مىنىڭچە تۇرغۇن يىلتىز، ئۆزىنى يىلتىز ئاتاشتىن بۇرۇن، ئۇنى - بۇنى كوچىلاشنى، يىلتىز ئەمەس ئۆزىگە كۆتەك نامىنى قوللىشىنى تەۋسىيە قىلىمەن، ئابدۇرىھىم ئۆتكۈر يىقىنقى زامان تارىخىدىكى مىللىتىمىز ئىتراپ قىلغان، خەلىق قەلبىدە چوڭقۇر ھۆرمەتكە سازاۋەر بولغان ئالىمىمىزدۇر، يۇرتىمىزدىكى نۇرغۇن دۇكان -ساراي، ئاشخانا دىگەندەك ئورۇنلارنىڭ تاملىرىغا مۇشۇ ئالىمىمىزنىڭ نۇرغۇن شىئىرلىرى ئىسىلغان..
كاللىمىزنى سەگەك تۇتايلى، ئەتە ئۆگۈن يەنە نىمە ئىشلار بولىدۇ، بۇنى بىلگۈھى بىر ئۇلۇغ ئاللاھ...

مەن تىغى نام چىقىرىشنىڭ يۇلىنى مىللەتنىڭ ئەيبىنى كۆرسۈتۈش،كۆرسەتكەنلەرنىڭ جاجىسىنى بېرىش،ئاپپاق غۇجامنى تىللاش بىلەن بۇلدىغان ئۇخشايدۇ دىسەم كۆپكەنغۇ.

تۇرغۇن يىلتىز ئەپەندى ،،،نامىنى چىقىرىش ئۈچۈن ،كىشلەرنىڭ دىققىتىنى تارتىپ،،، پىتنە تىرىپ ...بىر ئىشلارنى سىناق قىلۋاتىدىغۇ .. مۇشۇكۈنلەر دە.

     مىنىڭچە <<ئوبزورچى>> دېگە نام بىلەن باشقىلارنىڭ ئەيىبىنى خەلقى ئالەم ئالدىدا سازايى قىلىش شىنجاڭ مەدەنىيىتى ژورنىلىدىكى مەلۇم قەلەمكەشنىڭ پاتېنت ھوقۇقى. بىلمەستىن بۇ ھوقۇققا چىقىلىپ قويساق ئەسكەرتىپ قويماپسىز، دەپ مەندىن رەنجىپ يۇرسەڭلار بولماس.
      تاش ئەپەندىم، سىزگە ئاددىي تەكلىپىم؛ شۇ ژورنالنىڭ مۇقاۋىسىغا قارىسىڭىز شۇ <<خام كاللا>> يىلتىز ئەپەندى ئىشلەيدىغان رېداكسىيەنىڭ تېلىفۇن نومۇرى بار. مېنىڭچە سىز شۇ نومۇر ئارقىلىق يىلتىز ئەپەندى بىلەن پىكىر ئالماشتۇرۇپ بىقىپ، يىلتىز ئەپەندى كۆتەكتەك قىمىرلىماي تۇرىۋالسا ئاندىن توردا چاۋىسىىنى يايسىڭىزمۇ كېچىكمەيتتىڭىز. ھېلىمۇ سىناب باققان بولسىڭىز.
      مەن بىر سەھرالىق تومپاي، گېپىم ئارتۇقچە بولسا كەچۈرىشىڭلارنى تۆۋەنلىك سورايمەن.

تاشنىڭ ئىلمى ئاساستا تەھلىل قىلغانلىقىغا تەشەككۈر .مۇنبەرداشلارنىڭمۇ ئويلىغانلىرىنى مۇنازىرە ئەخلاقى بۇيۇنچە يېزىشىنى ئۈمۈت قىلىمەن ، بىر قانچە ھاقارەت ئارلاشقان ئىنكاسلارنى تازلىۋەتتىم ،ئىنكاسى ئۆچۈرۈلگەنلەر كەچۈرۈڭلار !

