ئۈرۈمچى شەھىرىنىڭ تەڭرىتاغ رايونىدا قاتناش قىستاڭچىلىقىنى پەسەيتىش، يول قاتنىشى بىخەتەرلىكىگە كاپالەتلىك قىلىش ئۈچۈن، يېقىندا تاشبۇلاق ئالدى كوچىسى بىلەن تاشبۇلاق ئارقا كوچىسىدىكى قىسمەن يول بۆلەكلىرى تاق يۆنىلىشلىك قىلىپ ئۆزگەرتىلدى.
ئۈرۈمچى شەھىرى تەڭرىتاغ رايونلۇق قاتناش ساقچىلىرى چوڭ ئەترىتىنىڭ سىياسىي يېتەكچىسى ئابابەكرى ئابدۇكېرىمنىڭ تونۇشتۇرۇشىچە، تاشبۇلاق ئالدى كوچىسى شىمالدىن جەنۇبقا تاق يۆنىلىشلىك قىلىپ ئۆزگەرتىلگەن بولۇپ، قاتناش ۋاسىتىلىرىنىڭ جەنۇبتىن شىمالغا يۈرۈشى ھەم يولنىڭ ئىككى تەرىپىدە توختىشى چەكلىنىدىكەن؛ تاشبۇلاق ئارقا كوچىسى(تاشبۇلاق ئالدى كوچىسىدىن ئارقا بۇلاق يولى ئوتتۇرىسىدىكى يول بۆلىكى) شىمالدىن جەنۇبقا تاق يۆنىلىشلىك قىلىپ ئۆزگەرتىلگەن بولۇپ، قاتناش ۋاسىتىلىرىنىڭ جەنۇبتىن شىمالغا يۈرۈشى ھەم يولنىڭ ئىككى تەرىپىدە توختىشى چەكلىنىدىكەن.