11-ئاپرېل_ئىز تورى-爱智网

　　 1997-يىلى بۈگۈنكى كۈندە، ئەنگلىيەنىڭ شياڭگاڭدا تۇرۇشلۇق دېڭىز ئارمىيەسى بازىسى ئېتىۋېتىلگەن. شۇ كۈنى چۈش سائەت 12 دىن 30 مىنۇت ئۆتكەندە، ئەنگلىيەنىڭ شياڭگاڭدىكى يەنى ئاسىيادىكى ئەڭ ئاخىرقى ھەربىي بازىسى رەسمىي ئېتىۋىتىلگەن. 1992-يىلى بۈگۈنكى كۈندە، لوس-ئانجېلىستا ئېرقىي قىرغىنچىلىق زوراۋانلىقى يۈز بەرگەن. شۇ يىلى 4-ئاي ۋە 5-ئايلاردا لوس ئانجېلىستا 25 يىلدىن ياقى كۆلۈمى ئەڭ چوڭ ئېرقىي قىرغىنچىلىق يۈز بەرگەن. بۇ زوراۋانلىق ھەرىكىتىنىڭ باشلىنىشى دەل ماشىنا ھەيدەۋاتقان قارا تەنلىكنىڭ تۆت ئاق تەنلىك ساقچىنىڭ ھۇجۇمىغا ئۇچرىشىدىن كېلىپ چىققان. تۆت كۈنلۈك زوراۋانلىق ھەرىكىتىدە　50 نەچچە ئادەم ئۆلتۈرۈلگەن، 4000 دىن ئارتۇق كىشى يارىلانغان، 12 مىڭدىن ئارتۇق ئادەم قولغا ئېلىنغان. ئىقتىسادىي زىيان بىر مىليارد ئامېرىكا دوللىرىدىن ئېشىپ كەتكەن. 1986-يىلى بۈگۈنكى كۈندە، 10 ئايلىق بوۋاق دادىسىنىڭ ئىڭىكىدە بىر پۇتلاپ تۇرالىغان. ئەنگلىيەدىكى 10 ئايلىق قىز بوۋاق سامەنسا دادىسىنىڭ ئىڭىكىدە بىر پۇتلاپ تۇرۇپ، پۈتۈن دۇنيانى ھەيران قالدۇرغان. بوۋاقنىڭ دادىسى ئەنگلىيە خان جەمەتى ھاۋا ئارمىيىسىنىڭ سېرىك ئۇستىسى بولۇپ، قىزى يەتتە ئايلىق بولغاندىن باشلاپ، دادىسى ئۇنىڭغا سېرىك ھەرىكەتلىرىنى ئۆگىتىشكە باشلىغان. 1899-يىلى بۈگۈنكى كۈندە، ئامېرىكا فىلىپپىننى ئىگىلىۋالغان. 1898-يىلى 4-ئاينىڭ 25-كۈنى ئامېرىكا ھۆكۈمىتى ئىسپانىيەگە ھۇجۇم قوزغىغان. بۇنىڭ بىلەن ئامېرىكا-ئىسپانىيە ئۇرۇشى پارتلىغان. شۇ يىلى 4-ئاينىڭ 30-كۈنى ئامېرىكا ئىسپانىيەنى ھالسىزلاندۇرىدۇ، فىلىپپىننىڭ پايتەختى مانىلانى ئىشغال قىلىۋالىدۇ. 1898-يىلى 12-ئاينىڭ 10-كۈنى ئامېرىكا بىلەن ئىسپانىيە «پارىژ شەرتنامىسى»نى تۈزىدۇ. بۇنىڭدا ئامېرىكىنىڭ فىلىپپىننىڭ ئامېرىكىغا تەۋە ئىكەنلىكى دېيىلگەن بولۇپ، 1899-يىلى بۈگۈندىن باشلاپ، ئامېرىكا فىلىپپىننى بېسىۋېلىپ، ئامېرىكىنى قىتئە ئاتلىغان جاھانگىر دۆلەت قىلىدۇ.

خەتكۈچلەر: