Jeck Blog

 

ﻛﯩﺮﯨﺶ ﺳﯜﺯ

ﻧﻮﺑﯧﻞ ﻣﯘﻛﺎﭘﺎﺗﻰ ﺩﯗﻧﻴﺎﺩﯨﻜﻰ ﻧﺎﮬﺎﻳﺘﻰ ﺑﯩﺮ ﻗﯩﺰﺯﯨﻖ ﺗﯩﻤﺎ. ﺩﯗﻧﻴﺎﻧﻰ ﯞﺍﺧﺘﯩﻨﭽﻪ ﻗﻮﻳﯘﭖ ﺗﯘﺭﯗﭖ ﺋﯜﺯﯨﻤﯩﺰﮔﻪ ﻧﻪﺯﻩﺭ ﺳﺎﻟﺴﺎﻗﻤﯘ ﺑﯘ ﺋﻮﻳﻐﯘﺭﻻﺭﻧﯩﯖﻤﯘ ﺑﯩﺮ ﻗﯩﺰﺯﯨﻖ ﺗﯩﻤﯩﺴﻰ. ﺑﻮﻟﯘﭘﻤﯘ ﺑﯘﻧﺪﺍﻕ ﮔﻪﭘﻠﻪﺭﮔﻪ ﻣﻪﻧﻤﯘ ﺑﯩﺮ ﻗﻪﺩﻩﺭ ﻗﯩﺰﺯﯨﻘﯩﺪﯨﻐﺎﻥ ﺑﻮﻟﻐﺎﭼﻘﺎ ﺳﯜﺭﯛﺷﺘﯜﺭﯛﭖ ﻳﯜﺭﯛﭖ ﺋﺎﯕﻼﭖ ﮬﺎﻳﺎﺟﺎﻧﻠﯩﻨﯩﭗ ﻛﯩﺘﻪﺗﺘﯩﻢ. ﺑﯘﺭﯗﻥ ﻛﯩﭽﯩﻚ ﯞﺍﻗﯩﺘﻼﺭﺩﺍ ﺋﯘﭼﯘﺭ ﻣﻪﻧﺒﻪﻳﯩﻤﯩﺰ ﻛﻪﻣﭽﯩﻞ،ﺋﯘﭼﯘﺭﯨﻤﯩﺰ ﭘﻪﻗﻪﺗﻼ ﺷﯩﻨﺠﺎﯕﺪﺍ ﭼﯩﻘﯩﺪﯨﻐﺎﻥ ﺑﯩﺮ ﻧﻪﭼﭽﻪ ﮔﯩﺰﯨﺖ ﮊﻭﺭﻧﺎﻟﻼﺭ ﺑﯩﻠﻪﻥ ﭼﻪﻛﻠﯩﻨﯩﭗ ﻗﺎﻟﻐﺎﭼﻘﺎ "ﯞﺍﻱ ﭘﺎﻻﻧﭽﻰ ﺋﺎﺧﯘﻥ ﻧﻮﺑﯩﻞ ﻣﯘﻛﺎﭘﺎﺗﯩﻨﻰ ﻳﯩﻘﯩﻨﺪﺍ ﺋﺎﻟﻐﯘﺩﻩﻙ؛ ﻳﺎﭘﯘﻧﺪﺍ ﺑﯩﺮﺳﻰ ﻣﻮﺧﺘﻪﺭ ﭼﻮﯓ ﺗﻪﻟﯩﻤﺎﺗﻰ ﺩﻩﭖ ﺗﻪﻟﯩﻤﺎﺕ ﺋﻮﺗﺘﯘﺭﻏﺎ ﻗﻮﻳﯘﭘﺘﯘ، ﻧﻮﺑﯩﻞ ﻣﯘﻛﺎﭘﺎﺗﯩﻨﻰ ﺋﯧﻠﯩﺸﺘﯩﻦ ﺋﯜﻣﯩﺖ ﺑﻪﻙ ﭼﻮﯓ؛ ﺋﺎﻣﺮﯨﻜﯩﺪﺍ ﺋﻪﺭﻛﯩﻦ ﺳﯩﺪﯨﻖ ﺩﻩﭖ ﺑﯩﺮﺳﻰ ﺑﺎﺭﻣﯩﺶ، ﺋﺎﻣﺮﯨﻜﯩﻨﯩﯔ ﺋﺎﺗﯘﻡ ﺗﻪﺗﻘﯩﻘﺎﺕ ﻣﻪﺭﻛﯩﺰﯨﺪﻩ ﺋﯩﺸﻠﻪﻳﺪﯨﻜﻪﻥ، ﺋﺎﺗﯘﻡ ﻓﯩﺰﯨﻜﯩﺴﻰ ﺳﺎﮬﻪﺳﯩﺪﻩ ﺑﻪﻙ ﻧﯘﭘﯘﺯﻟﯘﻗﻜﻪﻥ، ﻧﯜﭘﯘﺯﻟﯘﻕ ﺋﺎﻟﯩﻤﻼﺭ ﺋﻪﺭﻛﯩﻨﻨﯩﯔ ﻧﻮﺑﯩﻞ ﻣﯘﻛﺎﭘﺎﺗﻰ ﺋﯧﻠﯩﺸﻰ ﭘﻪﻗﻪﺕ ﯞﺍﻗﯩﺖ ﻣﻪﺳﯩﻠﯩﺴﻰ ﺩﻩﭘﺘﯘﻣﯩﺶ" ﺩﯨﮕﻪﻧﺪﻩﻙ ﮔﻪﭘﻠﻪﺭﻧﻰ ﺋﺎﯕﻠﯩﺴﺎﻕ ﮬﺎﻳﺎﺟﺎﻧﻠﯩﻨﯩﭗ "ﺑﯩﺰﻧﯩﯖﻤﯘ ﺋﺎﻟﯩﻤﻠﯩﺮﯨﻤﯩﺰ ﻧﻮﺑﯩﻞ ﻣﯘﻛﺎﭘﺎﺗﻰ ﺋﺎﻟﻐﯩﻠﻰ ﻗﻮﭘﯘﭘﺘﯘ" ﺩﻩﭖ ﮬﻪﻣﻤﻪ ﺋﺎﺩﻩﻣﮕﻪ ﺳﯜﺯﻟﻪﭖ ﻳﯜﺭﻩﺗﺘﯘﻕ. ﺷﻪﺧﺴﻪﻥ ﻣﻪﻥ ﺋﯜﺯﻩﻣﻨﻰ ﺷﯩﻨﺠﺎﯕﺪﺍ ﻓﯩﺰﯨﻜﯩﺪﯨﻦ ﺗﯧﺨﻰ ﺗﯜﺯﯛﻙ ﺳﺎﯞﺍﺗﻠﯩﻖ ﺋﺎﺩﻩﻡ ﺩﻩﭖ ﻗﺎﺭﯨﻤﯩﺴﺎﻣﻤﯘ ، ﻟﯧﻜﯩﻦ ﺧﻪﻗﻨﯩﯔ ﭼﻮﯓ ﺑﯩﻠﯩﺸﻰ ﯞﻩ ﻳﺎﻛﻰ ﺑﺎﺷﻘﺎ ﺑﯩﺮ ﺳﻪﯞﻩﭘﻠﻪﺭ ﺑﯩﻠﻪﻥ ﺑﯩﺮ ﻧﻪﭼﭽﻪ ﻗﯧﺘﯩﻢ "ﻣﻪﻥ ﻧﻮﺑﯩﻞ ﻣﯘﻛﺎﭘﺎﺗﻰ ﺋﺎﻟﯩﻤﻪﻥ" ﺩﯨﮕﻪﻧﻠﻪﺭ ﺑﯩﻠﻪﻥ "ﮬﻪﻣﺴﯜﮬﺒﻪﺕ"ﺗﻪ ﺑﻮﻟﯘﭖ ﻗﺎﻟﺪﯨﻢ."ﺋﯧﻐﯩﺰ ﺗﺎﺗﯩﻼﻳﺪﯨﻐﺎﻥ" ﻣﯘﺧﺒﯩﺮﻻﺭﻣﯘ ﭘﺎﺕ -ﭘﺎﺕ ﺯﯨﺮﯨﻜﯩﭗ ﻗﺎﻟﺴﺎ ﺩﺍﯕﻠﯩﻖ ﺋﻪﺩﯨﭙﻠﯩﺮﯨﻤﯩﺰﻧﻰ ﮔﻪﭘﻜﻪ ﺳﯧﻠﯩﭗ "ﺋﻮﻳﻐﯘﺭﻻﺭ ﻗﺎﭼﺎﻥ ﺋﻪﺩﯨﺒﻴﺎﺗﺘﯩﻦ ﻧﻮﺑﯩﻞ ﻣﯘﻛﺎﭘﺎﺗﻰ ﺋﺎﻟﯩﺪﯗ؟" ﺩﻩﭖ ﺳﯘﺋﺎﻟﻼﺭﻧﻰ ﺳﻮﺭﺍﭖ ﺋﯘﻻﺭﻧﻰ ﮔﻪﭖ ﻗﯩﻠﻐﯘﺯﯨﺪﯗ. ﺑﻪﺯﻯ ﺋﻪﺩﯨﭙﻠﯩﺮﯨﻤﯩﺰﻣﯘ ﮬﺎﻳﺎﺟﺎﻧﻠﯩﻨﯩﭗ ﻛﯩﺘﯩﭗ ﺋﻪﺧﻤﻪﻗﻠﻪﺭﭼﻪ ﮔﻪﭘﻠﻪﺭﻧﻰ ﻗﯩﻠﯩﭗ ﻗﺎﻟﺪﻯ. ﺋﯩﺸﻘﯩﻠﯩﭗ ﺑﯘ ﺋﯩﺸﻼﺭﻧﻰ ﺩﻩﭖ ﻛﻪﻟﺴﻪﻡ ﺑﻪﻙ ﻗﯩﺰﺯﯨﻖ. ﺋﻪﯓ ﻣﯘﮬﯩﻤﻰ ﺑﯘﻧﺪﺍﻕ ﺋﻪﺧﻤﯩﻘﺎﻧﯩﻠﯩﻘﻼﺭ ﺗﯧﺨﻰ ﮬﺎﺯﯨﺮﻏﯩﭽﻪ ﺗﯜﮔﯩﻤﻪﯞﺍﺗﯩﺪﯗ. ﻧﯘﺭﻏﯘﻧﻠﯩﻐﺎﻥ ﺋﺎﺩﻩﻡ ﻧﻮﺑﯩﻞ ﻣﯘﻛﺎﭘﺎﺗﯩﻨﯩﯔ ﺋﯩﺴﻤﯩﻨﻰ ﺑﯩﻠﺴﯩﻤﯘ ﻟﯧﻜﯩﻦ ﺑﺎﺷﻘﺎ ﺋﯩﻨﭽﯩﻜﻪ ﺋﯩﺸﻠﯩﺮﯨﻨﻰ، ﺋﺎﺭﻗﺎ ﻛﯜﺭﯛﻧﯜﺷﻠﯩﺮﯨﻨﻰ ﺑﯩﻠﻤﯩﮕﻪﭼﻜﻪ ﻗﺎﺭﯨﻐﯘﻻﺭﭼﻪ ﭘﯩﻜﯩﺮ ﻗﯩﻠﯩﯟﺍﺗﯩﺪﯗ. ﺑﯘ ﺟﻪﮬﻪﺗﺘﻪ ﺋﻮﻳﻐﯘﺭﻻﺭﺩﯨﻜﻰ ﺑﯩﺮﻩﺭ ﻧﯘﭘﯘﺯﻟﯘﻕ ﺋﻪﺭﭘﺎﺑﻠﯩﺮﯨﻤﯩﺰ ﺗﻪﭘﺴﯩﻠﯩﺮﺍﻕ ﺑﯩﺮ ﻧﻪﺭﺳﻪ ﻳﯧﺰﯨﭗ ﻣﻪﺗﺒﯘﺋﺎﺗﻼﺭﺩﺍ ﺋﯩﻼﻥ ﻗﯩﻠﻐﺎﻥ ﺑﯘﻟﺴﺎ ﺩﻩﭖ ﺧﯧﻠﻰ ﺋﯜﻣﯩﺖ ﻗﯩﻠﻐﺎﻥ ﺑﯘﻟﺴﺎﻣﻤﯘ ﻟﯧﻜﯩﻦ ﮬﺎﺯﯨﺮﻏﯩﭽﻪ ﮬﯧﭽﻜﯩﻢ ﺑﯘﻧﺪﺍﻕ ﻧﻪﺭﺳﻪ ﻳﯧﺰﯨﭗ ﺑﺎﻗﻤﯩﺪﻯ. ﺷﯘﯕﺎ ﭘﯧﻘﯩﺮ ﻣﯘﺷﯘ ﺋﯩﺸﻼﺭﻧﻰ ﻧﻪﺯﻩﺭﺩﻩ ﺗﯘﺗﯘﭖ ﺋﺎﺩﺩﻯ ﺑﯘﻟﺴﯩﻤﯘ ﺋﯜﺗﻜﻪﻥ ﮬﻪﭘﺘﻪ ﺑﯩﺮ ﻧﻪﭼﭽﻪ ﻛﯜﻧﻠﯜﻙ ﺋﺎﺧﺸﺎﻣﻠﯩﻖ ﯞﺍﺧﺘﯩﻤﻨﻰ ﺳﻪﺭﯨﭗ ﻗﯩﻠﯩﭗ ﺋﯜﺯﻩﻣﻨﯩﯔ ﺑﯩﻠﯩﺪﯨﻐﺎﻧﻠﯩﺮﯨﻢ ﯞﻩ ﺗﻮﺭﺩﯨﻦ ﺗﻮﭘﻠﯩﻐﺎﻥ ﻣﺎﺗﯩﺮﯨﻴﺎﻟﻼﺭﻧﻰ ﺑﯩﺮﻟﻪﺷﺘﯜﺭﯛﭖ ﺑﯘ ﻳﺎﺯﻣﯩﻨﻰ ﻳﯧﺰﯨﭗ ﭼﯩﻘﺘﯩﻢ. ﺑﯘ ﺗﯩﻤﺎ ﺋﺎﺭﻗﯩﻠﯩﻖ ﺗﻮﺭﺩﺍﺷﻼﺭ ﺑﯘ ﻣﯘﻛﺎﭘﺎﺗﻘﺎ ﻣﻪﻟﯘﻡ ﻛﯜﺯ ﻗﺎﺭﺍﺵ ﺗﯩﻜﻠﯩﯟﺍﻟﺴﺎ، ﺑﯘﻧﺪﯨﻦ ﻛﯩﻴﯩﻦ ﺷﯘﻧﺪﺍﻕ ﮔﻪﭘﻠﻪﺭﮔﻪ ﺩﯛﭺ ﻛﻪﻟﮕﻪﻧﺪﻩ ﺳﻮﻏﯘﻗﻘﺎﻧﻠﯩﻖ ﺑﯩﻠﻪﻥ ﻣﯘﺋﺎﻣﯩﻠﻪ ﻗﯩﻠﺴﺎ ﺩﯨﮕﻪﻥ ﺋﯜﻣﯩﺘﺘﯩﻤﻪﻥ.

