يەر شارى خەۋەر تورى 5-ماي خەۋىرى؛ لەگلەك تورى تەرجىمىسى: بىرلەشكەن دۆلەتلەر تەشكىلاتى، يەمەندە 26-مارتتىن 3-مايغىچە بولغان ئارلىقتا 646 كىشىنىڭ ھاياتىدىن ئايرىلغانلىقى، 1 مىڭ 300 دىن كۆپ كىشىنىڭ يارىلانغانلىقىنى ئېلان قىلدى. ب د ت نىڭ ئېيتىشىچە، 3 مىليۇن مېيىپ ۋە ئ‍ائىلىلەر توقۇنۇشنىڭ تەسىرىگە ئېغىر دەرىجىدە ئۇچرىدى. بىرلەشكەن دۆلەتلەر تەشكىلاتى ئىنسان ھەقلىرى ئالى كومىتىتى باياناتچىسى راۋىنا شامداسانى، ب د ت نىڭ جەنۋەدىكى ئىشخانىسىدا يەمەندە يۈز بەرگەن ئۆزگىرىشلەرگە ئالاقىدار ئاخبارات يىغىنى ئۆتكۈزدى. شامداسانى، يەمەندە تەخمىنەن 3 مىليۇن مېيىپ ۋە ئائىلىلەرنىڭ توقۇنۇشنىڭ ئېغىر تەسىرىگە ئۇچرىغانلىقىنى، دۆلەتتە توپلىشىپ كۆچۈشنىڭ يېقىلغۇ قىيىنچىلىقى سەۋەبىدىن توختاپ قالغانلىقىنى، يېقىلغۇ باھاسىنىڭ يۇقىرى بولغانلىقى ئۈچۈن كىشىلەرنىڭ ئۆز ئىمكانىيەتلىرى بىلەن قېچىپ بىخەتەر رايۇنلارغا بارالمىغانلىقىنى ئېيتتى.
يەمەندىكى توپىلاڭچى ھۇسىي قۇراللىقلىرىنىڭ كېڭىيىشىنى چەكلەش ئۈچۈن سەئ‍ۇدى ئەرەبىستان باشچىلىقىدىكى بىرلەشمە ئارمىيە قىسىملىرى 26-مارتتا «كەسكىن قارار بورىنى» نامىدا ھاۋا ھۇجۇمى قوزغىغان ئىدى. يەمەندە پرېزىدېنت ئابدۇرەببۇ مەنسۇر ھادى ھۆكۈمىتىنىڭ يەمەنگە ھەربىي مۇداخىلە چاقىرىقىدىن كېيىن باشلانغان ھەرىكەت 21-مايدا ئاخىرلاشقان ئىدى. بىرلەشمە ئارمىيە قىسىملىرىنىڭ باياناتچىسى گېنىرال ئەھمەد ئەسىرى يەمەن خەلقى ئۈچۈن بۇنىڭدىن كېيىن «ئۈمىدكە قايتىش» ھەركىتىنىڭ باشلىنىدىغانلىقىنى ئېيتقان ئىدى.