جاھان ئاگېنتلىقى 5-ماي خەۋىرى؛ لەگلەك تورى تەرجىمىسى: ھىندىستاننىڭ ماديا پرېدىش ئۆلكىسىدە بىر يولۇچىلار ئاپتۇبۇسى كۆۋرۈكتىن ئورەككە چۈشۈپ كېتىپ ئاپتۇبۇسقا ئوت كەتكەن، نەتىجىدە 21 كىشى كۆيۈپ كېتىپ ھاياتىدىن ئايرىلغان. پاننا رايۇنلۇق ساقچى خادىملىرى، پاننادىن چاتارپۇرغا قاراپ ماڭغان ئاپتۇبۇستىكى يولۇچىلاردىن 21 كىشىنىڭ كۆيۈپ ئۆلگەنلىكى ۋە 14 كىشىنىڭ يارىلانغانلىقىنى بىلدۈردى. خادىملار، ئاپتۇبۇستا قانچە كىشى بارلىقىنى بىلمەيدىغانلىقىنى ۋە ئۆلۈم سانىنىڭ كۆپىيىشى مۇمكىنلىكىنى ئېيتتى. ھىندىستاندا ئىتىبارسىز يوللار، كونا ماشىنىلار ۋە پەرۋاسىز شوپۇرلارنىڭ سەۋەبىدىن يۈز بېرىدىغان ۋەقەلەردە ھەر يىلى نەچچە مىڭلىغان كىشى ھاياتىدىن ئايرىلىدۇ.