Jeck Blog

 

29-نۈۋەتلىك بېيجىڭ ئولىمپىك تەنھەرىكەت يىغىنى 2008-يىلى8-ئاينىڭ-8كۈنى كەشتە باشلىنىپ،2008-يىلى8-ئاينىڭ24-كۈنى كەشتە ئاخىرلىشىپ،جەمى16 كۈن داۋاملاشتى.بۇ قېتىمقى ئولىمپىك تەنھەرىكەت يىغىنىغا،204دۆلەت ۋە رايوندىن كەلگەن11500دىن ئارتۇق تەنھەرىكەتچى قاتناشتى.
  بۇ قېتىمقى تەنھەرىكەت يىغىنى جەمى 18 چوڭ تۈر،302 كىچىك تۈر بۇلۇپ،تارقىتىلغان ئالتۇن مېدال 302 دانە،كۈمۈش مېدال303 دانە "نېمە ئۈچۈن بىر دانە كۈمۈش مىدالنىڭ، ئالتۇن مىدالدىن ئارتۇقلىقىنى بىلمىدىم"،مىس مېدال 353  دانە بۇلۇپ جەمى،953مېدال تارقىتىلدى.
  جوڭگۇ 51دانە ئالتۇن مېدال،21 دانە كۈمۈش مېدال،23 دانە مىس مېدالغا ئېرىشىپ بىرىنچىلىكنى ئالدى"ئومۇمى مېدال 100 دانە".ئامېرىكا 36 دانە ئالتۇن مېدال،38 دانە كۈمۈش مېدال،36 دانە مىس مېدالغا ئېرىشىپ ئىككىنچى بولدى"ئومۇمى مېدال 110دانە".روسىيە 23 دانە ئالتۇن مېدال،21 دانە كۈمۈش مېدال،28 دانە مىس مېدالغا ئېرىشىپ ئۈچىنچى بولدى"ئومۇمى مېدال 72 دانە".
  ئامېرىكىلىق سۇ ئۈزۈش تەنھەرىكەتچىسى فېلپىس ئۆزى يالغۇز شەخسى تۈردە 6 ئالتۇن مېدال ۋە كولېكتىپ تۈرىدە2 ئالتۇن مېدال ئېلىپ،ئاجايىپ بىر رېكورتنى ياراتتى.
  يامايكىلىق بولت،100 مېتىرلىق قىسقا ئارلىلىق يۈگۈرۈشتە 9.69لىق سۈرئەتتە، 200مېتىرلىق قىسقا ئارىلىقنى19.30لىق سۈرئەتتە تاماملاپ، ئادەمنى ھەيران قالدۇرۇپ يېڭى بىر دۇنيا رېكورتىنى ياراتتى...ئىنساننىڭ ئەڭ تېز يۈگۈرۈش چېكى زادى قانچىدە توختايدىغاندۇ دېگۈسى كەپ قالىدۇ!
  جۇڭگونىڭ تىك-تاك توپ ماھىرلىرى  تىك-تاك توپنىڭ ھەممە ئالتۇن مېدالنى مونوپول قىلىۋالدى.جۇڭگولۇق ماھىرلار ھەقىقەتەن توپنىڭ كىچىكىنى ئويناشقا قالتىس ماھىركەن.توپ سەل چوڭ بوپ كەتسە ئوينىمىغى سەل تەس ئىكەن.سۇغا سەكرەش بىلەن ئېغىرلىق كۆتۈرۈشنىڭ مەخپى رېتسىپىنى ئىگىلىۋالغان بولسا كېرەك.بۇ تۈرلەردە رېكورتنى بۇزۇپ كۈكۈم تالقان قىلىۋەتتى.
  قارغا ئېتىش تۈرىنى تەنھەرىكەت دىسە مەن سەل گۇمان قىلىپ قالدىم،چۈنكى بۇ تۈردە ماھىرلار ھېچقانداق ھەركەت قىلمايدىكەن،بۇ بىر پىسخولوگىيە ئۇرۇشىغا ئوخشاپ قالىدىكەن،بۇ تۈرنى شاھمات تۈرىگە قېتىۋاتسا قانداق؟
  بەزى تۈرلەردە ئالتۇن مېدال نەچچە سېكۇنتتا قولغا كەلگەن بىلەن،بەزى تۈرلەردە نەچچە سائەت يۈگۈرۈپ ياكى ۋېلىسىپىت مىنىپ قولغا كەلتۈرىدىكەن.جاپالىق دەرىجىسى ئوخشىمايدىكەن.....
  تەنھەرىكەت يىغىننىڭ ئېچىلىش ۋە يېپىلىش مۇراسىمىنى پىلانلىغۇچى،ئورۇندىغۇچى ۋە باشقا كىشىلەرنىڭ جاپالىق ئەجرى بەك كۆزگە كۆرۈنمەيدىكەن.
ئىنسانلار بۇنداق چوڭ يىغىلىش ئۆتكۈزۈپ زادى نېممە مەقسەتكە يەتمەكچى؟"ئورتاق دۇنيا بەرپا قىلىپ،ئورتاق چۈش كۆرمەكچى"....بەلكىم ھەركىمنىڭ قارشى،ھەرياڭزا بۇلىشى مۇمكىن.پۈتۈن دۇنيادىكى تەنھەرىكەتچىلەر دۇنيادىكى ئەڭگە ئېرىشىش ئۈچۈن،قانچىلىك ۋاقىت،قانچىلىك مەبلەغ سەرپ قىلغاندۇ.مەيلى قانداقلا ئويلايلى بۇ ھەرىكەتنى داغدۇغىلىق ئۆتكۈزۈشكە ئەرزىيدۇ.
 شىنجاڭلىق بوكس ماھىرى قانات ئىسلام بىردانە مىس مېدال ئېلىپ،شىنجاڭلىق بوكس ماھىرلىرىغا بىر زور ئىلھام ئېلىپ كەلدى.
نېمىلا دېگەن بىلەن نەتىجىگە ئېرىشكەنلەرنىڭ كۆز يېشىنى ۋە ئوڭۇشسىزلىققا ئېرىشكۈچىنىڭ كۆز يېشىنى كۆرۈپ، ئۈمىد بىلەن ئۈمۈدسىزلىكنىڭ ئادەمگە ئېلىپ كېلىدىغان تەسىرى تىل بىلەن ئىپادىلىگۈسىز.بىزگە ئېلىپ كېلىدىغىنى بىر خىل قەيسەر روھ!شان-شەرەپ ۋە مۇۋاپىقىيەتنىڭ ئىنسان قەلبىدە قالدۇرىدىغان چوڭقۇر تەسىرى.... 
  بىر مۇۋەپىقىيەتلىك ئېچىلغان ئولىمپىك تەنھەرىكەت يىغىننى تاماملاش ئۈچۈن،7يىل ۋاقىت،نەچچە يۈزمىڭ ئادەم،نەچچە مىليارد پۇل خەجلەشكە توغرا كېلىدۇ.خەلق-ئارا ئولىمپىك كومىتېتىنىڭ،ئولىمپىك تەنھەرىكەت يىغىلىشى ئۆتكۈزمەكچى بولغان شەھەرگە قۇيۇلىدىغان تەلىپى ئىنتايىن يۇقىرى، ئولىمپىك تەنھەرىكەت يىغلىشىنى ئۆتكۈزۈشنى ئىلتىماس قىلغۇچى ئىنتايىن مۇرەككەپ بولغان تەكشۈرۈپ تەتقىق قىلىش باسقۇچلىرىنى تاماملىغاندىن كىيىن،بېلەت تاشلاش ئارقىلىق،قايسى دۆلەتتە ئۆتكۈزۈش كېرەكلىكى بېكىتىلىدۇ.شۇڭا مۇشۇ كەمگىچە نامرات،كىچىك دۆلەتلەرنىڭ ئىلتىماسى قۇبۇل بولماسلىقىدىكى سەۋەپ مۇشۇدۇ...