يەر شارى خەۋەر تورى 6-ماي خەۋىرى؛ لەگلەك تورى تەرجىمىسى: لىۋان ئاللاھ پارتىيىسى رەھبىرى ھەسەن نەسرۇللاھ ئامېرىكا پارلامېنتىدا جۇمھۇرىيەتچىلەر تەرىپىدىن كۈنتەرتىپە كەلگەن ئىراقتىكى كۈرت ۋە سۈننى گۇرۇپپىلارنى قۇراللاندۇرۇش تەكلىپىگە نارازىلىق بىلدۈردى، ئامېرىكىنىڭ ئەرەبلەرنى پارچىلىماقچى بولغانلىقىنى ئېيتتى. نەسرۇللاھ، لىۋان ئاللاھ پارتىيىسىگە قاراشلىق «مانار تېلىۋېزىيسى» دە سۆز قىلىپ، ئامېرىكىنىڭ تېرور تەشكىلاتى ISIS كە قارشى تەشكىللىگەن بىرلەشمە ئارمىيەنىڭ ئاۋال ئىراقنى ، كېيىن پۈتۈن رايۇننى «مەزھەب ۋە ئ‍ىرىق» ئاساسىغا قاراپ پارچىلاشنى مەقسەت قىلغانلىقىنى ئېيتتى. نەسرۇللاھ، «ئەرەبلەر، كۈرتلەر، سۈننىيلەر، شىئەلەر دىگەن نام ئاستىدا مەزھەب ۋە سىياسى جەھەتتە پارچىلاشنى مەقسەت قىلۋاتىدۇ، رايۇن دۆلەتلىرىنى ئاجىزلاشتۇرۇپ ئۆز-ئارا ئۇرۇشقا سېلىپ پارچىلاش مەقسەت قىلىنۋاتىدۇ. ئىراقنىڭ پارچىلىنىشى ئۈچۈن ئېلىنغان تۇنجى قەدەم ئامېرىكا پارلامېنتى ماقۇللىغان ئىراقتىكى گۇرۇپپىلارنى قۇراللاندۇرۇش قارارىدۇر. ئىراقتىكى ئەھۋال پۈتۈن رايۇنغا مۇناسىۋەتلىك. يەمەننى، ئىراقنى، سۇرىيەنى ۋە پۈتۈن رايۇن دۆلەتلىرىنى پارچىلاش مەقسەت قىلىنۋاتىدۇ. ھەتتا ئۆزىنىڭ ھەمكارلاشقۇچىلىرىنىڭ پارچىلايدۇ، ۋاقتى كەلگەندە سەئۇدى ئەرەبىستانمۇ پارچىلىنىدۇ» دېدى.
نەسرۇللاھ سۇرىيەدە لىۋان ئاللاھ پارتىيسى قۇراللىقلىرى بىلەن ئۆكتىچلەر ئارىسىدا تۇقۇنۇش بولىۋاتقانلىقىنى تىلغا ئېلىپ، بىز ئىدلىب ۋە جىسر شۇگۇر قولدىن كەتكەندىن كېيىن ئۇلارغا ھۇجۇم قىلمىدۇق، ئەكسىچە ئۇلار بىزگە ھۇجۇم قىلدى، دېدى.
نەسرۇللاھ، سەئۇدى ئەرەبىستاننىڭ يەمەنگە قاراتقان ھەرىكىتىنى «مەغلۇبىيەت» دەپ قاراپ مۇنداق دېدى؛ «سەئۇدىلىقلار يەمەندە قايسى نىشانىغا يەتتى؟ پرېزىدېنت مەنسۇر ھادىنى پايتەخت سەنئاغا ئەكىلەلىدىمۇ؟ ئەنسارۇللاھ ھەرىكتىنىڭ قۇراللىرىنى تارتىۋالالىدىمۇ؟ سەئۇدى ھېچقانداق نىشانىغا يىتەلمىدى. ئىراننىڭ نۇپۇزىنى يۇقىتالىدىمۇ؟ بىز سەئۇدىنىڭ زور مەغلۇبىيتى ۋە يەمەنلىكلەرنىڭ غەلبىسىنى كۆرىۋاتىمىز. سەئۇدىنىڭ يەمەن ھەرىكىتى بولسا تامامەن مەغلۇبىيەتتۇر» دېدى.