پىۋا قۇتىسى مېھمانخانىسى
ھەر يىلى ئاۋغۇستتا دانىيەدە كاتتا مۇزىكا بايرىمى ئۆتكۈزۈلىدۇ، كىشىلەر ئېسىل مۇزىكا ۋە پىۋالاردىن ھۇزۇرلانغاچ يەنە پىۋا قۇتىسى مېھمانخانىسىنىڭ تاشقى كۆرۈنۈشى يوغان بىر پىۋا قۇتىسىغا ئوخشايدۇ، ھەربىر قۇتىدا ئىككى ئادەم تۇرالايدۇ، ئىچىدىكى ئەسلەھەلىرى ئادەتتىكى قۇتىلاردىن پەرقلەنمەيدۇ، شوتا بىلەن ئۈستىگە چىقىشقا بولىدۇ، كەچلەردە تۈڭلۈكتىن يۇلتۇزلارنى تاماشا قىلغىلى بولىدۇ.

»مارس» مېھمانخانىسى
تۇنىستىكى جېبىل دۆلەت باغچىسى سەھرايى كەبىر چۆللۈكىنىڭ ئوتتۇرىسىدا بولۇپ، ئاق رەڭلىك چېدىرلار خۇددى تاشقى دۇنيادىن كەلگەن مېھمانلار ئوخشايدۇ، بۇ يەردە تۇرىۋاتقان كىشىلەر ئۆزلىرىنى خۇددى مارىستا تۇرغاندەك ھېس قىلىشىدۇ.

كىران مېھمانخانىسى
گوللاندىيەنىڭ خارلىنگېن شەھىرىدىكى بىر ھەشەمەتلىك مېھمانخانا كىراندىن ئۆزگەرتىپ ياسالغان بولۇپ، ئۆيلىرى كەڭ ھەم ئازادە ئىكەن، تەۋەككۈلچىلىكىنى ياخشى كۆرىدىغان ساياھەتچىلەر شوتا ئارقىلىق كىراننىڭ كابىنكىسىغا يامىشىپ چىقىدىكەن ھەم ئېگىزلىكىتىكى مېھمانخانىغا كىرەلەيدىكەن.

چامادان مېھمانخانىسى

چامادان ساھەتچىلەر ئۈچۈن كەم بولسا بولمايدىغان قورال ھېسابلىنىدۇ، بىراق كىچىنى چامداندا ئۆتكۈزۈش نۇرغۇن كىشىلەر ئۈچۈن يېڭلىق ھېسابلىنىدۇ. گېرمانىيەدىكى بىر كىچىك شەھەر لۇنزېناۋغا كەلگەن ئانچە كۆپ پۇلمۇ خەجلىمەي تۇرۇپ چامادان مېھمانخانىسىدا بىر كۈن قونالايدۇ. تۆت كىۋادرات مېتىر چوڭلۇقتىكى بۇ چاماداندا نېمىلەر بار؟ ئەلۋەتتە قوش قەۋەتلىك كارىۋات ۋە كىچىك بىر تازىلىق ئۆيى بار، بىراق بۇلار مېھمانلارئۈچۈن يېتەرلىك .