ئىز تورى-爱智网

　　  جۇڭگو ئۇيغۇرچە رادىيو تورى 26-ماي بېيجىڭ خەۋىرى: لىۋىيەنىڭ شەرقىي قىسىم رايونىدىكى ھەر قايسى قەبىلە ئاق ساقاللىرى 25-ماي ئافرىقا ئەللىرى ئىتتىپاقىغا ئەزا دۆلەتلەر باشلىقلىرىغا خەت يېزىپ، لىۋىيەدىكى ئۆكتىچىلەرنىڭ بەنغازىدا قۇرغان مەملىكەتلىك ئۆتكۈنچى كومىتېتىنى ئېتىراپ قىلمايدىغانلىقىنى بىلدۈردى. ئىككى كۈن داۋاملاشقان ئافرىقا ئەللىرى ئىتتىپاقىغا ئەزا دۆلەتلەر باشلىقلىرى يىغىنى 25-ماي ئىفىئوپىيەنىڭ پايتەختى ئەددىس ئەبىبەدە ئۆتكۈزۈلدى. لىۋىيەنىڭ شەرقىي رايونىدىكى قەبىلە　ئاق ساقاللىرى خېتىدە مۇنداق دېدى: مەملىكەتلىك ئۆتكۈنچى كومىتېتنى بىز تەيىنلىمىگەن، شۇنداقلا بىز ھوقۇق بەرمىگەن، ھەمدە سايلىمىغان. شۇڭا بىز ئۇنى ئېتىراپ قىلمايمىز. ئۇنى شىمالىي ئاتلانتىك ئەھدى تەشكىلاتى بىزگە تاڭغان بولۇپ، قەتئىي قارشى تۇرىمىز. لىۋىيەنىڭ دىپلوماتىيە مىنىستىرى ئوبىد، سەھىيە مىنىستىرى ھاجاجى ، ساقچى ۋە بىخەتەرلىك قىسىملىرىنىڭ بىر قىسىم ئوفىتسېرلىرى قاتارلىقلار بۇ خەتكە ئىمزا قويۇپ قوللايدىغانلىقىنى بىلدۈردى.   تەرجىمان: ئىھام مامۇت