ﺑﯘ ﻳﺎﺯﻣﯩﺪﺍ ﺋﺎﻟﺪﻯ ﺑﯩﻠﻪﻥ ﻗﯩﺴﻘﯩﭽﻪ ﻧﻮﺑﯩﻞ ﻣﯘﻛﺎﭘﺎﺗﻰ ﺗﯘﻧﯘﺷﺘﯘﺭﻟﯩﺪﯗ، ﺋﯘﻧﺪﯨﻦ ﻛﯩﻴﯩﻦ ﻣﻪﻟﯘﻡ ﺗﻪﮬﻠﯩﻠﻠﻪﺭ ﻗﯩﻠﻨﯩﺪﯗ، ﺋﺎﺧﺮﯨﺪﺍ ﻣﻪﻥ ﺋﺎﯕﻠﯩﻐﺎﻥ ﯞﻩ ﺑﯩﺰ ﺋﻮﻳﻐﯘﺭﻻﺭ ﻗﯩﺰﺯﯨﻘﯩﺪﯨﻐﺎﻥ ﺑﯩﺮ ﻧﻪﭼﭽﻪ ﻧﻮﻗﺘﺎ ﻣﻪﺭﻛﻪﺯﻟﯩﻚ ﻣﯘﺯﺍﻛﯩﺮﻩ ﻗﯩﻠﻨﯩﺪﯗ. ﺗﻪﮬﻠﯩﻠﻠﻪﺭﮔﻪ ﺋﯩﺸﻠﯩﺘﯩﻠﮕﻪﻥ ﺳﺎﻧﻠﯩﻖ ﻣﻪﻟﯘﻣﺎﺗﻼﺭ ﮬﻪﻣﻤﯩﺴﻰ ﻧﻮﺑﯩﻞ ﻣﯘﻛﺎﭘﺎﺗﻰ ﻛﯜﻣﯩﺘﯩﺘﯩﻨﯩﯔ ﺗﻮﺭ ﺑﯧﺘﯩﺪﯨﻦ ﺋﯧﻠﯩﻨﺪﻯ. ﺋﯘ ﻳﻪﺭﺩﻩ ﻳﻮﻗﻠﯩﺮﯨﻤﯘ ﻧﯘﭘﯘﺯﻟﯘﻕ ﺗﻪﺗﻘﯩﻘﺎﺕ ﺋﻮﺭﯗﻧﻼﺭﻧﯩﯔ ﺩﻭﻛﻼﺗﻠﯩﺮﯨﺪﯨﻦ ﺋﯧﻠﯩﻨﺪﻯ، ﻣﯩﻨﯩﯖﭽﻪ ﺋﯩﺸﻪﻧﭽﻠﯩﻚ. ﺩﯛﻟﻪﺕ ﺋﯩﺴﯩﻤﻠﯩﺮﻯ، ﺋﺎﺩﻩﻡ ﺋﯩﺴﻤﻠﯩﺮﯨﻨﻰ ﺑﯩﺮ ﺑﯩﺮﻟﻪﭖ ﻳﯧﺰﯨﭗ ﺑﯘﻟﯘﺷﻘﺎ ﻛﯜﺯﯛﻡ ﺋﯩﻠﻤﯩﮕﻪﭼﻜﻪ ﻻﺯﯨﻢ ﺑﯘﻟﻐﺎﻧﻠﯩﺮﯨﻨﻰ ﺋﻮﻳﻐﯘﺭﭼﻪ ﻳﯧﺰﯨﭗ ﻗﺎﻟﻐﺎﻧﻠﯩﺮﻯ ﺋﯜﺯ ﭘﯧﺘﻰ ﺋﯩﻨﮕﯩﻠﯩﺴﭽﻪ ﻛﯜﭼﯜﺭﯛﭖ ﻗﻮﻳﯘﻟﺪﻯ. ﭘﯧﻘﯩﺮﻧﯩﯔ ﺑﯩﻠﯩﻤﻰ ﻛﻪﻣﭽﯩﻞ ﺑﻮﻟﻐﺎﭼﻘﺎ ﺋﻪﮔﻪﺭ ﺗﻪﮬﻠﯩﻞ ﺟﻪﺭﻳﺎﻧﯩﺪﺍ ﻣﻪﻟﯘﻡ ﺧﺎﺗﺎﻟﯩﻘﻼﺭ ﻛﯜﺭﯛﻟﮕﻪﻥ ﺑﻮﻟﺴﺎ ﺗﻮﻏﺮﯨﺴﯩﻨﻰ ﺑﯩﻠﯩﺪﯨﻐﺎﻥ ﺗﻮﺭﺩﺍﺷﻼﺭﻧﯩﯔ ﺗﯜﺯﯨﺘﯩﺶ ﺑﯩﺮﯨﺸﯩﻨﻰ ﻗﺎﺭﺷﻰ ﺋﺎﻟﯩﻤﻪﻥ. ﻣﺎﻗﺎﻟﻪ ﺋﯘﺯﯗﻥ ﺑﻮﭖ ﻛﻪﺗﻜﻪﻥ ﺑﯘﻟﺴﺎ ﺗﻮﺭﺩﺍﺷﻼﺭﻧﯩﯔ ﯞﺍﻗﯩﺘﻰ ﭼﯩﻘﻘﺎﻧﺪﺍ ﺗﻪﭘﺴﯩﻠﯩﺮﺍﻕ ﺋﻮﻗﯘﭖ ﺑﯧﻘﯩﺸﯩﻨﻰ ﺋﯜﻣﯩﺖ ﻗﯩﻠﯩﻤﻪﻥ.

ﺑﯘ ﻣﺎﻗﺎﻟﯩﻨﻰ ﻣﯩﻨﯩﯔ ﺭﻭﺧﺴﯩﺘﯩﻤﺴﯩﺰ ﺋﯩﺰﺩﯨﻨﯩﺶ ﯞﻩ ﺷﯩﻨﺠﺎﯓ ﻟﯩﻨﯩﻴﺴﯩﺪﯨﻦ (www.uighur.cn/bbs ) ﺑﺎﺷﻘﺎ ﻳﻪﺭﮔﻪ ﻛﯜﭼﯜﺭﯛﭖ ﭼﺎﭘﻼﺷﻘﺎ ﺑﻮﻟﻤﺎﻳﺪﯗ. ﺷﯘﻧﺪﺍﻗﻼ ﻣﯩﻨﯩﯔ ﻳﯩﻘﯩﻨﻼﺭﺩﺍ ﻳﺎﺯﻏﺎﻥ ﻳﺎﺯﻣﯩﻠﯩﺮﯨﻢ ﯞﻩ ﺑﯩﺮ ﻗﯩﺴﯩﻢ ﺋﯩﻨﻜﺎﺳﻠﯩﺮﯨﻢ ﺷﯩﻨﺠﺎﯓ ﻟﯩﻨﯩﻴﺴﯩﺪﯨﻜﻰ ﻣﯩﻨﯩﯔ ﺋﯩﻠﺨﺎﺗﯩﺮﻩﻣﮕﻪ ﻳﯩﻐﯩﻠﯩﭗ ﻗﻮﻳﯘﻟﺪﻯ. ﺑﺎﺷﻘﺎ ﻳﺎﺯﻣﯩﻠﯩﺮﯨﻤﻨﻰ ﻛﯜﺭﯛﺷﻨﻰ ﺋﺎﺭﺯﯗ ﻗﯩﻠﻐﺎﻥ ﺗﻮﺭﺩﺍﺷﻼﺭﻧﯩﯔ ﻣﯩﻨﯩﯔ ﺋﯩﻤﺰﺍﻳﯩﻤﺪﯨﻜﻰ ﺋﯘﻟﯩﻨﯩﺶ ﺋﺎﺭﻗﯩﻠﯩﻖ
ﻛﯜﺭﯛﺷﯩﻨﻰ ﺳﻮﺭﺍﻳﻤﻪﻥ.
ﺋﻪﻣﯩﺴﻪ ﺑﺎﺷﻼﭖ ﻛﻪﺗﺘﯩﻢ.

[b]1. ﻧﻮﺑﯩﻞ ﻣﯘﻛﺎﭘﺎﺗﻰ ﺗﯜﻏﺮﯨﺴﯩﺪﺍ ﭼﯜﺷﻪﻧﭽﻪ.[/b]

 

ﻧﻮﺑﯩﻞ ﻣﯘﻛﺎﭘﺎﺗﻰ ﺷﯩﯟﯨﺘﺴﯩﻴﻠﯩﻚ ﻣﻪﺷﮭﯘﺭ ﺋﺎﻟﯩﻢ ﺋﺎﻟﻔﯩﺮﯨﺪ ﻧﻮﺑﯩﻠﻨﯩﯔ 1895-ﻳﯩﻠﻰ 11-ﺋﺎﻳﻨﯩﯔ 27-ﻛﯜﻧﻰ ﭘﺎﺭﯨﮋﺩﺍ ﺭﻩﺳﻤﻰ ﺋﯩﻤﺰﺍ ﻗﻮﻳﯘﭖ ﻗﺎﻟﺪﯗﺭﻏﺎﻥ ﯞﻩﺳﻴﯩﺘﯩﮕﻪ ﺋﺎﺳﺎﺳﻪﻥ 1901-ﻳﯩﻠﯩﺪﯨﻦ ﺗﺎﺭﺗﯩﭗ ﺭﻩﺳﻤﻰ ﺗﺎﺭﻗﯩﺘﻠﯩﺸﻘﺎ ﺑﺎﺷﻠﯩﻐﺎﻥ. ﺋﯘ ﻓﯩﺰﯨﻜﺎ، ﺧﯩﻤﯩﻴﻪ ﺳﺎﮬﻪﺳﯩﺪﻩ ﺟﯩﻖ ﺋﯩﺰﺩﯨﻨﯩﺸﻼﺭﻧﻰ ﺋﯩﻠﯩﭗ ﺑﺎﺭﻏﺎﻥ. ﺑﻮﻟﯘﭘﻤﯘ ﭘﺎﺭﺗﻼﺗﻘﯘﭺ ﺩﻭﺭﺍ ﻳﺎﺳﺎﺵ ﺟﻪﮬﻪﺗﺘﻪ ﺯﻭﺭ ﺯﯨﮭﻨﯩﻨﻰ ﺳﯩﯖﺪﯗﺭﮔﻪﻥ ﯞﻩ ﺷﯘ ﺩﻩﯞﯨﺮﺩﯨﻜﻰ ﺋﻪﯓ ﺋﯩﻠﻐﺎﺭ ﺑﯘﻟﻐﺎﻥ ﺗﯩﺨﻨﯩﻜﯩﻐﺎ ﺋﯩﮕﻪ ﺑﯘﻟﻐﺎﻥ. ﺋﯘ ﺷﯘﻧﺪﺍﻗﻼ ﺗﻪﺗﻘﯩﻘﺎﺕ ﻧﻪﺗﯩﺠﯩﻠﯩﺮﻧﻰ ﺑﯩﯟﺍﺳﺘﻪ ﺗﯧﺨﻨﯩﻜﯩﻐﺎ ﺋﺎﻳﻼﻧﺪﯗﺭﯗﭖ ﺑﺎﺯﺍﺭﻏﺎ ﺳﯧﻠﯩﭗ ﺋﯘﻧﯩﯔ ﻛﺎﺭﺧﺎﻧﻠﯩﺮﻯ ﺋﯩﻨﺘﺎﻳﯩﻦ ﺗﯩﺰ ﺳﯜﺭﺋﻪﺗﺘﻪ ﺗﻪﺭﻩﻗﻘﻰ ﻗﯩﻠﯩﭗ ﺷﯘ ﺩﻩﯞﯨﺮﺩﯨﻜﻰ ﻳﺎﯞﺭﯗﭘﺎﺩﯨﻜﻰ ﭼﻮﯓ، ﺩﺍﯕﻠﯩﻖ ﻛﺎﺭﺧﺎﻧﯩﭽﯩﻨﯩﯔ ﺑﯩﺮﺳﯩﮕﻪ ﺋﺎﻳﻼﻧﻐﺎﻥ. ﺋﯜﻣﺮﯨﻨﯩﯔ ﺋﺎﺧﯩﺮﯨﺪﺍ ﯞﻩﺳﻴﻪﺕ ﻗﺎﻟﺪﯗﺭﯗﭖ ﺋﯜﻣﺮﯨﺪﻩ ﺗﺎﭘﻘﺎﻥ ﭘﯘﻟﯩﻨﯩﯔ ﻣﯘﺗﻠﻪﻕ ﻛﯜﭖ ﻗﯩﺴﻤﯩﻨﻰ ﺷﯘﻧﺪﺍﻗﻼ ﺑﺎﻧﻜﯩﻐﺎ ﻗﻮﻳﯘﭖ ﺋﯘﻧﯩﯖﺪﯨﻦ ﭼﯩﻘﻘﺎﻥ ﯴﺳﯜﻣﻨﻰ "ﺋﯩﻨﺴﺎﻧﯩﻴﻪﺗﻨﯩﯔ ﺗﯩﻨﯩﭽﻠﯩﻘﻰ، ﺋﯩﻠﯩﻢ-ﭘﻪﻧﻨﯩﯔ ﺗﻪﺭﻩﻗﻘﯩﻴﺎﺗﻰ ﺋﯜﭼﯜﻥ ﺗﯜﮬﭙﻪ ﻗﻮﺷﻘﺎﻥ ﺷﻪﺧﯩﺴﻨﻰ ﺗﺎﺭﺗﯘﻗﻼﺵ" ﻗﺎ ﺋﯩﺸﻠﯩﺘﯩﺸﻨﻰ ﺗﻪﯞﺳﯩﻴﻪ ﻗﯩﻠﻐﺎﻥ. ﻧﻮﺑﯩﻠﻨﯩﯔ ﺑﯘ ﻗﺎﺭﺍﺭﻯ ﺋﯜﺯ ﯞﺍﺧﺘﯩﺪﺍ ﭘﯜﺗﯜﻥ ﺷﯩﯟﯨﺘﺴﯩﻴﺪﻩ ﭼﻮﯓ ﻏﯘﻟﻐﯘﻻ ﻗﻮﺯﻏﯩﻐﺎﻥ. ﻧﯘﺭﻏﯘﻧﻠﯩﻐﺎﻥ ﺋﺎﺩﻩﻡ ﺋﯩﺸﻪﻧﻤﻪﻱ ﻗﺎﻟﻐﺎﻥ. ﮬﻪﺗﺘﺎ ﺋﯘﻧﯩﯔ ﺋﺎﺋﯩﻠﯩﺴﯩﺪﯨﻜﯩﻠﻪﺭ، ﺋﻮﺭﯗﻕ ﺗﻮﻗﻘﺎﻧﻠﯩﺮﻯ ﺋﻮﭼﯘﻕ ﺋﺎﺷﻜﺎﺭﺍ ﻗﺎﺭﺷﻰ ﭼﯩﻘﻘﺎﻥ. ﻟﯧﻜﯩﻦ ﺋﯘ ﻳﻪﻧﯩﻼ ﻛﻪﺳﻜﯩﻨﻠﯩﻚ ﺑﯩﻠﻪﻥ ﺑﯘ ﻗﺎﺭﺍﺭﯨﺪﯨﻦ ﯞﺍﺯ ﻛﻪﭼﻤﯩﮕﻪﻥ. ﻧﻮﺑﯩﻞ ﻣﯘﻛﺎﭘﺎﺗﻰ ﺋﻪﻧﻪ ﺷﯘﻧﺪﺍﻕ ﺑﺎﺭﻟﯩﻘﻘﺎ ﻛﯩﻠﯩﭗ 1901-ﻳﯩﻠﺪﯨﻦ ﺗﺎﺭﺗﯩﭗ ﮬﻪﺭ ﻳﯩﻠﻰ ﺑﯩﺮ ﻗﯧﺘﯩﻢ ﺭﻩﺳﻤﻰ ﺗﺎﺭﻗﯩﺘﻠﯩﺸﻘﺎ ﺑﺎﺷﻠﯩﻐﺎﻥ.
2) ﻧﻮﺑﯩﻠﻨﯩﯔ ﮬﺎﻳﺎﺗﻰ ﯞﻩ ﺋﯩﺶ ﺋﯩﺰﻟﯩﺮﻯ
ﻧﻮﺑﯩﻠﻨﯩﯔ ﮬﺎﻳﺎﺗﯩﻐﺎ ﻗﯩﺰﺯﯨﻘﯩﺪﯨﻐﺎﻥ ﺗﻮﺭﺩﺍﺷﻼﺭ ﺗﻮﺭﻧﻰ ﺋﺎﺧﺘﯘﺭﯗﭖ ﻛﯜﺭﮔﻪﻱ. ﺋﯘﻻﺭﺩﺍ ﺑﯩﺰ ﺋﯜﮔﯩﻨﯩﺸﻜﻪ ﺗﯩﮕﯩﺸﻠﯩﻚ ﻧﯘﺭﻏﯘﻧﻠﯩﻐﺎﻥ ﻧﻪﺭﺳﯩﻠﻪﺭ ﺑﺎﺭ. ﻣﻪﻥ ﺑﻪﺯﻯ ﺋﺎﻻﮬﯩﺪﯨﺮﺍﻕ ﺋﯩﺸﻼﺭﻧﻰ ﻗﺴﯩﺘﯘﺭﯗﭖ ﺋﯜﺗﯜﭖ ﻛﯩﺘﻪﻱ.
ﺋﺎﻟﻔﯩﺮﯨﺪ ﻧﻮﺑﯩﻠﻨﯩﯔ ﺩﺍﺩﯨﺴﻰ ﺋﯩﻤﻤﺎﻧﯘﻝ ﻧﻮﺑﯩﻞ ﺋﯜﺯ ﯞﺍﺧﺘﯩﺪﺍ ﺳﯩﺘﻮﻛﮭﻮﻟﯩﻤﺪﯨﻜﻰ ﺩﺍﯕﻠﯩﻖ ﻗﯘﺭﻟﯘﺵ ﺋﯩﻨﮋﯨﻨﯩﺮﻯ ﯞﻩ ﻛﻪﺷﭙﯩﻴﺎﺗﭽﻰ ﺑﯘﻟﯘﭖ ﺳﯩﺘﻮﻛﮭﯘﻟﯩﻤﺪﺍ ﻧﯘﺭﻏﯘﻥ ﻛﯜﯞﺭﯛﻙ ، ﻳﻮﻝ، ﻗﯘﺭﻟﯘﺵ ﺳﺎﻟﻐﺎﻥ ﺷﯘﻧﺪﺍﻗﻼ ﻛﻪﺳﯩﭗ ﺋﯩﮭﺘﯩﻴﺎﺟﻰ ﺑﯩﻠﻪﻥ ﺋﯩﺸﺘﯩﻦ ﺳﯩﺮﺕ ﺗﺎﻏﻼﺭﻧﻰ، ﭼﻮﯓ ﻗﯘﺭﺍﻡ ﺗﺎﺷﻼﺭﻧﻰ ﭘﺎﺭﺗﻠﯩﺘﯩﺶ ﺋﯜﭼﯜﻥ ﭘﺎﺭﺗﻼﺗﻘﯘﭺ ﺩﻭﺭﯨﻼﺭﻧﻰ ﺗﻪﺗﻘﯩﻖ ﻗﯩﻠﯩﭗ ﺩﺍﺋﯩﻢ ﺗﻪﺟﺮﯨﺒﻪ ﺋﯧﻠﯩﭗ ﺑﺎﺭﺍﺗﺘﻰ. ﺋﺎﻟﻔﯩﺮﯨﺪ ﻧﻮﺑﯩﻞ ﺗﯘﻏﯘﻟﻐﺎﻥ ﻳﯩﻠﻰ ﺋﯘﻧﯩﯔ ﺩﺍﺩﯨﺴﯩﻨﯩﯔ ﺋﯩﺶ ﺋﻮﺭﻧﯩﺪﺍ ﭼﻮﯓ ﮬﺎﺩﯨﺴﻪ ﻳﯜﺯ ﺑﯩﺮﯨﭗ، ﻗﻮﺭﻟﯘﺵ ﺋﯚﺭﯛﻟﯜﭖ ﭼﯘﺷﯘﭖ ﺑﯘﻧﯩﯔ ﻧﻪﺗﯩﺠﯩﺴﯩﺪﻩ ﺋﯘﻧﯩﯔ ﺩﺍﺩﯨﺴﻰ ﭘﯜﺗﯜﻧﻠﻪﻱ ﯞﻩﻳﺮﺍﻥ ﺑﯘﻟﻐﺎﻥ ﯞﻩ ﺗﻮﺭﻣﯘﺵ ﮬﻪﻟﻪﻛﭽﯩﻠﯩﻜﯩﺪﻩ ﺭﯗﺳﯩﻴﻪﻧﯩﯔ ﺳﺎﻥ ﭘﯧﺘﯩﺮﺑﻮﺭﮔﻘﺎ ﺑﯧﺮﯨﭗ ﺑﯩﺮ ﻣﯩﺨﺎﻧﯩﻜﺎ ﺳﯩﺨﻰ ﻗﯘﺭﯗﭖ ﺗﯩﺰﻻ ﭼﺎﺭ ﭘﺎﺩﯨﺸﺎ ﯞﻩ ﺋﯜﻧﯩﯔ ﮔﯩﻨﺮﺍﻟﻠﯩﺮﯨﻨﯩﯔ ﻛﯜﺯﻯ ﭼﯜﺷﻜﻪﻥ ﯞﻩ ﺋﯘ ﻳﻪﺭﺩﻩ ﻛﯩﻤﯩﺴﺎﺯﻟﯩﻖ ﯞﻩ ﺑﺎﺷﻘﺎ ﺋﯜﺳﻜﯜﻧﯩﻠﻪﺭﻧﻰ ﻳﺎﺳﺎﭖ ﺭﻭﺳﯩﻴﻪ ﺋﺎﺭﻣﯩﺴﻴﯩﮕﻪ ﺳﯧﺘﯩﭗ ﺋﯩﻘﺘﺴﺎﺩﻯ ﻳﻪﻧﻪ ﺟﺎﻧﻼﻧﻐﺎﻥ ﯞﻩ ﺋﺎﻟﻔﯩﺮﯨﺪ ﻧﻮﺑﯩﻠﻨﻰ ﺳﺎﻥ ﭘﯧﺘﯧﺮﺑﻮﺭﮔﻘﺎ ﺋﻪﻛﯩﻠﯩﭗ ﺷﯘ ﻳﻪﺭﺩﯨﻜﻰ ﺋﻪﯓ ﻳﺎﺧﺸﻰ ﺋﻮﻗﯘﺗﻘﯘﭼﯩﻼﺭﻧﻰ ﺋﺎﺋﯩﻠﻪ ﺋﻮﻗﯘﺗﻘﯘﭼﯩﻠﯩﻘﻘﺎ ﺗﻪﻛﻠﯩﭗ ﻗﯩﻠﯩﭗ ﻣﻪﺧﺴﯘﺱ ﺗﻪﺭﺑﯩﻴﻠﯩﮕﻪﻥ. 17 ﻳﺎﺷﻘﺎ ﻛﯩﺮﮔﻪﻧﺪﻩ ﺋﺎﻟﻔﯩﺮﯨﺪ ﻣﺎﺗﯩﻤﺎﺗﯩﻜﺎ، ﻓﯩﺰﯨﻜﺎ، ﺧﯧﯩﻤﯩﻴﻪ ﻗﺎﺗﺎﺭﻟﯩﻖ ﭘﻪﻧﻠﻪﺭﺩﻩ ﻛﯜﭼﻠﯘﻙ ﺋﺎﺳﺎﺱ ﺳﯧﻠﯩﭗ ﺑﯘﻟﻐﺎﻥ. ﻟﯧﻜﯩﻦ ﺋﯘ ﺑﯘ ﻧﻪﺭﺳﯩﻠﻪﺭﮔﻪ ﻗﯩﺰﺯﯨﻘﻤﺎﻱ ﺷﯩﺌﯩﺮ، ﺩﯨﺮﺍﻣﺎ ﻳﯧﺰﯨﺸﻘﺎ ﺑﻪﻛﺮﺍﻕ ﻗﯩﺰﺯﯨﻘﯩﭗ ﻗﺎﻟﻐﺎﻥ. ﺋﯘﻧﯩﯔ ﺩﺍﺩﯨﺴﻰ ﺑﺎﻟﯩﺴﯩﻨﯩﯔ ﺋﯜﺯﯨﻨﯩﯔ ﺋﯩﺰﯨﻨﻰ ﺑﯧﺴﯩﭗ ﭼﯩﻘﯩﺸﯩﻨﻰ ﺋﯜﻣﯩﺖ ﻗﯩﻠﯩﺪﯨﻐﺎﻥ ﺑﻮﻟﻐﺎﭼﻘﺎ ﺋﯘﻧﻰ ﻳﻪﻧﻪ ﺋﯜﮔﯩﻨﯩﭗ ﻛﯩﻠﯩﺶ ﺋﯜﭼﯜﻥ ﭼﻪﺗﺌﻪﻟﮕﻪ ﺋﻪﯞﻩﺗﻜﻪﻥ. ﺋﯘ ﺑﯩﺮ ﻧﻪﭼﭽﻪ ﻳﯩﻞ ﻓﯩﺮﺍﻧﺴﯩﻴﻪ، ﮔﯧﺮﻣﺎﻧﯩﻴﻪ، ﺷﯩﯟﯨﺘﺴﻴﻴﻪ ﯞﻩ ﺋﺎﻣﺮﯨﻜﯩﻐﺎ ﻛﯩﻠﯩﭗ ﺧﯧﻤﯩﻴﻪ ﺋﯩﻨﮋﯨﻨﯩﺮﻟﯩﻘﻰ ﺋﯜﮔﻪﻧﮕﻪﻥ. ﻛﯩﻴﯩﻦ ﺋﯘ ﭘﺎﺭﯨﮋﺩﺍ ﭘﺮﻭﻓﯩﺴﺴﻮﺭ ﭘﯩﻠﯘﺯ T. J. Pelouze ﻧﯩﯔ ﺷﻪﺧﺴﻰ ﺗﻪﺟﺮﯨﺒﯩﺨﺎﻧﯩﺴﯩﺪﺍ ﺋﯩﺸﻠﯩﮕﻪﻥ ﯞﻩ ﺷﯘ ﻳﻪﺭﺩﻩ ﺋﯩﺘﺎﻟﯩﻴﯩﻠﯩﻚ ﺋﺎﻟﯩﻢ ﺳﻮﺑﺮﯦﺮﻭ (Ascanio Sobrero) ﺑﯩﻠﻪﻥ ﺗﯘﻧﯘﺷﻘﺎﻥ. ﺳﻮﺑﺮﯦﺮﻭ ﺑﯘﻧﯩﯖﺪﯨﻦ ﺋﯜﭺ ﻳﯩﻞ ﺑﯘﺭﯗﻥ ﻧﯧﺘﺮﻭﮔﯩﻠﯩﺘﺴﯩﺮﯨﻦ ( Nitroglycerine) ﺩﻩﭖ ﺋﺎﺗﯩﻠﯩﺪﯨﻐﺎﻥ ﺑﯩﺮ ﺧﯩﻞ ﻳﯘﻗﯩﺮﻯ ﭘﺎﺭﺗﻼﺗﻘﯘﭺ ﺳﻮﻳﯘﻗﻠﯘﻗﻨﻰ ﻛﻪﺷﯩﭗ ﻗﯩﻠﻐﺎﻥ ﺑﻮﻟﯘﭖ ﺑﯘ ﺧﯩﻞ ﻣﺎﺗﯩﺮﯨﻴﺎﻟﻨﯩﯔ ﭘﺎﺭﺗﻠﯩﺘﯩﺶ ﺩﻩﺭﯨﺠﯩﺴﻰ ﺷﯘ ﯞﺍﻗﯩﺘﺘﺎ ﺋﯩﺸﻠﯩﺘﯩﭗ ﻛﻪﻟﮕﻪﻥ ﭘﻮﺭﯗﺧﻘﺎ ﻗﺎﺭﯨﻐﺎﻧﺪﺍ ﺑﻪﻙ ﺯﻭﺭ ﺑﻮﻟﺴﯩﻤﯘ ،ﻟﯧﻜﯩﻦ ﺳﻪﺯﮔﯜﺭﻟﯜﻛﻰ ﺑﻪﻙ ﻳﯘﻗﯩﺮﻯ، ﻗﺎﻧﺪﺍﻕ ﭘﺎﺭﺗﻠﯩﺸﯩﻨﻰ ﻛﻮﻧﺘﯧﺮﻭﻝ ﻗﯩﻠﻐﯩﻠﻰ ﺑﯘﻟﻤﺎﻳﺪﯨﻐﺎﻥ، ﺋﺎﺯﺭﺍﻕ ﺑﯧﺴﯩﻢ ﯞﻩ ﺋﯩﺴﺴﯩﻘﻠﯩﻘﻘﺎ ﺋﯘﭼﺮﯨﺴﯩﻼ "ﺳﻮﺭﯗﻥ ﺗﺎﻟﻠﯩﻤﺎﻱ" ﭘﺎﺭﺗﻼﻳﺪﯨﻐﺎﻥ ﺑﻮﻟﻐﺎﻧﻠﯩﻘﺘﯩﻦ ﺋﻪﻣﻪﻟﻰ ﺋﯩﺸﻠﯩﺘﯩﺸﻜﻪ ﻣﯘﯞﺍﭘﯩﻖ ﻛﻪﻟﻤﯩﮕﻪﻥ. ﺋﺎﻟﻔﯩﺮﯨﺪ ﻧﻮﺑﯩﻞ ﺑﯘ ﺧﯩﻞ ﻣﺎﺗﯩﺮﯨﻴﺎﻟﻐﺎ ﺋﺎﻻﮬﯩﺪﻩ ﻗﯩﺰﺯﯨﻘﯩﭗ ﻗﺎﻟﻐﺎﻥ. 1852-ﻳﯩﻠﻰ ﺋﯘ ﺩﺍﺩﯨﺴﯩﻨﯩﯔ ﺋﯩﮭﺘﯩﻴﺎﺟﻰ ﺑﯩﻠﻪﻥ ﺭﻭﺳﯩﻴﻪﮔﻪ ﻗﺎﻳﺘﯩﭗ ﻛﯩﻠﯩﭗ ﺩﺍﺩﯨﺴﯩﻨﯩﯔ ﺋﯩﺸﻠﯩﺮﯨﻐﺎ ﻳﺎﺭﺩﻩﻣﻠﻪﺷﻜﻪﻥ.ﺩﻩﻝ ﺷﯘ ﯞﺍﻗﯩﺘﺘﺎ ﺭﻭﺳﯩﻴﻪ ﺑﯩﻠﻪﻥ ﺋﻪﻧﮕﯩﻠﯩﻴﻪ ﺋﻮﺗﺘﯘﺭﯨﺴﯩﺪﺍ ﻗﺎﺗﺘﯩﻖ ﺋﻮﺭﯗﺵ ﭘﺎﺭﺗﻼﭖ (Crimean war 1853-1856).ﺋﯘﻧﯩﯔ ﺩﺍﺩﯨﺴﻰ ﻳﺎﺳﯩﻐﺎﻥ ﻛﯩﻤﻪ ﯞﻩ ﺑﺎﺷﻘﺎ ﻻﺯﯨﻤﻠﯩﻚ ﺋﯜﺳﻜﯜﻧﯩﻠﻪﺭﮔﻪ ﺭﻭﺳﯩﻴﻪ ﺋﺎﺭﻣﯩﻴﺴﻰ ﺋﯩﮭﯩﺘﯩﻴﺎﺟﻠﯩﻖ ﺑﻮﻟﻐﺎﭼﻘﺎ ﺋﯘﻧﯩﯔ ﺩﺍﺩﯨﺴﯩﻨﯩﯔ ﺋﯩﻘﺘﯩﺴﺎﺩﻯ ﻳﻪﻧﻪ ﺷﯩﺪﺩﻩﺕ ﺑﯩﻠﻪﻥ ﻛﯜﺗﯜﺭﻟﯜﭖ ﻛﻪﺗﻜﻪﻥ. ﺋﻪﻣﻤﺎ ﺋﻮﺭﯗﺵ ﺗﯜﮔﯩﮕﻪﻧﺪﻩ ﻳﻪﻧﻪ ﮬﻪﺭﺧﯩﻞ ﺳﻪﯞﻩﭘﻠﻪﺭ ﺗﯜﭘﻪﻳﻠﯩﺪﯨﻦ ﺋﯘﻧﯩﯔ ﺩﺍﺩﯨﺴﻰ ﻳﻪﻧﻪ ﺋﯩﻘﺘﯩﺴﺎﺩﻯ ﺟﻪﮬﻪﺗﺘﻪ ﯞﻩﻳﺮﺍﻥ ﺑﯘﻟﯘﺵ ﮔﯩﺮﺩﺍﯞﯨﻐﺎ ﺑﯧﺮﯨﭗ ﻗﺎﻟﻐﺎﻥ ﮬﻪﻡ ﺋﯩﻜﻜﻰ ﺋﻮﻏﻠﻰ ﺋﺎﻟﻔﯩﺮﺩ ﯞﻩ ﯸﻤﯩﻠﻨﻰ ﺋﯧﻠﯩﭗ ﺷﯩﯟﯨﺘﺴﯩﻴﻪﮔﻪ ﻗﺎﻳﺘﯩﭗ ﻛﻪﻟﮕﻪﻥ. ﻗﺎﻟﻐﺎﻥ ﺋﯩﻜﻜﻰ ﺋﻮﻏﻠﻰ ﺭﻭﺳﯩﻴﻪﺩﻩ ﻗﺎﻟﯩﻤﯩﺰ ﺩﻩﭖ ﺗﯘﺭﯞﯨﻠﯩﭗ ﺷﯘ ﻳﻪﺭﺩﻩ ﺗﯩﺮﻣﯩﺸﯩﭗ ﻳﯘﺭﯛﭖ ﻧﯩﻔﯩﺖ ﻗﯩﺰﯨﭗ ﻳﻪﻧﻪ ﺗﯩﺰﻻ ﯞﻩﻳﺮﺍﻥ ﺑﯘﻟﻐﺎﻥ ﺋﯩﮕﯩﻠﯩﻜﻨﻰ ﺗﯩﻜﻠﻪﭖ ﺷﯘﭼﺎﻏﺪﯨﻜﻰ ﺭﻭﺳﯩﻴﻪﺩﯨﻜﻰ ﺋﻪﯓ ﭼﻮﯓ ﺑﺎﻳﻼﺭﺩﯨﻦ ﺑﻮﭖ ﻗﺎﻟﻐﺎﻥ.

