ئامېرىكا ئاخبارات ۋاستىلىرىنىڭ خەۋىرىگە قارىغاندا، ئامېرىكا بىرلەشمە تەكشۈرۈش ئىدارىسى ( FBI ) مالايسىيە ئايروپىلان يوقاپ كېتىش ۋەقەسىگە قارىتا تەكشۈرۈشنى باشلىغان. ئامېرىكا دۆلەتلىك رادىئو شىركىتى( NBC ) نىڭ سائەت 0 دىن 22 مىنۇت ئۆتكەندە بەرگەن خەۋىرىگە ئاساسلانغاندا، ئامېرىكا ھەربىي ئەمەلدارى مۇنداق دېگەن:« مالايسىيەنىڭ يولۇچىلار ئايروپىلانىدىكى يولۇچىلارنىڭ تىزىملىكىدە بىر نەپەر ئىتالىيە پۇقراسى ۋە بىر نەپەر ئاۋستىرىيە پۇقراسىنىڭ ئەمەلىيەتتە ئايروپىلانغا چىقمىغانلىقى ئىسپاتلاندى، بۇ ئىككى نەپەر يولۇچىنىڭ پاسپورتى ئوغۇرلانغان. شۇڭا بۇ ھادىسىنىڭ تېرورچىلىق بىلەن مۇناسىۋىتى بار يوقلىقى ئادەمنى ساراسىمىگە سالىدۇ، ئامېرىكا تەرەپ ھازىر مۇناسىۋەتلىك تەكشۈرۈشلەرنى ئېلىپ بېرىۋاتىدۇ» ئامېرىكا سىملىق تېلىۋىزىيە خەۋەرلەر تورى ( CNN ) نىڭ شۇ يەر ۋاقتى 8-مارت ئاۋستىرىيە ۋە ئىتالىيە ئەمەلدرلىرى بىلەن بولغان سۆھبىتىدە ئېتىلىشىچە، مالايسىيە ئاۋىئاتسىيە شىركىتى ئېلان قىلغان يوقالغان ئايروپىلاندىكى بارلىق يولۇچى ھەم ئايروپىلان خىزمەتچىلىرىنىڭ تىزىملىكىدە ئاۋستىرىيەلىك ۋە ئىتالىيەلىك يولۇچى ئەمەلىيەتتە ئايروپىلاندا يوق ئىكەن. خەۋەردە يەنە مۇنداق دېيىلگەن، ئاۋستىرىيە ھۆكۈمەت تەرەپنىڭ ئيتىشىچە، مالايسىيە ئاۋىئاتسىيە شىركىتى ئېلان قىلغان يوقالغان ئايروپىلاندىكى بارلىق يولۇچى ھەم ئايروپىلان خىزمەتچىلىرىنىڭ تىزىملىكىدىكى ئاۋستىرىيەلىك يولۇچى ئايروپىلانداق يوق، مەزكۇر يولۇچىنىڭ پاسپورتى ئىككى يىل بۇرۇنلا ئوغۇرلانغان. ئۇنىڭدىن باشقا ئىتالىيە ئەنسا ئاگېنتلىقىنىڭ ئەڭ يېڭى خەۋىرىگە ئاساسلانغاندا ، مالايسىيە ئاۋىئاتسىيە شىركىتىنىڭ بېيجىڭغا ئۇچىدىغان MH370 قېتىملىق ئايروپىلانىدىكى يولۇچىلارنىڭ تىزىملىكىدىكى بۇيىل 37 ياشقا كىرگەن ئىتالىيەلىك يولۇچى لۇگى مارالدىنىڭ ئايروپىلاندا يوقلىقى ئاللىقاچان ئىسپاتلانغان. ئىتالىيە « جۇمھۇرىيەت گېزىتى » تور بېكىتىنىڭ خەۋىرىگە ئاساسلانغاندا، ئىتالىيە تاشقى ئىشلار مىنىستىرلىكى ئاللىقاچان مەزكۇر ئىتالىيەلىك بىلەن ئالاقىلاشقان، لۇگى مارالدىمۇ ئىتالىيە ۋاقتى چشتىن بۇرۇن ئائىلىسىدىكىلەر بىلەن تېلىفۇنلاشقان ، ھەمدە ئۆزىنىڭ ھازىر تايلاندتا ئىكەنلىكىنى ئېيتقان. خەۋەردە يەنە مۇنداق دېيىلگەن. ئىتالىيەلىك لۇگى مارالدىنىڭ پاسپورتى 2013-يىلى 8-ئاينىڭ 1-كۈنى تايلاندتا ئوغۇرلانغان، ئاندىن ئىتالىيەگە قايتىپ يېڭىدىن پاسپورت بېجىرىپ ئاندىن تايلاندقا يېنىپ كەلگەن.ھازىرقى ئەڭ چوڭ ئېھتىماللىق بولسا باشقىلار ئۇنىڭ يۈتۈپ كەتكەن پاسپورتى ئارقىلىق ئايروپىلانغان چىققان بولۇشى مۇمكىن. مالايسىيە ئاۋىئاتسىيەسىنىڭ 239 ئادەم ئولتۇرغان بۇ يولۇچىلار ئايروپىلانى مالايسىيە پايتەختى كۇئالالامپۇردىن ئايرىلغاندىن كېيىن ئالاقە ئۈزۈلۈپ قالغان. بۇ ئايروپىلان ئەسلىدە كۇئالالامپۇردىن ئايرىلغاندىن كېيىن شۇ يەر ۋاقتى شەنبە كۈنى سەھەر سائەت 2 دىن 40 مىنۇت ئۆتكەندە ئالاقە ئۈزۈلۈپ قالغان.ئايروپىلاننىڭ ئەسلى قونۇش ۋاقتى 6دىن 30 مىنۇت ئۆتكەندە ئىدى. مالايسىيە ئاۋىئاتسىيە شىركىتىنىڭ ئورگان تور بېكىتىدە شۇ كۈنى كەچ MH370 قېتىملىق يولۇچىلار ئايروپىلانىدىكى 227 نەپەر يولۇچى ھەم 12 نەپەر ئايروپىلان خادىمىنىڭ تىزىملىكى ئېلان قىلنغان. بۇنىڭ ئىچىدە جۇڭگۇلۇق يولۇچى 154 نەپەر ( بىر نەپەر تەيۋەنلىك يولۇچىنى ئۆز ئىچىگە ئالىدۇ)، مالايسىيەلىك يولۇچى 38 نەپەر، ھىندىنوزىيىلىك يولۇچى 7 نەپەر، ئاۋستىرالىيەلىك يولۇچى 6 نەپەر، ھىندىستانلىق يولۇچى 5 نەپەر، فىرانسىيەلىك يولۇچى 4 نەپەر، ئامېرىكىلىق يولۇچى 3 نەپەر، يېڭى زىللاندىيىلىك يولۇچى2 نەپەر، ئۇكرائىنالىق يولۇچى 2 نەپەر، كانادالىق يولۇچى 2 نەپەر، گوللاندىيەلىك يولۇچى 1 نەپەر، روسىيىلىك يولۇچى 1 نەپەر، ئاۋستىرىيىلىك يولۇچى 1 نەپەر، ئىتالىيىلىك يولۇچى 1 نەپەر. 12 نەپەر ئايروپىلان خادىمىنىڭ ھەممىسى مالايسىيەلىك. (يەر شارى تورى خەۋىرى، لەگلەك تورى تەرجىمىسى)