شىنجاڭ شەھەر گېزىتى خەۋىرى: مۇخبىر 4-ئاۋغۇست قىزىلتاغ ماي قاچىلاش پونكىتىدا جوۋ ئەپەندىمنى زىيارەت قىلدى، ئۇ مۇخبىرغا، يېقىندىن بۇيان ماي باھاسى داۋاملىق چۈشۈۋاتقاچقا، 100 يۈەنلىكلا ماي قاچىلاشقا ئادەتلەنگەنلىكىنى ئېيتتى.
4-ئاۋغۇست دۆلەت ئىسلاھات-تەرەققىيات كومىتېتى تارقاتقان ئۇقتۇرۇشقا ئاساسەن، 5-ئاۋغۇست سائەت نۆلدىن باشلاپ دۆلەت ئىچىدە بېنزىننىڭ ھەر توننىسىنىڭ باھاسى 220 يۈەن، دېزىل مېيىنىڭ ھەر توننىسىنىڭ باھاسى 215 يۈەنگە چۈشكەن. مۇشۇ بويىچە ھېسابلىغاندا 90-نومۇرلۇق بېنزىن ۋە 0-نومۇرلۇق دېزىلنىڭ ھەر لېتىرىنىڭ پارچە سېتىلىش باھاسى 0.16 يۈەن ۋە 0.18 يۈەن چۈشكەن. بۇ، دۆلەت ئىچىدىكى تەييار ماي باھاسىنىڭ بۇ يىل ئىچىدە تۇنجى قېتىم ئۇدا تۆت قېتىم چۈشۈشى ھېسابلىنىدىكەن.