1863-ﻳﯩﻠﻰ ﺷﯩﯟﯨﺘﺴﯩﻴﻪﮔﻪ ﻗﺎﻳﺘﯩﭗ ﻛﻪﻟﮕﻪﻧﺪﯨﻦ ﻛﯩﻴﯩﻦ ﺋﺎﻟﻔﯩﺮﯨﺪ ﭘﯜﺗﯜﻥ ﺯﯨﮭﻨﯩﻨﻰ ﻧﯩﺘﺮﻭﮔﯩﻠﯩﺘﺴﯩﺮﯨﻨﻨﻰ ﻗﺎﻧﺪﺍﻕ ﻗﯩﻠﯩﭗ ﺑﯩﺨﻪﺗﻪﺭ ﺋﯩﺸﻠﯩﺘﯩﺸﻨﻰ ﺗﻪﺗﻘﯩﻖ ﻗﯩﻠﯩﺸﻘﺎ ﺳﻪﺭﯨﭗ ﻗﯩﻠﻐﺎﻥ. ﺋﯘﻧﯩﯔ 1864-ﻳﯩﻠﻰ ﺋﯩﺸﻠﯩﮕﻪﻥ ﺑﯩﺮ ﺗﻪﺟﺮﯨﺒﯩﺴﺪﻩ ﻗﺎﺗﺘﯩﻖ ﭘﺎﺭﺗﻼﺵ ﮬﺎﺩﯨﺴﻰ ﻳﯘﺯ ﺑﯩﺮﯨﭗ ﺋﯘﻧﯩﯔ ﻗﯧﺮﯨﻨﺪﯨﺸﻰ ﺋﯧﻤﯩﻞ ﯞﻩ ﻳﻪﻧﻪ ﺑﺎﺷﻘﺎ ﺑﯩﺮ ﻣﯘﻧﭽﻪ ﺋﺎﺩﻩﻣﻠﻪﺭ ﺋﯜﻟﯜﭖ ﻛﯧﺘﯩﭗ ﺯﯨﻠﺰﯨﻠﻪ ﺑﻮﭖ ﻛﻪﺗﻜﻪﻥ. ﺷﯘ ﯞﺍﻗﯩﺘﺘﯩﻼ ﭘﯜﺗﯜﻥ ﺩﯗﻧﻴﺎ ﻧﯩﺘﺮﻭﮔﯩﻠﯩﺘﺴﯩﺮﯨﻨﻨﯩﯔ ﻏﺎﻳﻪﺕ ﺯﻭﺭ ﭘﺎﺭﺗﻼﺗﻘﯘﭺ ﻛﯜﭼﯩﮕﻪ ﻗﺎﻳﯩﻞ ﺑﯘﻟﻐﺎﻥ. ﺑﯘﻧﯩﯖﺪﯨﻦ ﭼﯜﭼﯜﮔﻪﻥ ﺳﯩﺘﻮﻛﮭﯘﻟﯩﻢ ﮬﯜﻛﯜﻣﯩﺘﻰ ﺋﯘﻧﯩﯔ ﺑﯘﻧﺪﺍﻕ ﺗﻪﺟﺮﯨﺒﻪ ﺋﯧﻠﯩﭗ ﺑﯧﺮﯨﺸﯩﻨﻰ ﺗﻮﺧﺘﯩﺘﯩﺸﯩﻨﻰ ﯞﻩ ﻳﺎﻛﻰ ﺋﺎﺩﻩﻡ ﻳﻮﻕ ﻳﻪﺭﺩﻩ ﺋﯧﻠﯩﭗ ﺑﯩﺮﯨﺸﻨﻰ ﺗﻪﻟﻪﭖ ﻗﯩﻠﻐﺎﻥ. ﺋﺎﻟﻔﯩﺮﯨﺪ ﺷﯘﻧﯩﯔ ﺑﯩﻠﻪﻥ ﺩﯨﯖﯩﺰ ﺑﻮﻳﯩﺪﯨﻜﻰ ﺑﯩﺮ ﺋﺎﺩﻩﻡ ﻳﻮﻕ ﻳﻪﺭﺩﻩ ﺗﻪﺟﺮﯨﺒﯩﺨﺎﻧﺎ ﻗﯘﺭﯗﭖ ﺩﺍﯞﺍﻣﻠﯩﻖ ﻧﯩﺘﺮﺭﻭﮔﯩﻠﯩﺘﺴﯩﺮﯨﻨﻨﻰ ﺑﯩﺨﻪﺗﻪﺭ ﺋﯩﺸﻠﯩﺘﯩﺶ ﺗﯧﺨﻨﯩﻜﯩﺴﻰ ﺗﻮﻏﺮﯨﻠﯩﻖ ﺋﯩﺰﺩﻩﻧﮕﻪﻥ. 1867-ﻳﯩﻠﯩﻐﺎ ﺑﺎﺭﻏﺎﻧﺪﺍ ﺋﯘ ﺋﺎﺧﯩﺮﻯ ﺑﯘ ﺗﯧﺨﻨﯩﻜﯩﻨﻰ ﺗﯧﭙﯩﭗ ﭼﯩﻘﻘﺎﻥ ﯞﻩ ﺋﯘﻧﻰ ﭘﺎﺗﯩﻨﯩﺘﻘﺎ ﺋﺎﻟﺪﯗﺭﯗﭖ ﺗﯩﺰﯨﻤﻠﯩﺘﯩﭗ "ﺩﯨﻨﺎﻣﯩﺖ" (dynamite) ﺩﻩﭖ ﺋﺎﺕ ﻗﻮﻳﯘﭖ ﻛﯜﭘﻠﻪﭖ ﺋﯩﺸﻠﻪﭘﭽﯩﻘﯩﺮﯨﺸﻘﺎ ﺑﺎﺷﻠﯩﻐﺎﻥ. ﺋﯘ ﺋﯘﻧﯩﯖﺪﯨﻦ ﺑﺎﺷﻘﯩﻤﯘ ﻧﯘﺭﻏﯘﻧﻠﯩﻐﺎﻥ ﺑﺎﺷﻘﺎ ﭘﺎﺭﺗﻼﺗﻘﯘﭺ ﺩﻭﺭﯨﻼﺭﻧﻰ، ﺑﺎﺷﻘﺎ ﺗﯧﺨﻨﯩﻜﯩﻼﺭﻧﻰ ﻛﻪﺷﯩﭗ ﻗﯩﻠﻐﺎﻥ. ﺋﯘﻧﯩﯔ ﺋﯜﻣﺮﯨﺪﻩ ﺗﯩﺰﯨﻤﻐﺎ ﺋﺎﻟﺪﯗﺭﻏﺎﻥ ﭘﺎﺗﯩﻨﯩﺘﻰ 355 ﻛﻪ ﻳﻪﺗﻜﻪﻥ.
ﺋﯘ ﺗﯧﺨﻨﯩﻜﯩﻼﺭﻧﻰ ﺗﯧﭙﯩﭗ ﭼﯩﻘﻘﺎﻧﺪﯨﻦ ﻛﯩﻴﯩﻦ ﻛﺎﺭﺧﺎﻧﺎ ﻗﯘﺭﯗﭖ ﺑﯘ ﺧﯩﻞ ﻣﺎﺗﯩﺮﯨﻴﺎﻟﻨﻰ ﻛﯜﭘﻠﻪﭖ ﺋﯩﺸﻠﻪﭖ ﭼﯩﻘﺎﺭﻏﺎﻥ. ﺋﯘﻧﯩﯔ ﺋﯩﺸﻠﻪﭘﭽﯩﻘﺎﺭﻏﺎﻥ ﻣﺎﺗﯩﺮﯨﻴﺎﻟﻰ ﯞﻩ ﺋﯩﺸﻠﯩﺘﯩﺶ ﺗﯧﺨﻨﻜﯩﺴﻰ ﺷﯘ ﺩﻩﯞﯨﺮﮔﻪ ﻧﯩﺴﺒﻪﺗﻪﻥ ﺋﯜﻧﯜﻣﻰ ﺋﻪﯓ ﻳﯘﻗﯩﺮﻯ، ﺑﺎﮬﺎﺳﻰ ﺑﯘﺭﯗﻥ ﺋﯩﺸﻠﯩﺘﯩﭗ ﻛﻪﻟﮕﻪﻥ ﭘﯘﺭﯗﺥ ﺩﯨﮕﻪﻧﺪﻩﻙ ﻣﺎﺗﯩﺮﯨﻴﺎﻟﻼﺭﺩﯨﻦ ﻧﻪﭼﭽﻪ ﮬﻪﺳﺴﻪ ﺋﻪﺭﺯﺍﻥ ﺑﻮﻟﻐﺎﭼﻘﺎ ﺋﯘﻧﯩﯔ ﻣﻪﮬﺴﯘﻻﺗﻠﯩﺮﻯ ﭘﯜﺗﯜﻥ ﻳﺎﯞﺭﯗﭘﺎ، ﺋﺎﺳﯩﻴﺎ، ﺋﺎﯞﺳﺘﯩﺮﺍﻟﯩﻴﻪ،ﺋﺎﻣﺮﯨﻜﯩﻼﺭﻏﯩﭽﻪ ﺳﯧﺘﯩﻠﻐﺎﻥ. ﺑﯘ ﺧﯩﻞ ﻣﺎﺗﯩﺮﯨﻴﺎﻝ ﻗﻮﺭﺍﻡ ﺗﺎﺷﻼﺭﻧﻰ ﭘﺎﺭﺗﻠﯩﺘﯩﺶ، ﺗﻮﻧﯩﻞ، ﻗﺎﻧﺎﻝ ﻳﺎﺳﺎﺵ، ﻗﯘﺩﯗﻕ ﻗﯩﺰﯨﺶ ﯞﻩ ﺑﺎﺷﻘﺎ ﺳﺎﻧﺎﺋﻪﺗﻠﻪﺭﺩﻩ ﻛﻪﻡ ﺑﯘﻟﺴﺎ ﺑﯘﻟﻤﺎﻳﺪﯨﻐﺎﻥ ﻣﺎﺗﯩﺮﯨﻴﺎﻟﻐﺎ ﺋﺎﻳﻼﻧﻐﺎﻥ.ﺩﯗﻧﻴﺎﺩﯨﻜﻰ ﺋﻪﯓ ﺗﻪﺱ ﮬﯩﺴﺎﭘﻠﯩﻨﯩﺪﯨﻐﺎﻥ ﺑﯘ ﺧﯩﻞ ﻗﯘﺭﻟﯘﺷﻼﺭ ﻛﯜﭖ ﺋﺎﺳﺎﻧﻼﺷﻘﺎﻥ. ﺋﺎﻟﻔﯩﺮﯨﺪﻣﯘ ﺑﯘ ﯞﺍﻗﯩﺘﺘﺎ ﺋﯜﺯﯨﻨﯩﯔ ﻛﺎﺭﺧﺎﻧﺎ ﺑﺎﺷﻘﯘﺭﯗﺷﺘﯩﻜﻰ ﺗﺎﻻﻧﺘﻨﯩﻨﻰ ﻧﺎﻣﺎﻳﻪﻥ ﻗﯩﻠﯩﭗ ﻛﺎﺭﺧﺎﻧﯩﺴﯩﻨﯩﯔ ﺋﯩﻘﺘﯩﺴﺎﺩﻯ ﻛﯜﭼﯩﻨﻰ ﺷﯩﺪﺩﻩﺕ ﺑﯩﻠﻪﻥ ﻛﯩﯖﻪﻳﺘﻜﻪﻥ. ﺑﯩﺮ ﻧﻪﭼﭽﻪ ﻳﯩﻞ ﺋﯩﭽﯩﺪﻩ 20 ﺩﯨﻦ ﺋﺎﺭﺗﯘﻕ ﺩﯛﻟﻪﺗﺘﻪ 90 ﺩﯨﻦ ﺋﺎﺭﺗﯘﻕ ﺯﺍﯞﻭﺕ ﯞﻩ ﺗﻪﺟﺮﯨﺒﺨﺎﻧﺎ ﻗﯘﺭﻏﺎﻥ. ﺋﯘ ﭘﺎﺭﯨﮋﺩﺍ ﺋﻮﻟﺘﯘﺭﺍﻗﻼﺷﻘﺎﻥ ﺑﻮﻟﺴﯩﻤﯘ ﻛﯩﻴﯩﻦ ﻟﯧﻜﯩﻦ ﭘﯜﺗﯜﻥ ﻛﯜﻧﻠﯩﺮﻯ ﮬﻪﺭ ﻗﺎﻳﺴﻰ ﺗﻪﺟﺮﯨﺒﺨﺎﻧﯩﻼﺭ، ﺯﺍﯞﻭﺗﻼﺭﺩﺍ ﺋﯜﺗﻜﻪﻥ. ﺋﯘﻧﯩﯔ ﺯﺍﻣﺎﻧﺪﯨﺸﻰ ﯞﯨﻜﺘﻮﺭ ﮬﯩﻴﻮﮔﯘ ﺋﯘﻧﻰ "ﺑﯘ ﺳﻪﺭﮔﻪﻧﺪﺍﺭ ﻳﺎﯞﺭﯗﭘﺎﺩﯨﻜﻰ ﺋﻪﯓ ﺑﺎﻱ ﺋﺎﺩﻩﻡ " ﺩﻩﭖ ﺗﻪﺭﯨﭙﻠﯩﮕﻪﻥ.ﻟﯧﻜﯩﻦ ﻳﯩﻠﻼﺭ ﺋﯜﺗﻜﻪﻧﺴﯩﺮﻯ ﻧﻮﺑﯩﻞ ﻛﻪﺷﯩﭗ ﻗﯩﻠﻐﺎﻥ ﺗﯧﺨﻨﯩﻜﻼﺭ ﺋﯩﺸﻠﻪﭘﭽﯩﻘﯩﺮﯨﺸﺘﯩﻦ ﺑﺎﺷﻘﺎ ﻳﻪﻧﻪ ﭘﺎﺭﺗﻼﺗﻘﯘﭺ ﻗﻮﺭﺍﻝ ﻳﺎﺳﺎﭖ ﺋﺎﺩﻩﻡ ﻗﯩﺮﯨﺸﺘﺎ ﺋﯩﺸﻠﯩﺘﯩﻠﮕﻪﻥ . ﻧﻮﺑﯩﻞ ﺑﯘﻻﺭﻧﻰ ﻛﯜﺭﯛﭖ ﺋﯩﻨﺘﺎﻳﯩﻦ ﻏﻪﺯﻩﭘﻠﯩﻨﯩﭗ ﻧﻪﭼﭽﻪ ﻗﯧﺘﯩﻢ ﺋﯘﻧﺪﺍﻕ ﻗﯩﻠﻤﺎﺳﻠﯩﯩﻘﻘﺎ ﭼﺎﻗﯩﺮﯨﻖ ﻗﯩﻠﻐﺎﻥ. ﻟﯧﻜﯩﻦ ﮬﯩﭽﻜﯩﻢ ﺋﺎﯕﻠﯩﻤﯩﻐﺎﻥ. 1895-ﻳﯩﻠﻰ ﯞﻩﺳﻴﻪﺕ ﻗﺎﻟﺪﯗﺭﯗﭖ ﭘﯜﺗﯜﻥ ﻣﺎﻝ-ﻣﯘﻟﻜﯩﻨﻰ ﺋﺎﺋﯩﻠﯩﺴﯩﮕﻪ ﻗﺎﻟﺪﯗﺭﻣﺎﻱ "ﻧﻮﺑﯩﻞ ﻓﻮﻧﺪﻯ"ﻧﻰ ﻗﯘﺭﯗﺷﻨﻰ ﻗﺎﺭﺍﺭ ﻗﯩﻠﻐﺎﻥ.
