۇپ، قول بىلەن ئازراق كۈچىسىلا ئۇشتۇلۇپ كەتكەن. چاقماقتا ئوت ياققاندا كۆيۈپ قارا ئىس چىقارغاندىن كېيىن، قارا داشقال ئېشىپ قالغان، كۆيگەندە قاراماينىڭ پۇرىقىغا ئوخشاش پۇراق چىقارغان.

   ئۇ مۇنداق دېدى: «بۇ تاش كۆمۈر ئەمەس، ئەگەر شۇنداق بولغان بولسا، قەغەزگە رەڭگى چىقىدۇ.» ئۇ خېنەننىڭ پىڭدىڭشەندىن بولۇپ، كۆمۈر كانى ئەتراپىدا چوڭ بولغاچقا، ئىسسىز ياكى ئىسى بار كۆمۈر بولسۇن ھەممىسىنى تونۇيدىكەن، شۇڭا ئۇ بۇ تاشنىڭ تاش كۆمۈر ئەمەسلىكىنى جەزملەشتۈرگەن.

   ئۇنىڭ دېيىشىچە، ئۇ ئىككى يىل ئىلگىرى فۇكاڭ شەھىرى بۇغدا كۆلى قار تېيىلىش مەيدانى ئەتراپىدا ئىشلەۋاتقان ۋاقتىدا، يېقىن ئەتراپتىكى بىر تاغ ئۆڭكۈرىدىن بۇ تاشنى تېپىۋالغان، شۇ ۋاقىتتا ئىككى پارچە تاش ئېلىۋالغان ئىككى پارچە تاشتىن بىرى ئوتتا كۆيۈپ كەتكەن، قالغان يەنە بىرسىنى باھالىتىش ئۈچۈن ساقلاپ قويغان.

   ۋاڭ تيەنباۋنىڭ دېيىشىچە، دەسلەپتە ئۇنىڭ كۆيگەندىكى پۇرىقىغا قاراپ، كۆپچىلىكنىڭ ھەممىسى ئۇنى قاراماي دەپ گۇمانلانغان، شۇڭا ئۇ ئۆزى بىر تۆمۈر تاختىنى قىزىتىپ سىناق قىلغان، ئادەتتە قاراماي يۇقىرى تېمپېراتۇرىغا يولۇققاندا ئېرىپ يۇمشايدىغان بولسىمۇ، لېكىن بۇ تاشتا ھېچقانداق ئېرىمىگەن ھەم يۇمشىمىغان.

   شىنجاڭ تاغ جىنىسلىرى مەھسۇلاتلىرىنىڭ سۈپىتىنى نازارەت قىلىش-تەكشۈرۈش پونكىتىنىڭ دائىمىي ئىشلارغا مەسئۇل مۇئاۋىن پونكىت باشلىقى يۆ يۈنخۇينىڭ دېيىشىچە، ئەگەر بۇ تاشنىڭ قاتمۇ قات ئىكەنلىكى، كۆيگەندە قارا ئىس چىقىرىپ، قارامايغا ئوخشاش پۇراق چىقارغان ئالاھىدىلىكلىرىگە قاراپ ئۇنى قېزىلما بايلىقلارنىڭ بىر خىل بولغان مايلىق سلانېتس دەپ ھۆكۈم قىلىشقا بولىدىكەن، چۈنكى ئاپتونوم رايونىمىزدا مايلىق سلانېتس بايلىقى بار ئىكەن. مايلىق سلانېتس كۈل تەركىبى يۇقىرى يېنىشچان ئورگانىك ماددىلىق چۆكمە جىنىس بولۇپ، ئۇ ۋە كۆمۈرنىڭ ئاساسلىق پەرقى كۈل تەركىبىنىڭ %40 ئېشىشىدا پەرقلىنىدىكەن، مايلىق سلانېتسنى تۆۋەن تېمپېراتۇرىدا قۇرۇق ھەيدەش ئارقىلىق سلانېتس مېيىغا ئېرىشكىلى بولىدىكەن.

   يۆ يۈنخۇينىڭ دېيىشىچە، بۇ پەقەت پەرەز بولۇپ، تاشنىڭ قانداق ماتېرىياللاردىن تۈزۈلگەنلىكىنى جەزملەشتۈرۈش ئۈچۈن، ۋاڭ تيەنباۋ باھالىغۇچى ئورۇنلارغا بېرىپ باھالىتىشىغا توغرا كېلىدىكەن.