جۇڭگو تېلېگراف گۇرۇھى شىركىتى شىنجاڭ شۆبە شىركىتىنىڭ پارتگۇرۇپپا سېكرېتارى، باش دىرېكتورى جاڭ جىيۇڭنى زىيارەت
www.iz.la
ئىز تورى www.iz.la
ئۈرۈمچى رايون خاراكتېرلىك خەلقئارا ئالاقىچىلىك كەسپى كىرگۈزۈش - چىقىرىش ئېغىزى ئىدارىسىنىڭ قۇرۇلۇشى بىلەن، شىنجاڭ ئوتتۇرا ئاسىيا رايونىنىڭ خەۋەرلىشىش ۋە ئۇچۇرلاشتۇرۇش كۆۋرۈك بېشى ئىستىھكامىغا ئايلىنىدۇ. بۇ، شىنجاڭنىڭ خەۋەرلىشىش كەسپى تارىخىدىكى نامايەندىلىك ئەھمىيەتكە ئىگە چوڭ ئىش. شۇ مۇناسىۋەت بىلەن جۇڭگو تېلېگراف گۇرۇھى شىركىتى شىنجاڭ شۆبە شىركىتىنىڭ پارتگۇرۇپپا سېكرېتارى، باش دىرېكتورى جاڭ جىيۇڭنى زىيارەت قىلدىم. www.iz.la
شىنجاڭنىڭ دۆلەت ئۇچۇر تەرەققىياتىدىكى ئىستراتېگىيەلىك ئورنى ئۆستۈرۈلىدۇ
ئىز تورى بەك ياخشى
مۇخبىر: ئۈرۈمچى رايون خاراكتېرلىك خەلقئارا ئالاقىچىلىك كەسپى كىرگۈزۈش - چىقىرىش ئېغىزى ئىدارىسىنىڭ قۇرۇلغانلىقى ئاپتونوم رايونلۇق 8 - نۆۋەتلىك پارتىيە قۇرۇلتىيىدا ئوتتۇرىغا قويۇلغان «غەربكە ئېچىۋېتىلگەن خەلقئارا خەۋەرلىشىش ۋە ئۇچۇر يەتكۈزۈش چوڭ تونېلى قۇرۇشقا تىرىشىش» نىشانىغا تېخىمۇ يېقىنلاشقانلىقىمىزدىن دېرەك بېرەمدۇ؟
www.iz.la
جاڭ جىيۇڭ: ئۈرۈمچى رايون خاراكتېرلىك خەلقئارا ئالاقىچىلىك كەسپى كىرگۈزۈش - چىقىرىش ئېغىزى ئىدارىسىنىڭ قۇرۇلغانلىقى ئاپتونوم رايونلۇق 8 - نۆۋەتلىك پارتىيە قۇرۇلتىيىنىڭ روھىنى ئەمەلىيلەشتۈرگەنلىك، شۇنداقلا شىنجاڭنىڭ ھالقىما تەرەققىياتى ۋە ئۇزاق ئەمىنلىكىنى ئىشقا ئاشۇرۇشنىڭ مۇقەررەر تەلىپى. ئۇچۇر تونېلىنىڭ ۋۇجۇدقا چىققانلىقى شىنجاڭنىڭ دۆلەت ئۇچۇر تەرەققىياتى ئىستراتېگىيەسىدىكى ئورنىنى ئۆستۈرۈش بىلەن بىللە، شىنجاڭنىڭ ئېنېرگىيە، قاتناش تونېلىلىق ھەم تىرىشىپ بەرپا قىلىۋاتقان مەدەنىيەت تونېلىلىق قىممىتىنى زور دەرىجىدە ئاشۇرىدۇ.
ئىز تورىدا ئىزلىرىمىز قالسۇن!
مۇخبىر: دۆلەت نېمىشقا ئۈرۈمچى شەھىرىدە رايون خاراكتېرلىك خەلقئارا ئالاقىچىلىك كەسپى كىرگۈزۈش - چىقىرىش ئېغىزى ئىدارىسى قۇرۇشنى تەستىقلىدى؟
ئىز تورىدا ئىزلىرىمىز قالسۇن!
جاڭ جىيۇڭ: ئۈرۈمچى رايون خاراكتېرلىك خەلقئارا ئالاقىچىلىك كەسپى كىرگۈزۈش - چىقىرىش ئېغىزى ئىدارىسى ئېلىمىزنىڭ 6 - خەلقئارا ئالاقىچىلىك كەسپى كىرگۈزۈش - چىقىرىش ئېغىزى ئىدارىسى. شىنجاڭنىڭ جۇغراپىيەلىك ئورنى ئالاھىدە بولۇپ، ئېلىمىزنى غەربكە ئېچىۋېتىشتىكى كۆزنەك ۋە كۆۋرۈك بېشى ئىستىھكامى، ئۈرۈمچى ئاسىيانىڭ مەركىزىگە جايلاشقان، ئاسىيا - ياۋروپا مەركىزىي رايونىدىكى ئىقتىسادىي تەرەققىياتى ئەڭ ياخشى شەھەرلەرنىڭ بىرى، ئۈرۈمچى ئارقىلىق ئەتراپتىكى دۆلەتلەرگە تەسىر كۆرسەتكىلى بولىدۇ. شۇڭا ئۈرۈمچىدە خەلقئارا ئالاقىچىلىك كەسپى كىرگۈزۈش - چىقىرىش ئېغىزى ئىدارىسى قۇرۇپ، شىنجاڭنى ئالاقىچىلىكتىكى ئاخىرقى ئېغىزدىن ئالاقە يولى ۋە تۈگۈنىگە ئايلاندۇرۇش جۇڭگونىڭ ئالاقىچىلىك ئىشلىرىنى سىرتقا يۈزلەندۈرۈشكە پايدىلىق بولۇپلا قالماي، ئېلىمىزنى غەربكە ئېچىۋېتىشتىكى مەركىزىي رايون قىلىشقىمۇ پايدىلىق. بۇنىڭدا بىرىنچىدىن، ئېلىمىزنىڭ ئوتتۇرا ئاسىيا، غەربىي ئاسىيا، ھەتتا ياۋروپا دۆلەتلىرى بىلەن بولغان ئىقتىساد، مەدەنىيەت ئالاقىسىنى يەنىمۇ كۈچەيتىپ، ئېلىمىز، بولۇپمۇ، غەربىي رايوننىڭ تەرەققىياتىدىكى تاشقى بوشلۇقنى كېڭەيتىپ، چېگرا ياقىسىنى ئېچىۋېتىشنى يېڭى قاتلام ۋە يېڭى سەۋىيەگە كۆتۈرگىلى، ئىككىنچىدىن، چېگرا رايوننىڭ مۇقىملىقى ۋە دۆلەت خەۋپسىزلىكىنى قوغدىغىلى بولىدۇ.
ئىز تورى بەك ياخشى
چىقىم ئازىيىدۇ، سۈپەت ئۆسىدۇ، ئالاقە ئىشلىرى تېخىمۇ قولايلىشىدۇ بۇ مەزمۇن ئىز تورىدىن كۆچۈرۈلگەن
مۇخبىر: ئۈرۈمچى رايون خاراكتېرلىك خەلقئارا ئالاقىچىلىك كەسپى كىرگۈزۈش - چىقىرىش ئېغىزى ئىدارىسىنىڭ قۇرۇلغانلىقى شىنجاڭنىڭ كەلگۈسى تەرەققىياتىغا قانداق تەسىر كۆرسىتىدۇ؟
ئىز تورىدا ئىزلىرىمىز قالسۇن!
جاڭ جىيۇڭ: بۇ ئىدارە جۇڭگونىڭ غەربىي شىمالى، ھەتتا، ئوتتۇرا ئاسىيا رايوندا ئۇچۇر ئالاقىسى مەركىزى قۇرۇشتا مۇھىم تىرەكلىك رول ئويناپ، ئۇچۇر ئالاقىسى مەركىزىنىڭ خەلقئارالىق ئىقتىدارىنى كۆرۈنەرلىك ئۆستۈرۈپ، ئېلىمىزنىڭ غەربىي شىمالىدىكى ئاپتونوم رايون، ئۆلكىلەر بىلەن ئوتتۇرا ئاسىيا، غەربىي ئاسىيا، جەنۇبىي ئاسىيا دۆلەتلىرىنىڭ، شۇنداقلا شىنجاڭ بىلەن ئىچكىرى ئۆلكىلەرنىڭ ئىقتىساد، سودا، مەدەنىيەت جەھەتتىكى ئۇچۇر ئالاقىسى ۋە ھەمكارلىقىنى ئىلگىرى سۈرۈپ، جۇڭگونىڭ غەربىي قىسمى، ئوتتۇرا ئاسىيا ئۇچۇر ئالاقىسى تۈگۈنى بەرپا قىلىدