بۇ مەزمۇن 32قەۋەتتىكى ئاپتاپلىق نىڭ 2012-02-07 14:40 يوللىغان يازمىسىغا نەقىل :
تەسەۋۋۇپ مەيدانغا كەلگەندىن ھازىرغىچە تەسەۋۋۇپ توغرىسىدا نۇرغۇن ئۆلىما، مۇتەپپەككۇرلار نەچچە يۈزلىگەن كىتاپلارنى يېزىپ چىقتى.تەسەۋۋۇپنىڭ نېمىلىكىنى بىر قانچە ئالىمنىڭ كىتاۋىنى ئوقۇپ بىلىپ بولغانمەن دىيىش ئەقىلگە مۇۋاپىق ئەمەس، تەسەۋۋۇپ پەيغەمبەر ئەلەيھىسالام ۋاپاتىدىن بىر قانچە ئەسىر كېيىن مەيدانغا كىلىپ ھازىرغىچە نۇرغۇن دەۋرلەرنى بېسىپ ئۆتتى. ھەر خىل ئىدىيە،پىكىر،تەپسىرىلەر بارلىققا كەلدى. بۇ ئەلۋەتتە توختىماي پىكىر يۈرگۈزۈشنىڭ نەتىجىسى. ئۇلارنىڭ ھەممىسىنىڭ ئۆزگىچە ئىدىيىسى، تەشۋىقات-تەرغىبات ئۇسۇلى،يولى، خېلى مۇكەممەل نەزەرىيە سېستىمىسى بار.ھازىرمۇ تەسەۋۋۇپنى تەتتىق قىلىدىغان مۇكەممەل ئاپراتلىرى، تەشكىلاتلىرى ۋە تەشىقات ۋاستىلىرىغا ئىگە. يەنە كىلىپ تەسەۋۋۇپچىلارنىڭ دىن تارقىتىش يولىدىكى نەتىجىلىك ھەرىكەتلىرى،ۋە ئوخشىمىغان دەۋرلەردىكى سىياسى جەھەتتە ئوينىغان رولى( ئەلۋەتتە سەلبىي رولىمۇ يوق ئەمەس) نى يوققا چىقارغىلى بولمايدۇ.ئۇنىڭ ئۈستىگە تەسەۋۋۇپ خېلى مۇكەممەل نەزەرىيە سېستىمىسى بار بولغان بىر خىل ئىدىيە.
بىراق مەيلى قانداقلا چۈشۈندۇرۇشتىن قەتئىي نەزەر. تەسەۋۋۇپ پەيغەمبەر زامانىسىدا يوق ئىدى ۋە بارلىققا كەلگەندىن بۇيان يەنە نۇرغۇن سەلبىي ھادىسە،پۈچەك ئىدىيە،گورۇھۋازلىق،تەپرىقچىلىق،خۇنۇك ، مۇشرىك قاراشلارنىڭ شەكىلىنىشىگە سەۋەپ بولدى.بولۇپمۇ بۈگۈنكى مۇشۇ زاماندا مېنىڭ قارىشىمچە تەسەۋۋۇپ تېخىمۇ زىيانلىق،ئازغۇن ئىدىيە خالاس. ھازىر مۇسۇلمانلار ئىلىم-پەن،ئىلغار تېخنىكا،تىنىمسىز ئۆگۈنۈش،خىزمەت قىلىش،جەمئىيەتكە قوشۇش،ئىجتىمائىي ئىشلاردا رولىنى جارى قىلدۇرۇشقا تېخىمۇ ئېھتىياجلىق. دۇنيانىڭ سىرتىدا يۈرۈپ، گورۇھلارغا بۆلۈنۈپ،ئازغۇن ئىدىيىلەرگە ئەسىر بولۇپ يۈرۈپ دىننى راۋاجلاندۇرۇش بۈگۈكى دەۋردە ئەسقاتماسلىقى مۇمكىن.
يەنە بىرسى؛ بىزدە تەسەۋۋۇپنىڭ گىپى بولسىلا كىلىپ،ھەممىنى بىراقلا ئىنكار قىلىدىغان ئەھۋاللار بار.بۇنى خەلقىمىزنىڭ رايونىمىز تەسەۋۋۇپىنىڭ ئۆز ۋاقتىدىكى پىشىۋاسى ئاپپاق خوجىدىن ئىبارەت مۇناپىقنىڭ ۋە ئاپپاق خوجىچە تەسەۋۋۇپنىڭ زىيىنىنى يەتكۈچە تارتقانلىقىدىن ئايرىپ قارىغىلى بولمايدۇ.گەرچە كېيىنكى چاغلاردا بىر قىسىم تەسەۋۋۇپچى سوپىلارنىڭ باشچىلىقىدا خەلق قوزغىلاڭلىرى بولغان بولسىمۇ،ئاپپاق خوجا ۋە ئۇ باشچىلىقىدىكى شۇ دەۋر سوپى- ئىشانلىرىنىڭ خەلقىمىزنىڭ ماددى، مەنىۋى ھاياتىغا،دىنىغا كەلتۈرگەن مۆلچەرلىگۈسىز زىيىنىنىڭ ئورنىنى تولدۇرىۋالغىلى بولمايدۇ، ئۇلارنىڭ ساۋابى گۇناھىنى مەڭڭۈ يۇيالمايدۇ.ئۇلارغا نەپرەتلىنىشىمىز ھەقلىق.
ئەمدى ئاپپاق خۇجىسىز تەسەۋۋۇپمۇ بىزنى ھەرگىز قۇتۇلدۇرالمايدۇ. مەيلى نېمىلا دېمەيلى ، نەچچىلىغان توم- توم كىتاپلارنى يېزىپ ۋەزخانلىق قىلايلى تەسەۋۋۇپنىڭ بۈگۈنكى دەۋردە بولۇپمۇ رايونىمىزدا پايدىسىز، خاتا،ئازغۇن كىپىر ئېقىمى ئىكەنلىكىنى يۇشۇرالمايمىز.
مەن بۇ يەردە تەسەۋۋۇپچىلارغا زەربە بەرمەكچى ئەمەس ، مېنىڭ نەزىرىمدە ئۇلارمۇ مېنىڭ ئەك ياخشى قېرىنداشلىرىم. مەن ئۇلار بىلەن. دوست بولۇشنى خالايمەن. بىراق تەسەۋۋۇپنىڭ خاتالىقىنى ،تۇنۇپ يىتىپ، مەزھەپلەرگە بۆلۈنمەي، پەيغەمبەرنىڭ سۈننىتىگە چىڭ ئېسىلىپ، ئىتتىپاقلىقنى ئەلا بىلىپ،كۆڭلى كۆكسىمىزنى كەڭ تۇتۇپ.كەلگۈسىمىز ئۈچۈن ئىزدەنسەك بولاتتى دېمەكچى.
.......
