ئىز تورى-爱智网

　　  جۇڭگو ئۇيغۇرچە رادىيو تورى 18-فېۋرال بېيجىڭ خەۋىرى: چاۋشيەن ئەمگەكچىلەر پارتىيەسى مەركىزىي كومىتېتى تۈنۈگۈن جۇڭگونىڭ چاۋشيەندە تۇرۇشلۇق باش ئەلچىسى ليۇ خۇڭسەي، ئەلچىخانا ئەمەلدارلىرى ۋە پيوڭياڭدا دائىمىي تۇرۇشلۇق جۇڭگونىڭ ئاخبارات ئورگىنى، جۇڭگو مەبلىغى بىلەن قۇرۇلغان ئاپپاراتلارنىڭ خادىملىرى ۋە جۇڭگولۇق ئوقۇغۇچىلارنى پانۇس چاغىنى مۇناسىۋىتى بىلەن ئۆتكۈزۈلگەن كونسېرتقا تەكلىپ قىلىپ، پانۇس چاغىنىنى بىرلىكتە ئۆتكۈزدى. چاۋشيەننىڭ ئالىي رەھبىرى كىم جۇڭئىل، ئەمگەكچىلەر پارتىيەسى مەركىزىي ھەربىي ئىشلار كومىتېتىنىڭ مۇئاۋىن باشلىقى كىم جۇڭئون قاتارلىق چاۋشيەننىڭ پارتىيە، ھۆكۈمەت، ئارمىيە رەھبەرلىرى ۋە جۇڭگولۇق ئەربابلار كۆڭۈللۈك ھالدا بىر يەرگە يىغىلىپ، ئىككى دۆلەت خەلقىگە ئورتاق بولغان بۇ ئەنئەنىۋى بايرامنى تەبرىكلىدى. شۇ كۈنى كەچتە، چاۋشيەننىڭ سىمفونىيەلىك ئوركېستىر ئۆمىكى «سۆيگۈ ناخشىسى» قاتارلىق چاۋشيەن مۇزىكىلىرىنى ئەڭ يۇقىرى سەۋىيەدە ئورۇنلىدى ۋە جۇڭگو ناخشىلىرىدىن «ئاھ دېڭىز، مېنىڭ يۇرتۇم» قاتارلىق ناخشىلارنى توغرا تەلەپپۇز، تولۇپ-تاشقان قىزغىنلىق بىلەن　ئورۇندىدى.
  تەرجىمان: گۈلبەھرەم مۇختار