ﺋﯘﻧﯩﯔ ﺯﺍﻣﺎﻧﺪﺍﺷﻠﯩﺮﯨﻨﯩﯔ ﺗﻪﺭﯨﭙﻠﯩﺸﯩﭽﻪ ﺋﯘ ﮬﻪﺩﺩﯨﺪﯨﻦ ﺋﺎﺷﻘﺎﻥ ﺯﯨﻴﺎﺩﻩ ﺧﯩﺰﻣﻪﺕ ﯞﻩ ﺳﯩﺮﺗﺘﺎ ﻳﯜﺭﯛﺵ ﺑﯩﻠﻪﻥ
43-ﻳﯧﺸﯩﺪﯨﻼ ﺋﯜﺯﯨﻨﻰ ﻗﯧﺮﻯ ﮬﯩﺲ ﻗﯩﻠﯩﺪﯨﻐﺎﻥ ﺑﻮﭖ ﻗﺎﻟﻐﺎﻥ. ﮬﻪﻡ ﻻﻳﯩﻘﻤﯘ ﺗﺎﭘﻤﯩﻐﺎﻥ. ﻛﯩﻴﯩﻦ ﺩﻭﺳﺘﻠﯩﺮﻯ ﯞﻩ ﺋﻮﺭﯗﻕ ﺗﯘﻗﻘﺎﻧﻠﯩﺮﯨﻨﯩﯔ ﺩﻩﯞﯨﺘﻰ ﺑﯩﻠﻪﻥ ﮔﯩﺰﯨﺘﺘﻪ" ﭘﯩﺸﯩﭗ ﻳﯩﺘﯩﻠﮕﻪﻥ، ﺗﯩﻠﻰ ﺗﺎﺗﻠﯩﻖ، ﺋﺎﺋﯩﻠﯩﺪﻩ ﮬﻪﻣﺮﺍ ﺑﯘﻟﯩﺪﯨﻐﺎﻥ، ﺧﯩﺰﻣﻪﺗﺘﻪ ﻛﺎﺗﯩﭗ ﺑﯘﻻﻻﻳﺪﯨﻐﺎﻥ ﺋﺎﻳﺎﻝ ﻛﯩﺮﻩﻙ" ﺩﻩﭖ ﺋﯩﻼﻥ ﺑﻪﺭﮔﻪﻥ ﮬﻪﻡ ﺷﯘﻻﺭﻧﯩﯔ ﺋﺎﺭﯨﺴﯩﺪﯨﻦ ﺋﺎﯞﯨﺴﺘﯩﺮﻳﯩﻠﯩﻚ ﺑﻪﺭﻓﺎ ﻛﯩﺮﯨﻨﯩﺴﻜﻰ (Countess Bertha Kinsky) ﻧﻰ ﺑﻪﻛﻤﯘ ﻳﺎﻗﺘﯘﺭﯗﭖ ﻗﺎﻟﻐﺎﻥ. ﺋﻪﻣﻤﺎ ﻛﯩﺮﯨﻨﯩﺴﻜﻰ ﻗﯩﺴﻘﺎ ﻣﻪﺯﮔﯩﻞ ﺋﯘﻧﯩﯔ ﻗﯧﺸﯩﺪﺍ ﺋﯩﺸﻠﯩﮕﻪﻧﺪﯨﻦ ﻛﯩﻴﯩﻦ ﺋﯘﻧﻰ ﻳﺎﻗﺘﯘﺭﻣﺎﻱ ﺋﺎﯞﯨﺴﺘﯩﺮﯨﻴﮕﻪ ﻗﺎﻳﺘﯩﭗ ﺳﺎﺗﻨﯧﺮ ( Count Arthur von Suttner) ﺑﯩﻠﻪﻥ ﺗﻮﻱ ﻗﯩﻠﻐﺎﻥ. ﺷﯘﻧﺪﺍﻗﺘﯩﻤﯘ ﺑﻪﺭﻓﺎ ﻛﯩﻠﯩﻨﯩﺴﻜﻰ ﺑﯩﻠﻪﻥ ﺋﺎﻟﻔﯩﺮﺩ ﻧﻮﺑﯩﻞ ئوﺳﺘﻠﯘﻕ ﻣﯘﻧﺎﺳﯩﯟﯨﺘﯩﻨﻰ ﺳﺎﻗﻼﭖ ﻗﺎﻟﻐﺎﻥ ﯞﻩ ﺧﻪﺕ ﻳﯧﺰﯨﺸﯩﭗ ﺗﯘﺭﻏﺎﻥ. ﻳﯩﻠﻼﺭﻧﯩﯔ ﺋﯜﺗﯜﺷﯩﮕﻪ ﺋﻪﮔﯩﺸﯩﭗ ﺑﻪﺭﻓﺎ ﻛﯩﺮﯨﻨﯩﺴﻜﻰ ﻗﯘﺭﺍﻝ، ﺋﺎﺭﻣﯩﻴﻪ ﺩﯨﮕﻪﻥ ﻧﻪﺭﺳﯩﻠﻪﺭﮔﻪ ﺑﻪﻙ ﺋﯜﭺ ﺑﻮﻟﯘﭖ ﻛﻪﺗﻜﻪﻥ ﮬﻪﻡ " ﻗﻮﻟﯩﯖﯩﺰﺩﯨﻜﻰ ﻗﯘﺭﺍﻟﻨﻰ ﺗﺎﺷﻼﯓ " ﺩﯨﮕﻪﻥ ﻣﻪﺷﮭﯘﺭ ﻛﯩﺘﺎﭘﻨﻰ ﻳﯧﺰﯨﭗ ﮬﻪﻡ ﮔﯩﺰﯨﺖ ﮊﻭﺭﻧﺎﻟﻼﺭﺩﺍ ﺗﻪﺷﯟﯨﻖ ﻗﯩﻠﯩﭗ ، ﻧﯘﺗﯘﻕ ﺳﯜﺯﻟﻪﭖ ﺷﯘ ﺯﺍﻣﺎﻧﺪﯨﻜﻰ ﺗﯩﻨﭽﻠﯩﻘﻨﻰ ﺗﻪﺭﻏﯩﭗ ﻗﯩﻠﻐﯘﭼﯩﻐﺎ ﺋﺎﻳﻼﻧﻐﺎﻥ. ﻣﯘﺗﻠﻪﻕ ﻛﯜﭖ ﺳﺎﻧﻠﯩﻖ ﺗﻪﮬﻠﯩﻠﭽﯩﻼﺭﻧﯩﯔ ﻗﺎﺭﯨﺸﯩﭽﻪ ﻧﻮﺑﯩﻠﻨﯩﯔ ﺑﺎﺭﻟﯩﻖ ﺑﺎﻳﻠﯩﻘﯩﻨﻰ ﺋﯩﻨﺴﺎﻧﯩﻴﻪﺕ ﺗﻨﯩﭽﻠﯩﻘﻰ ﯞﻩ ﺗﻪﺭﻩﻗﻘﯩﻴﺎﺗﻰ ﺋﯜﭼﯜﻥ ﺋﯩﺸﻠﯩﺘﯩﺸﻜﻪ ﺳﻪﺭﯨﭗ ﻗﯩﻠﯩﺶ ﻗﺎﺭﺍﺭﯨﻐﺎ ﻛﯩﻠﯩﺸﻜﻪ ﺑﻪﺭﻓﺎ ﻛﯩﻠﯩﻨﯩﺴﻜﯩﻨﯩﯔ ﻛﯜﺯ ﻗﺎﺭﺍﺷﻠﯩﺮﻯ ﯞﻩ ﺋﯘﻧﯩﯔ ﺧﻪﺗﻠﯩﺮﻯ ﮬﻪﻝ ﻗﯩﻠﻐﯘﭺ ﺭﻭﻝ ﺋﻮﻳﻨﯩﻐﺎﻥ. ﺷﯘﻧﺪﺍﻗﻼ 1905-ﻳﯩﻠﻰ ﻧﻮﺑﯩﻞ ﺗﯩﻨﯩﭽﻠﯩﻖ ﻣﯘﻛﺎﭘﺎﺗﻰ ﺑﻪﺭﻓﺎ ﻛﯩﻠﯩﻨﯩﺴﻜﯩﻐﺎ ﺑﯩﺮﯨﻠﮕﻪﻥ.
ﻳﻪﻧﻪ ﺑﯩﺮ ﺭﯨﯟﺍﻳﻪﺗﻠﻪﺭﺩﻩ ﺩﯨﻴﯩﻠﯩﺸﯩﭽﻪ ﺑﯩﺮ ﻳﯩﻠﻰ ﺋﺎﻟﻔﯩﺮﯨﺪﻧﯩﯔ ﺩﺍﺩﯨﺴﻰ ﺋﯩﻤﻤﺎﻧﻮﻝ ﻧﻮﺑﯩﻞ ﺋﯜﻟﯜﭖ ﻛﻪﺗﻜﻪﻥ. ﺋﻪﻣﻤﺎ ﺑﯘ ﺧﻪﯞﻩﺭﻧﻰ ﺑﯩﺮ ﻗﯩﺴﯩﻢ ﭼﻮﯓ ﮔﯩﺰﯨﺖ ﮊﻭﺭﻧﺎﻟﻼﺭ "ﺋﺎﻟﻔﯩﺮﯨﺪ ﻧﻮﺑﯩﻞ ﺋﯜﻟﯜﭖ ﻗﺎﭘﺘﯘ" ﺩﻩﭖ ﺋﺎﯕﻠﯩﻐﺎﻥ ﯞﻩ ﺋﻪﺗﯩﺴﻰ ﮔﯩﺰﯨﺘﻨﯩﯔ ﺑﺎﺵ ﺑﯧﺘﯩﮕﻪ ﺋﺎﻟﻔﯩﺮﺩﻧﻰ ﺋﯜﻟﯜﭖ ﻛﻪﺗﺘﻰ ﺩﻩﭖ ﺧﻪﯞﻩﺭ ﻗﯩﻠﯩﭗ ﺋﺎﻟﻔﯩﺮﯨﺪﻧﯩﯔ ﮬﺎﻳﺎﺗﯩﻨﻰ ﺋﻪﺳﻠﻪﭖ ﭼﯩﻘﻘﺎﻥ ﯞﻩ ﺋﯘﻧﯩﯔ ﮬﺎﻳﺎﺗﯩﻐﺎ ﺑﺎﮬﺎ ﺑﻪﺭﮔﻪﻥ. ﺋﻪﻣﻤﺎ ﺋﯘﻻﺭ ﺑﻪﺭﮔﻪﻥ ﺑﺎﮬﺎﻻﺭﺩﺍ ﺋﺎﻟﻔﯩﺮﯨﺪ ﻗﯩﻠﻐﺎﻥ ﻧﯘﺭﻏﯘﻧﻠﯩﻐﺎﻥ ﺋﯩﺸﻼﺭ ﺗﯩﻠﻐﺎ ﺋﯧﻠﯩﻨﻤﺎﻱ ﯞﻩ ﻳﺎﻛﻰ ﺋﺎﺯ ﺗﯩﻠﻐﺎ ﺋﯧﻠﯩﻨﯩﭗ ﺳﻪﮬﯩﭙﯩﻨﯩﯔ ﻛﯜﭖ ﻗﯩﺴﻤﺪﻩ ﺋﯘﻧﻰ ﺩﯨﻨﺎﻣﯩﺘﻨﯩﯔ ﺋﯩﺠﺎﺩﭼﯩﺴﻰ ﺩﻩﭖ ﺗﻪﺭﯨﭙﻠﯩﮕﻪﻥ. ﺋﯘﻧﯩﯔ ﻧﯩﺘﺮﻭﮔﯩﻠﯩﺘﺴﯩﺮﯨﻨﻐﺎ ﯞﻩ ﭘﺎﺭﺗﻼﺗﻘﯘﭺ ﺩﻭﺭﯨﻐﺎ ﻗﻮﺷﻘﺎﻥ ﺗﯜﮬﭙﯩﺴﻰ ﺋﺎﻻﮬﯩﺪﻩ ﺗﯩﻠﻐﺎ ﺋﯧﻠﯩﻨﻐﺎﻥ، ﺷﯘﻧﺪﺍﻗﻼ ﺑﯘ ﺩﻭﺭﯨﻼﺭﻧﯩﯔ ﺋﯩﻨﺴﺎﻧﯩﻴﻪﺗﻜﻪ ﺋﺎﺳﺎﻧﻠﯩﻖ ﻳﺎﺭﯨﺘﯩﺶ ﺑﯩﻠﻪﻥ ﺑﯩﻠﻠﻪ ﻳﻪﻧﻪ ﻧﯘﺭﻏﯘﻧﻠﯩﻐﺎﻥ ﺑﯩﮕﻮﻧﺎ ﺋﺎﺩﻩﻣﻠﻪﺭﻧﯩﯔ ﺋﯜﻟﯜﭖ ﻛﯩﺘﯩﺸﯩﮕﻪ ﺳﻪﯞﻩﭘﭽﻰ ﺑﯘﻟﻐﺎﻧﻠﯩﻐﯩﻤﯘ ﻳﯧﺰﯨﻠﻐﺎﻥ. ﺋﯘ ﺋﯜﺯﻯ ﺋﻪﺗﯩﺴﻰ ﻣﯘﺷﯘ ﮔﻪﭘﻠﻪﺭﻧﻰ ﺋﯜﺯ ﻛﯜﺯﻯ ﺑﯩﻠﻪﻥ ﻛﯜﺭﮔﻪﻥ، ﯴﺯﯨﻨﯩﯔ ﺑﺎﺷﻘﯩﻼﺭ ﻧﻪﺯﻩﺭﯨﺪﻩ ﭘﻪﻗﻪﺕ ﺩﯨﻨﺎﻣﯩﺪﻧﯩﯔ ﺋﯩﺠﺎﺩﭼﯩﺴﻰ ﺩﻩﭖ ﻗﺎﺭﯨﻠﯩﺪﯨﻐﺎﻧﻠﯩﻐﯩﻨﻰ، ﺑﺎﺷﻘﺎ ﻧﯘﺭﻏﯘﻧﻠﯩﻐﺎﻥ ﺗﯜﮬﭙﯩﻠﯩﺮﯨﻨﯩﯔ ﺗﯩﻠﻐﺎ ﺋﯧﻠﯩﻨﻤﯩﻐﺎﻧﻠﯩﻐﯩﻨﻰ ﺑﺎﻳﻘﯩﻐﺎﻥ. ﺋﯜﺯﻯ ﺋﯩﺠﺎﺩ ﻗﯩﻠﻐﺎﻥ ﻧﻪﺭﺳﯩﻨﯩﯔ ﺋﯩﻨﺴﺎﻧﻼﺭﻧﻰ ﻗﯩﺮﯨﺸﻘﺎ ﺋﯩﺸﻠﯩﺘﯩﻠﮕﻪﻧﻠﯩﻜﯩﺪﯨﻦ ﻏﻪﺯﻩﭘﻠﻪﻧﮕﻪﻥ ﯞﻩ ﺑﯘﻻﺭ ﺋﺎﺧﯩﺮﻯ ﺑﯧﺮﯨﭗ ﺋﯘﻧﯩﯔ ﺑﺎﺭﻟﯩﻖ ﻣﺎﻝ ﺩﯗﻧﻴﺎﺳﯩﻨﯩﯔ "ﻧﻮﺑﯩﻞ ﻓﯘﻧﺪﻯ" ﻧﻰ ﻗﯘﺭﯗﺷﻘﺎ ﺋﯩﺸﻠﯩﺘﯩﺸﻜﻪ ﻗﺎﺭﺍﺭ ﻗﯩﻠﯩﺸﻐﺎ ﺗﯘﺭﺗﻜﯩﻠﯩﻚ ﺭﻭﻝ ﺋﻮﻳﻨﯩﻐﺎﻥ.


