ئامېرىكا دۆلەت مۇداپىئە مىنىستىرلىقى 14-ئىيۇن مۇنۇلارنى جاكارلىدى: ئامېرىكا ئارمىيەسى 13-ئىيۇن لىۋىيەنىڭ شەرقىدىكى بازا تەشكىلاتىنىڭ شۆبىسىنىڭ رەھبىرىنى نىشان قىلىپ، ھاۋا ھۇجۇمى قوزغىغان. لىۋىيە ھۆكۈمىتىنىڭ ئىسپاتلىشىچە، «بازا تەشكىلاتى»نىڭ شىمالىي ئافرىقىدىكى شۆبىسىنىڭ بىرى بولغان ناسىرزىم مۇستەقىللىق ھەرىكىتى»نىڭ قوماندانى، ئەسلىدىكى «نىقابلىق بىرگادا»نىڭ كاتتىبېشى مۇختار بېل مۇختار ھاۋا ھۇجۇمىدا ئۆلگەن.
مۇختار بېل مۇختار بۇ يىل 43 ياشتا بولۇپ، ئالجىرىيەلىك، چاد ئىلگىرى بۇ كىشىنى ئېتىپ تاشلىغانلىقىنى ئېيتقانىدى. 2013-يىلى 1-ئايدا «نىقابلىق بىرگادا» قوراللىق كۈچلىرى ئالجىرىيەدىكى تەبىئىي گازلىققا ھۇجۇم قىلىپ، ئاز دېگەندە 37 كىشىنىڭ قازا قىلىشىنى كەلتۈرۈپ چىقارغان، بۇ 3 ئامېرىكىلىقنى ئۆز ئىچىگە ئالىدۇ. ئامېرىكا ھۆكۈمىتى 2013-يىلى مۇختار بېل مۇختارنى كۆپ تۈرلۈك جىنايەت بىلەن ئەيىبلىگەن ھەمدە تۇتۇپ بەرگەنلەرگە بەش مىليون ئامېرىكا دوللىرى ئىنئام بېرىدىغانلىقىنى بىلدۈرگەنىدى.