تېنىمىزدە يەتتە خىل بەز مەركىزى بولۇپ ، ئومورتقىنىڭ ئوخشاشمىغان جايلىرىغا تارقالغان . ھەر بىر رەڭ بىر خىل ئىلىكترو دولقۇنى پەيدا قىلىدۇ ، بۇ دولقۇنلار كۆرۈش نىرۋىسى ئارقىلىق چوڭ مىڭىگە يەتكۈزۈلۈپ ، بەزلەرنىڭ ھورمۇن ئاجرىتىشىغا تۈرتكە بولۇپ ، شۇ ئارقىلىق كىشىلەرنىڭ پىسخىكىسى ۋە ئورگانىزىمغا تەسىر قىلىپ ، تىببىي داۋالاش رولىنى ئوينايدۇ .تىببى داۋالاشتىن باشقا ، رەڭنىڭ يەنە بەلگىلىك سىمۋوللۇق مەنىسى ۋە ئىجتىمائىي خۇسۇسىيتى بولۇپ ، ئىنسانلارنىڭ تۇرمۇشىغا خېلى زور تەسر كۆرسىتىدۇ .

ئاق رەڭ :

ھەقىقەت،نۇر،پاكلىق ، غۇبارسىزلىق،روشەنلىك ۋە خۇشاللىقنىڭ سىمۋولى بولۇپ، كىشىلەرگە ئازادىلىك ،يېڭىلىق تۇيغۇسى بىرىدۇ .

قىزىل رەڭ :

قىزغىن رەڭ بولۇپ ،ئۇ ساپ قان، يانغىن،ھاياتلىق ۋە مۇھەببەتنىڭ سىمۋولى، ئۇ پىسخىك رولى جەھەتتە قاننىڭ راۋانلىقىنى ئىلگىرى سۈرۈپ،نەپەسنى تىزلىتىدۇ ھەم جىمغورلۇق كېسىلىنى داۋالايدۇ ،ئادەم قېنىنىڭ ئايلىنىش سىستىمىسى ۋە نېرۋا سىستىمىسىغا زور تەسىر كۆرسىتىدۇ .

يېشىل رەڭ :

ئۈمىدنىڭ سىمۋولى بولۇپ ، كىشىلەرگە جىمجىتلىق تۇيغۇسى بىرىدۇ ، كۆز ئىچىنىڭ بېسىمىنى تۆۋەنلىتىپ ،كۆزنىڭ چارچاپ كىتىشىنى يەڭگىللىتىدۇ ،كەيپىياتنى خاتىرجەملەندۈرۈپ ،نەپەسنى ئاستىلىتىپ ،يۈرەكنىڭ يۈكىنى يەڭگىللىتىدۇ ،قان بېسىمىنى تۆۋەنلىتىدۇ .

بىنەپشە رەڭ

: مۇلايىملىق ، يول قويۇش ۋە خىيالچانلىققا ۋەكىللىك قىلىپ ،كىشىلەرگە جىمجىتلىق ،تەمكىنلىك ۋە ئارزۇ تىلەك بېغىشلايدۇ،چوڭ مېڭە كىسەللىكلىرىنى ۋە نېرۋا قالايمىقانلىشىش كېسىلىنى داۋالايدۇ .

سېرىق رەڭ :

خروماتوگرامما ئىچىدىكى كىشىلەرگە ئەڭ شادلىق بېغىشلايدىغان رەڭ ھېساپلىنىدۇ .ئۇ بىلىم ۋە يورۇقلۇقنىڭ سىمۋولى قىلىنغان بولۇپ ،نېرۋا سىستىمىسىنى غىدىقلايدۇ ۋە چوڭ مىڭىنىڭ ئىقتىدارىنى ياخشىلايدۇ ، جۇشقۇنلۇقنى قوزغاپ ،تەپەككۇرنى ئۆتكۈرلەشتۈرىدۇ .

قىزغۇچ سېرىق رەڭ :

يېڭى تەپەككۇر ۋە ياشلىقنىڭ سىمۋولى ، كىشىلەرگە ئىللىقلىق ،جۇشقۇنلۇق ۋە قىزغىنلىق تۇيغۇسى بېغىشلايدۇ ، تەپەككۇرگە ئىلھام بىرىپ ،كەيپىياتنى ئۈنۈملۈك غىدىقلايدۇ ۋە ھەزىم قىلىش ئىقتىدارىنى ياخشىلايدۇ .

كۆك رەڭ

: خاتىرجەملىك ، سۈرلۈك،ئىلمىيلىك ،خۇشاللىق، گۈزەللىك ، ئىناقلىق ، ۋە رازىمەنلىكتىن دېرەك بىرىدۇ ، ئۇنىڭدىن داۋاملىق پايدىلىنىپ ، موسكۇللارنىڭ جىددىيلىكىنى پەسەيتكىلى ، نېرۋىنى تىنچلاندۇرغىلى ۋە قان ئايلىنىشنى ياخشىلىغىلى بولىدۇ .

قارا رەڭ :

ئۆلۈم ۋە زۇلمەتكە ۋەكىللىك قىلىپ ،كىشىلەردە قايغۇ-مۇسىبەت ،خىرەلىك ،مەيۈسلۈك ۋە ئېزىلىش تۇيغۇسى پەيدا قىلىدۇ .