تۇرپان-كورلا تۆمۈريول 2-لىنىيەسى كورلا توك بىلەن تەمىنلەش ئوچاستىكىسىنىڭ خادىملىرى تۇرپان-كورلا تۆمۈر يول 2-لىنىيەسىدىكى تېگىشىش تورىنى تەكشۈرمەكتە. نۆۋەتتە، جەنۇبىي شىنجاڭ رايونىدىكى بىردىن بىر ئېلېكتىرلەشكەن تۆمۈريول ــــــ تۇرپان–كورلا تۆمۈر يول 2-لىنىيەسى مۈشكۈل بولغان قىشلىق توشۇش ۋەزىپىسىنى ئۈستىگە ئالدى.

   شىمالىي شىنجاڭ بىلەن جەنۇبىي شىنجاڭنى تۇتاشتۇرىدىغان بۇ مۇھىم تىرانسپورت لىنىيەسىدە مۇقىم بولغان ئېلېكتىر كۈچى مەنبەسىنىڭ بولۇشىغا كاپالەتلىك قىلىش ئۈچۈن، كورلا توك بىلەن تەمىنلەش ئوچاستىكسىنىڭ بىرىنچى سېپىدىكى خادىملار تەڭرىتېغىنىڭ ئىچكىرىسىدىكى رايونلار ۋە كەڭ يېزا-كەنتلەردە پىداكارلىق بىلەن كۈرەش قىلىپ، بۇ مۇھىم قاتناش يولىنىڭ نورمال بولۇشىغا كاپالەتلىك قىلدى.