3) ﻧﻮﺑﯩﻞ ﻣﯘﻛﺎﭘﺎﺗﯩﻨﯩﯔ ﺗﺎﺭﻗﯩﺘﯩﻠﯩﺶ ﺩﺍﺋﯩﺮﯨﺴﻰ ﯞﻩ ﺗﺎﺭﻗﺎﺗﻘﯘﭼﯩﻼﺭ، ﻣﯘﻛﺎﭘﺎﺕ ﺳﻮﻣﻤﯩﺴﻰ
ﻧﻮﺑﯩﻠﻨﯩﯔ ﯞﻩﺳﻴﯩﺘﻰ ﺑﯘﻳﯩﭽﻪ " ﻧﻮﺑﯩﻞ ﻓﻮﻧﯩﺪﻯ" ﻗﯘﺭﯗﻟﯘﭖ 1905 -ﻳﯩﻠﯩﺪﯨﻦ ﺑﺎﺷﻼﭖ ﻓﯩﺰﯨﻜﺎ، ﺧﯧﻤﯩﻴﻪ، ﻣﯩﺪﯨﺘﺴﯩﻨﺎ(ﻳﺎﻛﻰ ﺑﯩﺌﻮﻟﻮﮔﯩﻴﻪ ) ، ﺋﻪﺩﯨﺒﯩﻴﺎﺕ ﯞﻩ ﺗﻨﯩﭽﻠﯩﻖ ﺗﯩﻦ ﺋﯩﺒﺎﺭﻩﭖ 5 ﺗﯜﺭ ﺑﻮﻳﯩﭽﻪ " ﺋﯩﻨﺴﺎﻧﯩﻴﻪﺗﻨﯩﯔ ﺗﻪﺭﻩﻗﻘﯩﻴﺎﺗﻰ ﯞﻩ ﺗﻨﯩﭽﻠﯩﻐﻰ ﺋﯜﭼﯜﻥ ﺯﻭﺭ ﺗﯜﮬﭙﯩﻠﻪﺭﻧﻰ ﻗﻮﺷﻘﺎﻥ، ﺋﯩﻠﯩﻢ ﭘﻪﻧﺪﻩ ﺯﻭﺭ ﺑﺎﻳﻘﺎﺷﻼﺭﻧﻰ ﻗﻮﻟﻐﺎ ﻛﻪﻟﺘﯜﺭﮔﻪﻥ" ﻟﻪﺭﻧﯩﯔ ﻧﻪﺗﯩﺠﯩﺴﻨﻰ ﻣﯘﺋﻪﻳﻴﻪﻧﻠﻪﺷﺘﯘﺭﯗﺵ، ﺋﯘﻻﺭﻏﺎ ﺋﯩﻠﮭﺎﻡ ﺑﯩﺮﯨﺶ ، ﺗﻪﺗﻘﯩﻘﺎﺗﯩﻐﺎ ﻳﺎﺭﺩﻩﻣﺪﻩ ﺑﻮﻟﯘﺵ ﺋﯜﭼﯜﻥ ﺑﯘ ﻣﯘﻛﺎﭘﺎﺕ ﺗﺎﺭﻗﯩﺘﻠﯩﺸﻐﺎ ﺑﺎﺷﻠﯩﻐﺎﻥ. "ﻧﻮﺑﯩﻞ ﻓﻮﻧﺪﻯ" ﻗﯘﺭﯗﻟﯘﭖ ﻣﯘﻛﺎﭘﺎﺕ ﺗﺎﺭﻗﯩﺘﻠﯩﺸﻘﺎ ﺑﺎﺷﻠﯩﻐﺎﻧﺪﯨﻦ ﺗﺎﺭﺗﯩﭗ ﺗﺎ ﮬﺎﺯﯨﺮﻏﯩﭽﻪ ﺋﯘ ﺋﯜﺯﯨﻨﯩﯔ ﺋﺎﺩﯨﻠﻠﯩﻘﻰ، ﻧﯘﭘﯘﺯﻯ ﺑﯩﻠﻪﻥ ﺩﯗﻧﻴﺎﺩﯨﻜﻰ ﮬﻪﺭ ﺧﯩﻞ ﻣﯘﻛﺎﭘﺎﺗﻼﺭ ﺋﺎﺭﯨﺴﯩﺪﺍ ﻳﯜﻛﺴﻪﻙ ﺋﯘﺭﯗﻧﺪﺍ ﺗﯘﺭﯗﭖ ﻛﯩﻠﯩﯟﺍﺗﯩﺪﯗ. ﮬﺎﺯﯨﺮ ﺋﯘ ﺑﯩﺮ ﺩﯛﻟﻪﺗﻨﯩﯔ ﭘﻪﻥ-ﺗﯧﺨﻨﯩﻜﺎ ﺳﻪﯞﯨﻴﺴﯩﻨﻰ ﺋﯜﻟﭽﻪﻳﺪﯨﻐﺎﻥ ﻣﯘﮬﯩﻢ ﺋﯜﻟﭽﻪﻣﻠﻪﺭﻧﯩﯔ ﺑﯩﺮﺳﯩﮕﻪ ﺋﺎﻳﻠﯩﻨﯩﭗ ﻗﺎﻟﺪﻯ.
ﺑﯘ ﻣﯘﻛﺎﭘﺎﺗﻼﺭﻧﯩﯔ ﺋﯩﭽﯩﺪﻩ ﻓﯩﺰﯨﻜﺎ ﯞﻩ ﺧﯧﻤﯩﻴﻪ ﺗﯜﺭﻯ ﺷﯩﯟﯨﺘﺴﯩﻴﻪ ﺧﺎﻥ ﺟﻪﻣﻪﺗﻰ ﭘﻪﻧﻠﻪﺭ ﺋﺎﻛﺎﺩﯨﻤﯩﻴﺴﻰ ﺗﻪﺭﯨﭙﯩﺪﯨﻦ ﺑﺎﮬﺎﻟﯩﻨﯩﭗ ﭼﯩﻘﯩﻠﯩﺪﯗ. ﺋﻪﺩﯨﺒﯩﻴﺎﺕ ﺷﯩﯟﯨﺘﺴﯩﻴﻪ ﺋﺎﻛﺎﺩﯦﯧﻤﯩﻴﺴﻰ ﺗﻪﺭﯨﭙﯩﺪﯨﻦ ﺑﺎﮬﺎﻟﯩﻨﯩﺪﯗ. ﺑﯘ ﺋﺎﻛﺎﺩﯨﻤﯩﻴﻪ 1786-ﻳﯩﻠﻰ ﺷﯩﯟﯨﺘﺴﯩﻴﻪ ﭘﺎﺩﯨﺸﺎﮬﻰ ﺗﻪﺭﯨﭙﯩﺪﯨﻦ ﻗﯘﺭﯗﻟﻐﺎﻥ ﺑﻮﻟﯘﭖ ﺋﻪﺳﻠﻰ ﻣﻪﻗﺴﯩﺘﻰ "ﺷﯩﯟﯨﺘﺴﯩﻴﻪ ﺗﯩﻠﯩﻨﯩﯔ ﺳﺎﭘﻠﯩﻐﻰ، ﮔﯜﺯﻩﻟﻠﯩﻜﯩﻨﻰ ﺗﻪﺗﻘﯩﻘﻰ ﻗﯩﻠﯩﺶ" ﺑﻮﻟﻐﺎﻥ. ﻣﯩﺪﯨﺘﺴﯩﻨﺎ ﻛﺎﺭﻭﻟﯩﻨﺴﯩﻜﻰ ﺋﯩﻨﺴﺘﯩﺘﻮﺗﻰ ﺗﻪﺭﯨﭙﯩﺪﯨﻦ ﺑﺎﮬﺎﻟﯩﻨﯩﺪﯗ. ﺑﯘ ﺋﯩﻨﯩﺴﺘﯩﺘﻮﺕ 1810-ﻳﯩﻠﻰ ﻗﯘﺭﯗﻟﻐﺎﻥ ﻣﯩﺪﯨﺘﺴﯩﻨﺎ ﺋﯘﻧﯟﯨﺮﺳﯩﺘﯩﺘﻰ ﺑﯘﻟﯘﭖ ﺷﯩﯟﯨﺘﺴﯩﻴﻪﺩﯨﻜﻰ ﺋﻪﯓ ﺩﺍﯕﻠﯩﻖ ﯞﻩ ﭼﻮﯓ ﻣﯩﺪﯨﺘﺴﯩﻨﺎ ﺋﯘﻧﯟﯦﯧﺮﺳﯩﺘﻰ ﮬﯩﺴﺎﭘﻠﯩﻨﯩﺪﯗ. ﺋﯘﻧﯟﯦﯧﺮﺳﯩﯩﺘﯩﺖ ﺗﻪﺭﻩﭘﺘﯩﻦ ﺑﺎﮬﺎﻻﺵ ﻛﻮﻣﯩﺘﯩﺘﻰ ﺋﻮﺭﯗﻧﻼﺷﺘﯘﺭﻟﯩﺪﯗ. ﺗﻨﯩﭽﻠﯩﻖ ﻣﯘﻛﺎﭘﺎﺗﻰ ﻧﻮﺭﯞﯨﮕﯩﻴﻪﺩﯨﻜﻰ "ﻧﻮﺭﯞﯨﮕﯩﻴﻪ ﻧﻮﺑﯩﻞ ﻛﻮﻣﯩﺘﯩﺘﻰ" ﺗﻪﺭﯨﭙﯩﺪﯨﻦ ﺑﺎﮬﺎﻟﯩﻨﯩﺪﯗ، ﺑﯘ ﻛﻮﻣﯩﺘﯩﺘﻨﯩﯔ ﺑﻪﺵ ﺋﻪﺯﺍﺳﯩﻨﻰ ﻧﯘﺭﯞﯨﮕﯩﻴﻪ ﭘﺎﺭﻻﻣﯩﻨﯩﺘﺘﻰ ﺗﻪﻣﯩﻨﻠﻪﻳﺪﯗ. ﻳﻪﻧﻰ ﻧﻮﺑﯩﻞ ﻣﯘﻛﺎﭘﺎﺗﯩﻨﯩﯔ ﺋﯩﭽﯩﺪﻩ ﺗﯩﻨﭽﻠﯩﻖ ﻣﯘﻛﺎﭘﺎﺗﻰ ﺷﯩﯟﯨﺘﺴﻴﻪ ﺗﻪﺭﻩﭘﺘﯩﻦ ﺋﻪﻣﻪﺱ ﺑﻪﻟﻜﻰ ﻧﻮﺭﯞﯨﮕﯩﻴﻪ ﺗﻪﺭﻩﭘﺘﯩﻦ ﺑﺎﮬﺎﻟﯩﻨﯩﺪﯗ. 1968-ﻳﯩﻠﯩﻐﺎ ﻛﻪﻟﮕﻪﻧﺪﻩ ﺷﯩﯟﯨﺘﺴﯩﻴﻪ ﺑﺎﻧﻜﯩﺴﻰ ﻧﻮﺑﯩﻠﻨﻰ ﺧﺎﺗﯩﺮﻟﻪﺵ ﻳﯜﺯﯨﺴﯩﺪﯨﻦ ﺋﯩﻘﺘﯩﺴﺎﺩ ﺳﺎﮬﻪﺳﯩﺪﯨﻤﯘ ﺑﯘ ﻣﯘﻛﺎﭘﺎﺗﻨﻰ ﺗﺎﺭﻗﯩﺘﯩﺸﻨﻰ ﻗﺎﺭﺍﺭ ﻗﯩﻠﻐﺎﻥ ﯞﻩ ﺑﯘ ﭘﯘﻟﻨﻰ ﺋﯜﺯﻟﯩﺮﻯ ﻛﯜﺗﯜﺭﯨﺪﯨﻐﺎﻥ ﺑﻮﻟﻐﺎﻥ. ﺑﯘ ﻣﯘﻛﺎﭘﺎﺗﻤﯘ ﺷﯩﯟﯨﺘﺴﻴﻪ ﺧﺎﻥ ﺟﻪﻣﻪﺗﻰ ﭘﻪﻧﻠﻪﺭ ﺋﺎﻛﺎﺩﯨﻤﯩﻴﺴﻰ ﺗﻪﺭﯨﭙﯩﺪﯨﻦ ﺑﺎﮬﺎﻟﯩﻨﯩﺪﯗ.