  قانداقلىكى بىر ئەسەرنى مۇلاھىزە قىلماقچى بولساق ئاۋال شۇ ئەسەر يىزىلغان ۋاقىتقا ۋە دەۋىر ئارقا كۆرىنىشىگە نەزەر سالىمىزغۇ...؟ ئاندىن ئاپتور قايسى تەرپتە تۇرۇپ قەلەم تەۋرەتتى؟  بۇنىمۇ تەھلىل قىلىشىمىز كىرەك.
  تۇغۇلغاندا تەڭ ئىدۇق تەڭرى ئالدىدا دىگەن مىسراغا كىشلەرنىڭ جىسمانىيىتىنى مىسال قىلىپ رەددىيە بىرىش كۈلكىلىك ئىش دە-بۇ!!!  قالغان ئوي-پىكىرلىرىم قىرىندىشىم ئەلى بىلەن ئوخشاش
  ئاخرى تەڭ بولىمىز قەبرە ئالدىدا دىگەن مسراغا ھەركىم ئۆزىنىڭ قىلغان ئىش-ئىزلىرى بىلەن، ئەمەللىرى بىلەن قەبرىدىمۇ دەرىجىسىمۇ ئوخشاش بولمايدۇ دەپتۇ. بۇ دىگىنى توغرا !  لىكىن بۇ مىسرانى تەھلىل قىلىشتىمۇ بىر تەرەپلىمىلىك مەۋجۇد. قەلەم تەۋرەتكۈچى ئا.ئۆتكۈر ئەپەندى بۇ سۆزنى كىملەرگە دەۋاتىدۇ؟  نىمە مەقسەدتە دەۋاتىدۇ؟  دىگەنلەرنى مۇلاھىزە قىلغىنىمىزدا پىكىرىمىز تىخىمۇ قاناتلىنىدۇ. ئۆز دەۋىردىكى ئۆزىنىڭ كىملىكىنى ئۇنتۇپ قالغان، خەلىقنى، ئاجىزلارنى ئىزىش ۋە باستۇرۇشنى ئۆزىگە كەسىپ قىلۋالغان خەلىقتىن ئايرىلىپ قالغان ئاسىيلارغا دىيىلگەن خىتاب، ئاگاھلاندۇرۇش بۇ!  ئۇلارغا ھامان بىركۈنى توپىغا مىلىنىپ كىتىدىغانلىقىمىزنى ئەسكەرتمەكچى بولغاندەك قىلىدۇ.


   مەن بۇ شېرنىڭ يەنە بىر ئەۋزەللىكىنى بايقاپ قالدىم.  يەنى بۇ شىئېر ئۆز دەۋرىگىلا ئەمەس بەلكى ھازىر بىز ئۆسۈپ يىتىلىۋاتقان دەۋىرگىمۇ ماس كىلىدىكەن.  گەپ كىمنىڭ قانداق تەسىرات ئىلىشىدا!

ياخشى مۇنازىرىلەر بولىۋېتىپتۇ ، تۇرغۇن يىلتىز ئەپەندىنىڭ ئۇ ماقالىسىنى كۆرۈپ كۈلۈپلا قويدۇم ، ئەمىلىيەتتىمۇ بۇ ئۇنچىلىك چاچراپ-چېچىلىپ كېتىدىغان ئىش ئەمەس .
بىر نەچچە يىلنىڭ ئالدىدا ئوخشاش مەسھۇلات ئىشلەپ چىقىرىدىغان ئىككى شىركەت بار ئىدى ، بىرىنىڭ پۈتۈن دۆلەتتە داڭقى بار ،ئىشەنچلىك شىركەت ، يەنە بىرى ئەمدىلا ئىش باشلىغان ،ھېچقانچە رىقابەت كۈچى يوق كىچىكلا بىر شىركەت ئىدى ، ھېلىقى چوڭ شىركەت بىلەن رىقابەتلىشەي دېسە ھەتتا  ئېلان ئىشلىرىغىمۇ يەتكۈدەك مەبلىغى يوق ئىدى ، بىر كۈنى مەلۇم بىر ئېلان تاختىسىدا ئۆزىنىڭ مەسھۇلاتىنىڭ ئېلان قەغىزىنىڭ يىرتىلىپ كەتكەنلىكىنى ، ھېلىقى چوڭ شىركەتنىڭ ئېلان تاختىسىنىڭ بىر چىرايلىق تۇرغىنىنى كىچىك شىركەتنىڭ دېرىكتورى كۆرۈپ قېلىپ كاللىسىغا بىر ئەقىل كەپتۇ ، ئۇلار سوتقا چوڭ شىركەتنىڭ ئۈستىدىن ئەرز قىلىپ ئۆزىنىڭ ئېلانچىلىق ئىشلىرىغا ۋە نام ئابرويىغا دەخلى-تەرۇز قىلغانلىقىنى ئېيتىپتۇ ، گەرچە سوتتا ئۇتتۇرىشى مۇقەررەر ھەمدە ئۇتتۇرغان بولسىمۇ يەنە بىر شىركەت خېلىلا داڭلىق شىركەت بولغانلىقى ئۈچۈن ئاخبارات ۋاستىلىرىنىڭ ۋە كەڭ خەلق ئاممىسىنىڭ كۈچلۈك دېھقىتىنى تارتىپ ئەڭ ئاز چىقىم بىلەنلا بىر كېچىدا داڭ چىقىرىپتۇ،ئىستىمالچىلارمۇ شۇنداق داڭلىق شىركەت بىىلەن بەسلىشىپ ئۈستىدىن ئەرز قىلالايدىغان شىركەتكەن دەپ مەسھۇلاتلىرىنى بەس-بەستە سېتىۋاپتۇ ، بىر نەچچە يىلدىن كېيىن كىچىك شىركەتمۇ چوڭ شىركەتتىن قېلىشمايدىغان چوڭ بىر گورۇھقا ئايلىنىپتۇ .

ئەمما بۇ خېلى بۇرۇنلا مودىدىن قالغان نام چىقىرىش ئۇسۇلى ، تۇرغۇن يىلتىز ئەپەندىنىڭ مەزكۇر ماقالىسىدە گەرچە بەزى ئىجابى تۈرتۈش رولى بولسىمۇ زامان-ماكان مەسىلىسىنى قايرىپ قويۇپ ئابدۇكېرىم ئابلىز ماقالىلىرىچە تەھلىللىرىدن ئۇنى پەقەت نام چىقىرىش ۋە ئۆزىنى ئىتراپ قىلغۇزۇش ئۈچۈنلا ئۇشبۇ ماقالىنى يازدى دەپ ھېس قىلدىم( خاتالاشقان بولسام ئاللاھدىن مەغپىرەت تىلەيمەن).  ھەقىقەتەن مەخسىدىگە يەتتى ، ئۆزىنى ئۇيغۇر دەيدىغانلاردىن ئابدۇرىھىم ئۆتكۈر (مەرھۇم)ئەپەندىنى تونۇمايدىنى يوق دېيەرلىك ، ئەمما تۇرغۇن يىلتىز دېسە كىم بىلەتتى؟ بۇ يازمىسىدىن كېيىن گەرچە مۇبارەك جامالىنى كۆرەلمىسەكمۇ ئىسمىنى بولسىمۇ ئەستە تۇتۇۋالدۇق ،ئەمما بۇ خىل تونۇلۇش بەكلا خەتەرلىك ، 20مىلىيون(سىتاستىكىدا دۇنيادىكى ئۇيغۇرلارنىڭ نوپۇسى 20مىلىيون دەپ ئاڭلىغاندەك قىلغان) ئادەم ئىتراپ قىلىپ چوڭقۇر ھۆرمەت بىلدۈرگەن ئالىمنىڭ يازمىسىنى ئىنكار قىلىش تەبىيلا خەلقنىڭ قارشىلىقىنى قوزغايدۇ ،شۇڭا بۇندىن كېيىن يىلتىز ئەپەندىنىڭ ھەر بىر يازمىسى ئومۇمى خەلقنىڭ قاتتىق نازارىتى ئاستىدا بولىدۇ ،قىلدەك يېرىدىن كېتىپ قالسا ئۆزىنى ئىتراپ قىلدۇرۇش تۈگۈل مەڭگۈ باش كۆتۈرۈپ بىر نەرسە يازغۇسىز بوپ كېتىشىمۇ مۇمكىن .