1-ئاينىڭ 13-كۈنى چۈشتىن بۇرۇن، لىڭشەن ناھىيەسى شياڭگۈي ئولتۇراق رايونىدا بىر قېتىملىق تاسادىپىي ۋەقە يۈز بېرىپ، سەككىز ئايلىق ئوغۇل بوۋاق 13-قەۋەتتىن چۈشۈپ كېتىپ قازا قىلدى. ساقچىلار تەكشۈرۈش ئارقىلىق، بوۋاقنىڭ ئانىسى دېرىزە تۈۋىدە تۇرۇپ بالىنى بەزلەش جەريانىدا بالا قولىدىن چۈشۈپ كېتىپ يۇقىرىقى ۋەقەنىڭ كېلىپ چىققانلىقىنى ئېنىقلىدى.

   مۇشۇ ئولتۇراق رايوندا ئولتۇرۇشلۇق ئاھالىنىڭ مۇخبىرغا ئېيتىشىچە، بۇ ئىش بىرىنچى بىنادا يۈز بەرگەن، ئۇ بۇ ئىشنىڭ خەۋىرىنى ئاڭلىغاندىن كېيىن چىقىپ قارىغاندا، بوۋاقنىڭ ئۈچىنچى قەۋەتتىكى بالكوندا ياتقانلىقىنى، بالىنىڭ ئۈستىگە ئاق رەخت يېپىلغانلىقى، ئەتراپنى ساقچىلارنىڭ تەكشۈرۈۋاتقانلىقىنى كۆرگەن ئىكەن. بالىنىڭ دادىسى سىرتتىن ئالدىراش قايتىپ كېلىپ، كۆز ياشلىرى تاراملاپ ئاققان ھالدا ئولتۇراق رايوندىكى چىملىقتا ئولتۇرۇپ قالغان ئىكەن.

     ئىگىلىنىشىچە، بوۋاقنىڭ ئۆيىدىكىلەر 13-قەۋەتتە ئولتۇرۇدىكەن. شۇ كۈنى چۈشتىن بۇرۇن سائەت 9:00 دا، ئەر ئۆيدىن چىقىپ كەتكەندىن كېيىن، ئۆيىدە ئايالى بىلەن بالىسى قالغان ئىكەن. بوۋاق تۇيۇقسىز ئوغرىلىقتىن ساقلىنىش تورى ئورنىتىلمىغان دېرىزىدىن يەرگە چۈشۈپ كەتكەن ئىكەن. ۋەقە يۈز بەرگەندىن كېيىن، شۇ يەردىكى كىشىلەر ساقچىغا تېلېفون ئۇرۇپ ياردەم سورىغان ئىكەن. 20 مىنۇتتىن كېيىن، بالىنىڭ دادىسى سىرتتىن قايتىپ كەلگەن.

   13-چېسلا چۈشتىن كېيىن، لىڭشەن ناھىيەلىك جامائەت خەۋپسىزلىكى ئىدارىسىنىڭ مۇخبىرغا ئۇقتۇرۇش قىلىشىچە، تەكشۈرۈش ئارقىلىق، بۇ قېتىمقى بىنادىن چۈشۈپ كېتىش ۋەقەسى تاسادىپىي يۈز بەرگەن ئىكەن. بوۋاقنىڭ ئانىسى دېرىزە تۈۋىدە تۇرۇپ بالىنى بەزلەش جەريانىدا بالا قولىدىن چىقىپ كېتىپ 13-قەۋەتنىڭ دېرىزىسىدىن چىقىپ كېتىپ مۇشۇ بىنانىڭ ئۈچىنچى قەۋىتىدىكى بالكونغا چۈشكەن، بوۋاق نەق مەيداندا قازا قىلغان ئىكەن.

     ساقچىلار ئاتا-ئانىلارنى بالىغا قارىغان ۋاقىتتا چوقۇم ئېھتىياتچان بولۇپ، ئامال بار خەتەرلىك ئورۇنلارغا بارماسلىق، تۇيۇقسىز خەتەر يۈز بېرىشنىڭ ئالدىنى ئېلىش توغرىسىدا ئەسكەرتىدۇ.