خەلقئارا لىنىيەسى مەخسۇس خەۋىرى: ئەنگىلىيە « كۈندىلىك پوچتا گېزىتى » نىڭ 11-مايدىكى خەۋىرىگە قارىغاندا، ئىتالىيەنىڭ 2012-يىلى يانۋاردا ۋەقەگە ئۇچراپ، 32 ئادەم قازا قىلغان «CostaConcordia» ناملىق پوچتا پاراخوتى 11-ماي ئەڭ ئاخىرقى 10 ئىنگلىز مىلى ( تەخمىنەن 16 كىلومېتىر ) ھايات مۇساپىسىنى تاماملاپ « چۇۋۇش پورتى»غا كىرگەن.
ئىگىلىنىشىچە، «CostaConcordia» ناملىق پاراخوت 2012-يىلى 13-يانۋار ئىتالىيەنىڭ Giglio ئارىلىدىكى دېڭىز پورتىغا يېقىن دېڭىزدا چۆكۈپ كېتىپ، ئىتالىيەدە 2-دۇنيا ئۇرۇشىدىن بۇيان يۈز بەرگەن ئەڭ ئېغىر بىر قېتىملىق دېڭىز ئىشلىرى ۋەقەسى بولۇپ قالغان.
ۋەقەدە «CostaConcordia» ناملىق پوچتا پاراخوتىنىڭ باشلىقى ئامان قالغان. پاراخوت باشلىقى شيېدىنو ۋە باش ياردەمچى ( كاپىتان ياردەمچىسى) بىخەستىلىك قىلىش، خاتا ئۆلتۈرۈش ۋە يولۇچىلار پۈتۈنلەي تارقاقلاشماستىن بۇرۇن پاراخوتنى تاشلاپ قېچىش قاتارلىق جىنايەتلەر بىلەن قولغا ئېلىنىپ، پاراخوت باشلىقىغا 16 يىللىق قاماق جازاسى ھۆكۈم قىلىنغان .