ﮬﻪﺭ ﻗﺎﻳﺴﻰ ﺑﺎﮬﺎﻻﺵ ﻛﻮﻣﯩﺘﯩﺘﻠﯩﺮﻯ ﮬﻪﺭ ﻳﯩﻠﻰ 10-ﺋﺎﻳﺪﺍ ﻣﯘﻛﺎﭘﺎﺗﻘﺎ ﺋﯩﺮﯨﺸﻜﯜﭼﯩﻠﻪﺭﻧﻰ ﺑﺎﮬﺎﻻﻳﺪﯗ. 12-ﺋﺎﻳﻨﯩﯔ 10-ﻛﯜﻧﻰ ﻳﻪﻧﻪ ﻧﻮﺑﯩﻠﻨﯩﯔ ﯞﺍﭘﺎﺕ ﺑﻮﻟﻐﺎﻥ ﻛﯜﻧﯩﺪﻩ ﺷﯩﯟﯨﺘﺴﯩﻴﺪﻩ ﺩﺍﻏﺪﯗﻏﯩﻠﯩﻖ ﻣﯘﺭﺍﺳﯩﻢ ﺋﻮﺭﯗﻧﻼﺷﺘﯘﺭﯗﻟﯘﭖ ﻣﯘﻛﺎﭘﺎﺕ ﺗﺎﺭﻗﯩﺘﯩﻠﯩﺪﯗ. ﻣﯘﻛﺎﭘﺎﺕ ﺷﯩﯟﯨﺘﺴﯩﻴﻪ ﭘﺎﺩﯨﺸﺎﮬﻰ ﺗﻪﺭﯨﭙﯩﺪﯨﻦ ﺑﯩﺮﯨﻠﯩﺪﯗ.
ﮬﻪﺭ ﺑﯩﺮ ﻣﯘﻛﺎﭘﺎﺕ ﺑﯩﺮ ﺋﺎﻟﺘﯘﻥ ﻣﯩﺪﺍﻝ، ﻛﯩﻨﯩﺸﻜﺎ ﯞﻩ ﭘﯘﻟﺪﯨﻦ ﺗﻪﺭﻛﯩﭗ ﺗﺎﭘﯩﺪﯗ. ﻣﯘﻛﺎﭘﺎﺕ ﺳﻮﻣﻤﯩﺴﻰ ﺷﯘ ﻳﯩﻠﻠﯩﻖ ﻧﻮﺑﯩﻞ ﻓﯘﻧﺪﯨﻨﯩﯔ ﺋﯜﺳﯜﻣﯩﮕﻪ ﺋﺎﺳﺎﺳﻪﻥ ﻗﺎﺭﺍﺭ ﻗﯩﻠﯩﻨﯩﺪﯗ.ﻧﻮﺑﯩﻞ ﻛﻮﻣﯩﺘﯩﺘﯩﻨﯩﯔ ﺗﻮﺭ ﺑﯧﺘﯩﺪﻩ ﺩﯨﻴﯩﻠﯩﺸﭽﻪ، 1865-ﻳﯩﻠﻰ ﻧﻮﺑﯩﻞ ﯞﻩﺳﻴﻪﺕ ﻗﺎﻟﺪﯗﺭﻏﺎﻧﺪﺍ ﻧﻮﺑﯩﻠﻨﯩﯔ ﻗﺎﻟﺪﯗﺭﻏﺎﻥ ﺑﺎﻳﻠﯩﻘﻰ 31ﻣﯩﻠﯩﻴﯘﻥ ﻛﯩﺮﻭﻥ (ﺷﯩﯟﯨﺘﺴﯩﻴﻪ ﭘﯘﻝ ﺑﯩﺮﻟﯩﻜﻰ) ﺋﯩﻜﻪﻥ، ﺑﯘ ﭘﯘﻟﻨﯩﯔ ﮬﺎﺯﯨﺮﻗﻰ ﻗﯩﻤﻤﻰ 1500 ﻣﯩﻠﻴﯘﻥ، ﻳﻪﻧﻰ ﺑﯩﺮ ﻣﯩﻠﻴﺎﺭﺩ 500ﻣﯩﻠﻴﯘﻥ ﻛﯩﺮﻭﻥ ﺋﯩﻜﻪﻥ، ﺑﯘ ﭘﯘﻟﻨﯩﯔ ﻳﯩﻠﻠﯩﻖ ﺋﯜﺳﯜﻣﯩﺪﯨﻦ ﮬﻪﺭ ﺑﯩﺮ ﺗﯜﺭﮔﻪ ﺗﻮﻏﺮﺍ ﻛﯩﻠﯩﺪﯨﻐﺎﻥ ﭘﯘﻝ 2005-ﻳﯩﻠﻰ ﺗﻪﺧﻤﯩﯩﻨﻪﻥ 10 ﻣﯩﻠﻴﯘﻥ ﻛﯩﺮﻭﻥ ﺑﯘﻟﻐﺎﻥ، ﺑﯘ ﻣﯘﻛﺎﭘﺎﺕ ﺳﻮﻣﻤﯩﺴﻰ ﺗﻪﺧﻤﯩﻨﻪﻥ 1.3 ﻣﯩﻠﻴﯘﻥ ﺋﺎﻣﺮﯨﻜﺎ ﺩﻭﻟﻠﯩﺮﯨﻐﺎ ، ﮬﺎﺯﯨﺮﻗﻰ ﺧﻪﻟﯩﻖ ﭘﯘﻟﻰ ﻗﯩﻤﻤﯩﺘﯩﺪﻩ 10 ﻣﯩﻠﻴﯘﻧﺪﯨﻦ ﺟﯩﻘﺮﺍﻕ ﻳﯘﻩﻧﮕﻪ ﺗﻮﻏﺮﺍ ﻛﯩﻠﯩﺪﯗ.
ﻧﻮﺑﯩﻞ ﺗﯩﻨﯩﭽﻠﯩﻖ ﻣﯘﻛﺎﭘﺎﺗﻰ1904-ﻳﯩﻠﻰ ﻧﻮﺭﯞﯨﮕﯩﻴﻪ ﻧﻮﺑﯩﻞ ﻛﻮﻣﯩﺘﯩﺘﻰ ﻗﯘﺭﯗﻟﻐﯘﭼﻪ ﻧﻮﺭﯞﯨﮕﯩﻴﻪ ﭘﺎﺭﻻﻣﻨﯩﺘﻨﯩﯔ ﺭﻩﺋﯩﺴﻰ ﺗﻪﺭﯨﭙﯩﺪﯨﻦ ﺑﯩﺮﯨﻠﮕﻪﻥ. ﻛﯩﻴﯩﻦ ﻧﻮﺑﯩﻞ ﻛﻮﻣﯩﺘﯩﺘﻰ ﺗﻪﺭﯨﭙﯩﺪﯨﻦ ﺑﯩﺮﯨﻠﮕﻪﻥ. ﺑﯘ ﻛﻮﻣﯩﺘﯩﺖ ﭘﺎﺭﻻﻣﯩﻨﯩﺖ ﺗﻪﺭﯨﭙﯩﺪﯨﻦ ﺑﯩﻜﯩﺘﯩﻠﯩﺪﯨﻐﺎﻥ ﺑﻮﻟﯘﭖ ﺑﺎﺷﻘﺎ ﻗﺎﻧﻮﻥ ﺗﯜﺯﯛﺵ ﺋﻮﺭﯗﻧﻠﯩﺮﯨﻐﺎ ﺟﺎﯞﺍﭘﻜﺎﺭﻟﯩﻖ ﻣﻪﺳﺌﯘﻟﯩﻴﺘﻰ ﺑﯘﻟﻤﺎﻳﺪﯗ. ﻧﻮﺭﯞﯨﮕﯩﻴﻪ ﮬﯜﻛﯜﻣﻪﺕ ﺋﻪﺯﺍﻟﯩﺮﻯ ﺑﯘ ﻣﯘﻛﺎﭘﺎﺕ ﻧﺎﻣﺰﺍﺗﻠﯩﻘﯩﻐﺎ ﻛﯜﺭﺳﯩﺘﯩﻠﻤﻪﻳﺪﯗ.

4) ﺑﺎﮬﺎﻻﺵ ﺗﻪﺭﺗﯩﯟﻯ ﯞﻩ ﺑﺎﺷﻘﺎ ﻗﺎﺋﯩﺪﯨﻠﯩﺮﻯ
ﺩﯗﻧﻴﺎﺩﯨﻜﻰ ﺑﺎﺷﻘﺎ ﻣﯘﻛﺎﭘﺎﺗﻼﺭﻏﺎ ﻗﺎﺭﯨﻐﺎﻧﺪﺍ ﻧﻮﺑﯩﻞ ﻣﯘﻛﺎﭘﺎﺗﯩﻨﯩﯔ ﻧﺎﻣﺰﺍﺕ ﻛﯜﺭﺳﯩﺘﯩﺶ ﯞﻩ ﺑﺎﮬﺎﻻﺵ ﺗﯜﺯﯛﻣﻰ ﻣﯘﻛﻪﻣﻤﻪﻝ ﮬﻪﻡ ﻗﺎﺗﺘﯩﻖ. ﺋﯘﻻﺭ ﮬﻪﺭ ﻗﯧﺘﯩﻤﺪﺍ 3 ﻣﯩﯖﺪﯨﻦ ﺋﺎﺭﺗﯘﻕ ﺗﻪﻛﻠﯩﭙﻨﺎﻣﻪ ﺋﻪﯞﻩﺗﯩﭗ ﺋﯜﺯ ﺳﺎﮬﻪﺳﯩﺪﯨﻜﻰ ﻧﯘﭘﯘﺯﻟﯘﻕ ﺋﻪﺭﺑﺎﭘﻼﺭﻧﻰ ﻧﺎﻣﺰﺍﺕ ﻛﯜﺭﺳﯩﺘﯩﺸﻜﻪ ﺗﻪﻛﻠﯩﭗ ﻗﯩﻠﯩﺪﯗ. ﻧﺎﻣﺰﺍﺕ ﻛﯜﺭﺳﯩﺘﯩﺸﻨﯩﯔ ﺋﻪﯓ ﺋﺎﺧﯩﺮﻗﻰ ﭼﯧﻜﻰ ﮬﻪﺭ ﻳﯩﻠﻨﯩﯔ ﺑﯩﺮﯨﻨﭽﻰ ﺋﺎﻳﻨﯩﯔ 31-ﻛﯜﻧﻰ. ﻧﺎﻣﺰﺍﺕ ﻛﯜﺭﺳﯩﺘﯩﻠﮕﻪﻧﻠﻪﺭ ﺷﯘ ﯞﺍﺧﺘﯩﺪﺍ ﭼﻮﻗﯘﻡ ﮬﺎﻳﺎﺕ ﺑﻮﻟﯘﺷﻰ ﻛﯩﺮﻩﻙ. ﺑﯘﻻﺭ ﮬﻪﻣﻤﯩﺴﻰ ﻗﺎﺗﺘﯩﻖ ﻣﻪﺧﭙﯩﻴﻪﺗﭽﯩﻠﯩﻖ ﺋﯩﭽﯩﺪﻩ ﯸﻠﯩﭗ ﺑﯧﺮﯨﻠﯩﺪﯗ. ﺑﯘ ﻣﻪﺧﯩﭙﯩﻴﻪﺗﭽﯩﻠﯩﻚ 50 ﻳﯩﻠﺪﯨﻦ ﻛﯩﻴﯩﻦ ﻧﻮﺑﯩﻞ ﻛﻮﻣﯩﺘﯩﺘﻰ ﺗﻪﺭﯨﭙﯩﺪﯨﻦ ﺋﺎﺷﻜﺎﺭﺍ ﻗﯩﻠﯩﻨﯩﺪﯗ. ﺋﯘﻧﯩﯔ ﻳﻪﻧﻪ ﺑﯩﺮ ﺋﻪﯓ ﭼﻮﯓ ﺷﻪﺭﺗﻰ ﻧﺎﻣﺰﺍﺗﻠﯩﻘﻘﺎ ﻛﯜﺭﺳﯩﺘﯩﻠﮕﻪﻧﻠﻪﺭ ﭼﻮﻗﯘﻡ ﺋﯜﺯﯨﻨﯩﯔ ﻧﺎﻣﺰﺍﺗﻠﯩﻘﻘﺎ ﻛﯜﺭﺳﯩﺘﯩﻠﮕﻪﻧﻠﯩﻜﯩﻨﻰ ﺑﯩﻠﻤﻪﺳﻠﯩﻜﻰ ﻛﯩﺮﻩﻙ. ﻧﺎﻣﺰﺍﺗﻼﺭ ﻳﯩﻐﯩﻠﯩﭗ ﺑﯘﻟﻐﺎﻧﺪﯨﻦ ﻛﯩﻴﯩﻦ ﻛﻮﻣﯩﺘﯩﺖ ﺋﯘﻻﺭﻧﯩﯔ ﺋﯩﭽﯩﺪﯨﻦ 200 ﮔﻪ ﻳﯩﻘﯩﻦ ﻛﯩﺸﯩﻨﻰ ﺋﺎﻳﺮﯨﭗ ﭼﯩﻘﯩﭗ ﻳﻪﻧﻪ ﺋﯘﻻﺭﻧﻰ ﺋﯜﺯ ﺳﺎﮬﻪﺳﯩﺪﯨﻜﻰ ﻣﯘﺗﻪﺧﻪﺳﺴﯩﻠﻪﺭﮔﻪ ﺋﻪﯞﻩﺗﯩﭗ ﺑﺎﮬﺎﻟﯩﺘﯩﺶ ﺋﺎﺭﻗﯩﻠﯩﻖ ﺑﯘ ﻧﺎﻣﺰﺍﺕ 15 ﺋﺎﺗﺮﺍﭘﯩﻐﺎ ﻗﺎﻟﺪﯗﺭﻟﯩﺪﯗ. ﺷﯘ ﯞﺍﻗﯩﺘﺘﺎ ﻛﻮﻣﯩﺘﯩﺖ ﺋﯜﺯﯨﻨﯩﯔ ﻗﺎﻳﺴﯩﻨﻰ ﺗﻪﯞﺳﯩﻴﺴﯩﻨﻰ ﻗﻮﺷﯘﭖ ﺑﯘ ﻣﺎﺗﯩﺮﯨﻴﺎﻟﻼﺭﻧﻰ ﻣﯘﻧﺎﺳﯩﯟﻩﺗﻠﯩﻖ ﺋﺎﻛﺎﺩﯨﻤﯩﻴﮕﻪ ﺗﺎﭘﺸﯘﺭﯨﺪﯗ. ﺋﺎﺧﺮﯨﺪﺍ ﺋﺎﻛﺎﺩﯨﻤﯩﻴﻨﯩﯔ ﻣﯘﻧﺎﺳﯩﯟﻩﺗﻠﯩﻚ ﺋﻪﺯﺍﻟﯩﺮﻯ ﺑﯩﺮ ﻳﻪﺭﮔﻪ ﻛﯩﻠﯩﭗ ﺑﯩﻠﻪﺕ ﺗﺎﺷﻼﺵ ﺋﺎﺭﻗﯩﻠﯩﻖ ﺋﻪﯓ ﺋﺎﺧﯩﺮﻗﻰ ﻣﯘﻛﺎﭘﺎﺗﻘﺎ ﺋﯩﺮﯨﺸﻜﯜﭼﯩﻨﻰ ﺑﯩﻜﯩﺘﯩﺪﯗ.
