ئامېرىكا ئەمەلدارى 2- ئاۋغۇست، زۇڭتۇڭ باراك ئوبامانىڭ ئامېرىكا ئارمىيەسى مەشقلەندۈرگەن سۈرىيەدىكى «مۆتىدىل» ئۆكتىچى قوراللىقلارنى ھاۋادىن قوغداشنى قارار قىلغانلىقى، ھاۋا ھۇجۇمىنىڭ دۈشمەن پەيدا قىلىش مۇمكىنلىكى، سۇرىيە ھۆكۈمەت ئارمىيەسىنىڭمۇ بۇنىڭ ئىچىدە ئىكەنلىكىنى ئاشكارلىدى.

تۇنجى قېتىملىق ھاۋا ھۇجۇمى 31 –ئىيۇل ئېلىپ بېرىلدى، بۇ ئامېرىكىنىڭ سۇرىيە توقۇنۇشىغا يەنىمۇ ئارىلاشقانلىقىدىن دېرەك بېرىدۇ. بىراق ئامېرىكا ئەمەلدارى بۇ قېتىمقى ھەرىكەت يەنىلا «ئىسلام دۆلىتى» ئەسەبىي تەشكىلاتىغا قارىتىلدى دېدى.

ئامېرىكا «ۋول كوچىسى گېزىتى» تۇنجى قېتىم بۇ خەۋەرنى ئاشكارلىدى. ئىسمىنى ئاشكارلاشنى خالىمىغان ئامېرىكىنىڭ بىر قانچە ئەمەلدارى مۇنداق دېدى، ئامېرىكا مەشىقلەندۈرگەن«مۆتىدىل»ئۆكىتىچى قوراللىقلار «ئىسلام دۆلىتى» نىشانلىرىغا ھۇجۇم قىلغاندا، ئامېرىكا ھاۋادىن ئوت كۈچى بىلەن تەمىنلەپ ھۇجۇم خاراكتېرلىك زەربە بېرىدۇ؛ «مۆتىدىل» ئۆكىتىچى قوراللىقلار ھەرقانداق ھۇجۇمغا ئۇچرىسا، ئامېرىكا مۇداپىئە خاراكتېرلىك ئوت كۈچى بىلەن تەمىنلەيدۇ.
سۇرىيەنىڭ ئۇرۇش ۋەزىيىتى قالايمىقان، «ئىسلام دۆلىتى» ئامېرىكىنىڭ سۈرىيەدىكى «ۋەكالەتچى» قوراللىقلىرى دۇچ كەلگەن تەھدىتلەرنىڭ پەقەتلا بىرسى. قوشنا دۆلەتتە، ئامېرىكا ئارمىيەسى مەشقاۋۇللىرىنىڭ تەربىيەسىنى ئېلىپ تۇنجى تۈركۈمدە دۆلىتىگە قايتقان «30–دىۋىزىيە»نىڭ 31–ئىيۇل سۈرىيەنىڭ شىمالىدىكى ھەلەب ئۆلكىسىدە «قوللاش فىرونتى» ئەسەبىي تەشكىلاتىنىڭ ھۇجۇمىغا ئۇچرىشى، ئامېرىكىنىڭ ھاۋا ھۇجۇمى قوزغىشىغا سەۋەپ بولدى. بۇ ھازىرغىچە، ئامېرىكىنىڭ سۈرىيەدىكى«ۋەكالەتچى» قوراللىقلىرىنى ھاۋادىن قوللاپ ھەركەت قىلىشى.

ئامېرىكا ئىزچىل سۈرىيەدىكى مۆتىدىل ئۆكتىچىلەرنى قوراللاندۇرۇش ۋە مەشىقلەندۈرۈشتىكى مەقسەت «ئىسلام دۆلىتى»گە زەربە بېرىش، سۇرىيە ھۆكۈمەت ئارمىيەسى ياكى زۇڭتۇڭ بەشىر ئاسادقا سادىق باشقا قوراللىقلار ئەمەس دەپ كەلگەن ئىدى.

ئامېرىكا ھەم سۈرىيە ھۆكۈمەت ئارمىيەسى بىلەن ئاشۇ دۆلىتىگە قايتقان ئۆكىتىچى قوراللىقلار ئارىسىدىكى توقۇنۇشنى پەسەيتىپ بىر تەرەپ قىلىپ كەلدى. سۈرىيە ھۆكۈمەت ئارمىيەسىنىڭ ھازىرقى باسقۇچتىكى مۇداپىئە ۋە ھۇجۇمىنىڭ ئاساسلىق ئوبيېكتى «ئىسلام دۆلىتى» ۋە «قوللاش فىرونتى» قاتارلىق ئەسەبىي قوراللىقلار.

ئەمما ئامېرىكا ئەمەلدارى مۇنداق دېدى، سۇرىيە ھۆكۈمەت ئارمىيەسى بىلەن «مۆتىدىل» ئۆكىتىچى قوراللىقلار ئارىسىدا مەقسەتسىز توقۇنۇش يۈز بېرىش مۇمكىنچىلىكىنى چەتكە قاقمايمىز. بۇ ئامېرىكىنىڭ سۇرىيە ھۆكۈمەت ئارمىيەسىنىڭ نىشانلىرىغا ھاۋادىن ھۇجۇم قىلىشقا ئىمكان قالدۇرۇپ قويغانلىقىدىن دېرەك بېرىدۇ.

