دۇنيا خەۋەرلىرى تورى 11-ماي خەۋىرى؛ لەگلەك تورى تەرجىمىسى: سۇرىيەنىڭ ئۇۇزن ۋاقىتتىن بېرى توقۇنۇش مەيدانىغا ئايلانغان ھەلەب شەھىرىدە 21 ئۆكتىچى گۇرۇپپا «فەتىھ ئارمىيسى» نامىدا تەشكىللىنىپ ھەلەب شەھىرىنى كونترول قىلىش ئۈچۈن ئورتاق ھەرىكەت مەركىزى تەشكىللىدى. «فەتىھ ئارمىيىسى» ناملىق بىرلەشمە قىسىملارنىڭ سۇرىيەنىڭ ئىدلىب ۋە جىسر شۇگۇر رايۇنىنى كونترول قىلغاندىن كېيىنكى نىشانى ھەلەب شەھىرىنى تامامەن كونترول قىلىش ئىكەن. ئۆكتىچى قۇراللىق بىرلەشمىسى «فەتىھ ئارمىيسى» دىن ئېلان قىلىنغان باياناتتا،« ھەلەب شەھىرىدە 21 ئۆكتىچى گۇرۇپپا شەھەرنى ھۆكۈمەت ئارمىيسىدىن قايتۇرۋېلىش ئۈچۈن «فەتىھ ئارمىيىسى» نامىدا بىرلەشتى» دېيىلگەن. باياناتتا، ئۆكتىچىلەردىن بۇ بىرلەشمە ھەرىكەتكە 22 مىڭ نەپەر قۇراللىق ئۆكتىچى ئەسكەر قاتناشتۇرۇلىدۇ، ۋە 300 دانە ھەربي ماشىنا، 60 تانكا، 70 دانە برونۋېك، 170 دانە ئېغىر تىپتىكى قۇرال ۋە 20 مىڭ دانە يېنىك تىپلىق قۇرال ئىشلىتىلىدۇ، دېيىلگەن. بۇ بىرلەشمە قىسىملار ئىچىدە ئەھرارۇششام ئەترىتى، جەيشۇل ئىسلام، شام فرونتى قاتارلىق ئۆكتىچى گۇرۇپپىلار بار ئىكەن. "فەتىھ ئارمىيىسىنامىدىكى بۇ بىرلەشمە گۇرۇپپىلار يېقىندا سۇرىيەنىڭ ئىدلىب رايۇنى ۋە جىسر شۇگۇر رايۇنىنى  ھۆكۈمەت ئارمىيسىدىن تارتىۋېلىپ كونترول قىلىۋالغان ئىدى.