ﺋﺎﺩﻩﺗﺘﻪ ﻣﯘﻛﺎﭘﺎﺕ ﺋﻪﯓ ﻛﯜﭖ ﺑﯘﻟﻐﺎﻧﺪﺍ ﺋﯜﭺ ﻛﯩﺸﯩﮕﻪ ﺑﯩﺮﯨﻠﯩﺪﯗ. ﺋﻪﮔﻪﺭ ﺋﯩﻜﻜﻰ ﻛﯩﺸﻰ ﺋﺎﻟﺴﺎ ﻣﯘﻛﺎﭘﺎﺕ ﺗﻪﯓ ﺋﯩﻜﻜﯩﮕﻪ ﺑﯜﻟﯜﻧﯩﺪﯗ. ﺋﻪﮔﻪﺭ 3 ﻛﯩﺸﻰ ﺋﯘﻻﺭﻧﯩﯔ ﺑﯩﺮﺳﻰ ﻣﯘﻛﺎﭘﺎﺗﻨﯩﯔ ﻳﯧﺮﯨﻤﯩﻨﻰ ﺋﺎﻟﯩﺪﯗ، ﻗﺎﻟﻐﺎﻥ ﻳﯧﺮﯨﻤﻰ ﻗﺎﻟﻐﺎﻥ ﺋﯩﻜﻜﻰ ﻛﯩﺸﯩﮕﻪ ﺗﻪﯓ ﺑﯜﻟﯜﭖ ﺑﯩﺮﯨﻠﯩﺪﯗ. ﻛﯩﻤﻨﯩﯔ ﻗﺎﻳﺴﻰ ﺋﯜﻟﯜﺷﻨﻰ ﺋﯧﻠﯧﺸﯩﻨﻰ ﺋﺎﻛﺎﺩﯨﻤﯩﻴﻪ ﺗﯩﺰﯨﻤﻠﯩﻜﻨﻰ ﺋﯩﻼﻥ ﻗﯩﻠﻐﺎﻧﺪﺍ ﺑﯩﻠﻠﻪ ﺋﯩﻼﻥ ﻗﯩﻠﯩﻨﯩﺪﯗ.
ﺑﯘ ﺟﻪﺭﻳﺎﻧﻼﺭ ﮬﻪﺭ ﻗﺎﻳﺴﻰ ﺗﯜﺭﻟﻪﺭﺩﻩ ﺋﺎﻧﭽﻪ ﻣﯘﻧﭽﻪ ﭘﻪﺭﯨﻖ ﻗﯩﻠﯩﺪﯗ. ﻟﯧﻜﯩﻦ ﭼﻮﯓ ﺟﻪﮬﻪﺗﺘﯩﻦ ﺋﻮﺧﺸﺎﺵ. ﻳﻪﻧﻪ ﺑﯩﺮﺳﻰ ﺋﻮﻣﯘﻣﻰ ﺟﻪﮬﻪﺗﺘﯩﻦ ﻗﺎﺭﯨﻐﺎﻧﺪﺍ ﺋﻪﺩﯨﺒﯩﻴﺎﺕ ﻣﯘﻛﺎﭘﺎﺗﻰ ﺋﺎﺳﺎﺳﻪﻥ ﺑﯩﺮ ﺋﺎﺩﻩﻣﮕﻪ ﺑﯩﺮﯨﻠﯩﭗ ﻛﯩﻠﯩﯟﺍﺗﯩﺪﯗ. ﻗﺎﻟﻐﺎﻥ ﻣﯘﻛﺎﭘﺎﺗﻼﺭ ﺋﺎﺳﺎﺳﻪﻥ ﺑﯩﺮ ﻧﻪﭼﭽﻪ ﺋﺎﺩﻩﻣﮕﻪ ﺗﻪﯓ ﺑﯩﺮﯨﻠﯩﯟﺍﺗﯩﺪﯗ.

ﻧﻮﺑﯩﻠﻨﯩﯔ ﯞﻩﺳﯩﻴﯩﺘﻰ ﺑﯘﻳﯩﭽﻪ ﻧﻮﺑﯩﻞ ﻣﯘﻛﺎﭘﺎﺗﻰ ﻧﺎﻣﺰﺍﺗﻰ ﭼﻮﻗﯘﻡ ﺷﯘ ﯞﺍﻗﯩﺘﺘﺎ ﮬﺎﻳﺎﺕ ﺑﯘﻟﻐﺎﻥ ﺋﺎﺩﻩﻣﮕﻪ ﺑﯩﺮﯨﻠﯩﺸﻰ ﻛﯩﺮﻩﻙ. ﺋﯜﻟﯜﭖ ﻛﻪﺗﻜﻪﻧﻠﻪﺭ ﺑﯘﻟﺴﺎ ﺗﯜﮬﭙﯩﺴﻰ ﻗﺎﻧﭽﻪ ﭼﻮﯓ ﺑﯘﻟﺴﯩﻤﯘ ﻧﺎﻣﺰﺍﺗﻠﯩﻘﻘﺎ ﻛﯩﺮﮔﯜﺯﯗﻟﻤﻪﻳﺪﯗ. ﺑﯘ ﺗﯜﺯﯛﻣﻰ ﺗﺎ ﮬﺎﺯﯨﺮﻏﯩﭽﻪ ﺑﯩﺮ ﻗﯩﺴﯩﻢ ﺗﻪﮬﻠﯩﻠﭽﯩﻠﻪﺭ ﺗﻪﺭﯨﭙﯩﺪﯨﻦ ﺗﻪﻧﻘﯩﺪ ﻗﯩﻠﯩﻨﯩﭗ ﻛﯩﻠﯩﯟﺍﺗﯩﺪﯗ.ﺋﯘﻻﺭﻧﯩﯔ ﻗﺎﺭﯨﺸﯩﭽﻪ ﺑﯩﺮ ﻗﯩﺴﯩﻢ ﺋﻮﻟﯘﻍ ﺑﺎﻳﻘﺎﺷﻼﺭﻧﻰ ﺋﯧﻠﯩﭗ ﺑﺎﺭﻏﺎﻥ ﺋﺎﻟﯩﻤﻼﺭ ﺑﯘ ﻣﯘﻛﺎﭘﺎﺕ ﺗﻪﺭﯨﭙﯩﺪﯨﻦ ﻧﺎﻣﺰﺍﺗﻠﯩﻘﻘﺎ ﻛﯜﺭﺳﯩﺘﻠﯩﺸﺘﯩﻦ ﺑﯘﺭﯗﻥ، ﻳﺎﻛﻰ ﻧﻪﺯﯨﺮﯨﻴﺴﻰ ﺋﯩﺴﭙﺎﺗﻠﯩﻨﯩﺸﺘﯩﻦ ﺑﯘﺭﯗﻥ ﺋﯜﻟﯜﭖ ﻛﯩﺘﯩﭗ ﻗﺎﻟﻐﺎﻥ. ﺑﯘﻻﺭﻧﯩﯔ ﺗﯜﮬﭙﯩﺴﯩﻨﻰ ﺧﺎﺗﯩﺮﻟﻪﺵ ﻛﯩﺮﻩﻙ ﺋﯩﻜﻪﻥ. ﻟﯧﻜﯩﻦ ﺷﯩﯟﯨﺘﺴﯩﻴﻪ ﺗﻪﺭﻩﭖ ﻧﻮﺑﯩﻠﻨﯩﯔ ﯞﻩﺳﻴﯩﺘﯩﮕﻪ ﭼﻮﻗﯘﻡ ﺋﻪﻣﻪﻝ ﻗﯩﻠﯩﺸﻤﯩﺰ ﻛﯩﺮﻩﻙ ﺩﻩﭖ ﻗﺎﺭﺍﭖ ﺗﻪﻧﻘﯩﺪﻟﻪﺭﮔﻪ ﭘﻪﺭﯞﺍ ﻗﯩﻠﻤﯩﻐﺎﻥ. ﻟﯧﻜﯩﻦ ﺋﯩﻜﻜﻰ ﻗﯧﺘﯩﻢ ﻧﯘﺑﯩﻞ ﻣﯘﻛﺎﭘﺎﺗﻰ ﺋﯜﻟﯜﭖ ﻛﻪﺗﻜﻪﻥ ﺗﯜﮬﭙﯩﻜﺎﺭﻻﺭﻏﺎ ﺑﯩﺮﯨﻠﮕﻪﻥ. ﺑﯘﻻﺭﻧﺎﻣﺰﺍﺗﻠﯩﻘﻘﺎ ﻛﯜﺭﺳﯩﺘﯩﻠﮕﻪﻧﺪﻩ ﮬﺎﻳﺎﺕ ﺑﻮﻟﯘﭖ ﻟﯧﻜﯩﻦ ﻣﯘﻛﺎﭘﺎﺕ ﺑﺎﮬﺎﻟﯩﻨﯩﭗ ﭼﯩﻘﯩﺸﺘﯩﻦ ﺑﯘﺭﯗﻥ ﻳﺎﻛﻰ ﻣﯘﺭﺍﺳﯩﻢ ﺋﯜﺗﻜﯜﺯﯛﻟﯘﺷﺘﯩﻦ ﺑﯘﺭﯗﻥ ﺋﯜﻟﯜﭖ ﻛﻪﺗﻜﻪﻥ. ﺑﯘﻻﺭ ﺑﯘﺭﯗﻧﻘﻰ ﺑﯩﺮﻟﻪﺷﻜﻪﻥ ﺩﯛﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﺑﺎﺵ ﻛﺎﺗﯩﯟﻯ ﺩﻩﮒ ﺧﺎﻣﺎﺭﯨﺴﻜﺠﻮﻟﺪ( Dag Hammarskjöld ، ﺋﯘ 1961-ﻳﯩﻠﻰ ﺗﯩﭽﻠﯩﻖ ﻣﯘﻛﺎﭘﺎﺗﯩﻐﺎ ﺋﯩﺮﯨﺸﻜﻪﻥ ) ﯞﻩ ﺋﻪﻛﺴﯩﻞ ﻛﺎﺭﯨﻠﻔﯩﻠﺪﯨﺖ ( Axel Karlfeldt ﺋﯘ 1931-ﻳﯩﻠﻰ ﺋﻪﺩﯨﺒﯩﻴﺎﺕ ﻣﯘﻛﺎﭘﺎﺗﯩﻐﺎ ﺋﯩﺮﯨﺸﻜﻪﻥ ). 1971-ﻳﯩﻠﯩﻐﺎ ﻛﻪﻟﮕﻪﻧﺪﻩ ﻣﯘﻛﺎﭘﺎﺗﻨﻰ ﺋﯜﻟﯜﭖ ﻛﻪﺗﻜﻪﻥ ﺑﯘﻟﺴﺎ ﺑﯩﺮﯨﺸﻜﻪ ﺑﯘﻟﻤﺎﻳﺪﯗ ﺩﻩﭖ ﻳﯩﯖﻰ ﺗﯜﺯﯛﻡ ﭼﯩﻘﯩﺮﯨﻠﻐﺎﻥ. 1996-ﻳﯩﻠﻰ 10-ﺋﺎﻳﺪﺍ ﯞﯨﻠﻴﺎﻡ ﯞﯨﻜﺮﻯ (William Vickrey ) ﻧﯩﯔ ﺑﯘ ﺋﯩﻘﺘﯩﺴﺎﺩ ﻣﯘﻛﺎﭘﺎﺗﻘﺎ ﺋﯩﺮﯨﺸﻜﻪﻧﻠﯩﮕﻰ ﺋﯩﻼﻥ ﻗﯩﻠﯩﻨﻐﺎﻥ. ﻟﯧﻜﯩﻦ 12-ﺋﺎﻳﺪﺍ ﻣﯘﺭﺍﺳﯩﻢ ﺋﯜﺗﻜﯜﺯﯗﻟﮕﯩﭽﻪ ﺑﯘ ﺋﺎﻟﯩﻢ ﺋﯜﻟﯜﭖ ﻛﻪﺗﻜﻪﻥ. ﺷﯘﻧﯩﯔ ﺑﯩﻠﻪﻥ ﺑﯘ ﻣﯘﻛﺎﭘﺎﺕ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﻟﻐﺎﻥ.
ﺋﻪﮔﻪﺭ ﺑﺎﮬﺎﻟﯩﻐﯘﭼﯩﻼﺭ ﻗﺎﻧﺎﺋﻪﺕ ﮬﯩﺲ ﻗﯩﻠﻤﯩﺴﺎ ﺷﯘ ﻳﯩﻠﻠﯩﻖ ﻣﯘﻛﺎﭘﺎﺕ ﺗﺎﺭﻗﯩﺘﯩﻠﻤﯩﺴﺎ ﺑﯘﻟﯩﺪﯗ. ﻟﯧﻜﯩﻦ ﻛﺎﻡ ﺩﯨﮕﻪﻧﺪﻩ 5 ﻳﯩﻠﺪﺍ ﺑﯩﺮ ﻗﯧﺘﯩﻢ ﭼﻮﻗﯘﻡ ﺗﺎﺭﻗﯩﺘﯩﻠﯩﺸﻰ ﻛﯩﺮﻩﻙ.
ﯞﻩﺳﯩﻴﻪﺕ ﺑﯘﻳﯩﭽﻪ ﻣﯘﻛﺎﭘﺎﺕ ﺋﻮﺭﯗﻧﻐﺎ ﻳﺎﻛﻰ ﺗﻪﺷﻜﯩﻼﺗﻘﺎ ﺑﯩﺮﯨﻠﻤﻪﻳﺪﯗ، ﺷﻪﺧﯩﺴﻜﻪ ﺑﯩﺮﯨﻠﯩﺪﯗ. ﻟﯧﻜﯩﻦ ﺗﯩﭽﻠﯩﻖ ﻣﯘﻛﺎﭘﺎﺗﻰ ﻣﻪﻟﯘﻡ ﺗﻪﺷﻜﯩﻼﺗﻘﺎ ﺑﯩﺮﯨﻠﺴﯩﻤﯘ ﺑﯘﻟﯩﺪﯗ، ﺋﻪﻣﻤﺎ ﺗﻪﺷﻜﯩﻼﺗﻘﺎ ﺑﯩﺮﯨﻠﮕﻪﻧﺪﻩ ﭼﻮﻗﯘﻡ ﻳﻪﻧﻪ ﺑﯩﺮ ﺷﻪﺧﯩﺴﻨﯩﯔ ﻧﺎﻣﻰ ﺋﺎﺗﯩﻠﯩﺸﻰ ﻛﯩﺮﻩﻙ. ﮬﯜﻛﯜﻣﻪﺗﻜﻪ ﺑﯩﺮﯨﻠﻤﻪﻳﺪﯗ.

ﺷﯘﻧﺪﺍﻕ ﻗﯩﻠﯩﭗ ﻧﻮﺑﯩﻞ ﻣﯘﻛﺎﭘﺎﺗﯩﻐﺎ ﺋﺎﺋﯩﺖ ﺋﺎﺳﺎﺳﻰ ﭼﯜﺷﻪﻧﺪﯛﺭﯛﺷﻠﻪﺭ ﺷﯘﻧﭽﯩﻠﯩﻖ ﺑﯘﻟﺪﻯ. ﺗﻪﭘﺴﯩﻠﻰ ﭼﯜﺷﯩﻨﯩﺸﻨﻰ ﺧﺎﻻﻳﺪﯨﻐﺎﻧﻼﺭ ﺗﻮﺭﺩﯨﻦ ﻣﯘﻧﺎﺳﯩﯟﻩﺗﻠﯩﻖ ﻣﺎﺗﯩﺮﯨﻴﺎﻟﻼﺭﻧﻰ ﺋﯩﺰﺩﻩﭖ ﻛﯜﺭﮔﻪﻱ. بۇ تەھلىللەر تۈگىدى، داۋامىنى ئىككىنچى قىسىمدا بۇ يەردىن كۈرۈڭ. (جەمئى ئۈچ قىسىم) .