بەش بۇرجەكلىك بىنا ۋە ئاق ساراي ئامېرىكىنىڭ بۇ خىل «ھاۋادىن قوغداش»نىڭ كونكىرىت ئۇرۇش پىرىنسىپىغا باھا بېرىشنى رەت قىلدى، ھەم يۇقىرىقى ئىسمى نامەلۇم ئامېرىكا ئەمەلدارىنىڭ سۆزىنى دەلىللەشنى خالىمىدى.

ئاق ساراي دۆلەت بىخەتەرلىك كومىتېتىنىڭ باياناتچىسى ئالىستىل بارسكىي مۇنداق دېدى، پەقەت ئامېرىكا مەشىقلەندۈرگەن سۇرىيە «مۆتىدىل» ئۆكىتىچى قوراللىقلارلا ئامېرىكىنىڭ ھاۋادىن قوغدىشىغا ئېرىشەلەيدۇ، «جۈملىدىن مۇداپىئە خاراكىتلىك ئوت كۈچى ياردىمىمۇ بار». ئامېرىكىنىڭ قىلىدىغىنى «زۆرۈر تەدبىرلەرنى قوللىنىپ» ئامېرىكا تەربىيەلىگەن سۈرىيە «مۆتىدىل» ئۆكىتىچى قوراللىقلىرىنىڭ «بۇرچىنى مۇۋەپپىقىيەتلىك ئورۇندىشىغا» كاپالەتلىك قىلىش.

بەش بۇرجەكلىك بىنانىڭ باياناتچىسى ئېلىسا سىمىت تەكىتلەپ، ئامېرىكا تەربىيەلىگەن سۈرىيە «مۆتىدىل» ئۆكىتىچى قوراللىقلىرىنىڭ «ئالدىنقى ھەم ئەڭ مۇھىم» مەقسىتى«ئىسلام دۆلىتى» قوراللىقلىرىغا زەربە بېرىش دىدى.

سىمىت مۇنداق دېدى، شۇنداق بولغان تەقدىردىمۇ، ئامېرىكا نۇرغۇن مۆتىدىل «مۆتىدىل» ئۆكىتىچى قوراللىقلارنىڭ نەچچە سەپتە جەڭ قىلىشىغا دۇچ كېلىدۇ، بۇ، باشار ئەسەد ھاكىمىيىتى، «ئىسلام دۆلىتى» ۋە باشقا تېررورچىلارنى ئۆز ئىچىگە ئالىدۇ.

ئامېرىكا بۇ يىل 5–ئايدىن باشلاپ، سۈرىيەدىكى «مۆتىدىل» ئۆكىتىچى قوراللىقلارنى تەربىيلەشكە باشلىغان بولۇپ، ھەر يىلى 5 مىڭ 400 ئەتراپىدا ئادەم تەربىيەلەپ 3 يىل داۋاملاشتۇرۇشنى پىلانلىدى. بۇ، ئوباما ھۆكۈمىتىنىڭ «ئىسلام دۆلىتى» گە زەربە بېرىش تاكتىكىسىنىڭ بىر قىسمى. بىراق ئەسكەر تەربىيەلەش پىلانى باشتىلا ئاۋارچىلىققا ئۇچرىدى، بۇنىڭغا تاللانغان نۇرغۇن سۇرىيەلىك ئۆكىتىچى قوراللىقلار نامزاتلىرى بۇنىڭغا ماس كەلمەيدۇ دەپ قارالدى، بەزىلىرى ھەتتا قېچىپ كەتتى.

ئوبامانىڭ مەشىقلەندۈرۈلگەن قىسىمدىن «ئىسلام دۆلىتى»گە زەربە بېرىشنى تەلەپ قىلىشىدىن نۇرغۇن سۇرىيە ئۆكىتىچىلىرى نازارى بولدى، سۇرىيە ئۆكىتىچىلىرىنىڭ ئويلايدىغىنى باشار ھاكىمىيىتىنى ئاغدۇرۇپ تاشلاش. ئەمما ئامېرىكا «ئىسلام دۆلىتى»گە زەربە بېرىش ھەربىي ھەركىتىدە باشار ھاكىمىيىتى بىلەن بىۋاسىتە توقۇنۇشۇپ قېلىشتىن ساقلىنىش توغرىسىدا ئىزدەنمەكتە.

ئەمما ئامېرىكا تەربىيەلىگەن «ۋەكالەتچىلەر» سۇرىيەگە قايتقاندىن كېيىن، «ئىسلام دۆلىتى» قوراللىقلىرى بىلەن ئۇرۇش قىلماي تۇرۇپلا، باشقا ئۆكتىچى قوراللىقلارنىڭ ئۇرۇش قاينىمىغا كىرىپ قالدى، مەسىلەن، 31 –ئىيۇل «30–دىۋىزىيە »نىڭ باش شىتابىغا ھۇجۇم قىلغان «قوللاش فىرونتى» دىگەندەك. بازا تەشكىلاتىنىڭ سۇرىيەدىكى تارمىقى «30–دىۋىزىيە»نىڭ نۇرغۇن ئوفىتسېر ئەسكىرىنى ئەسىرگە ئالدۇق دەپ داۋراڭ سالدى.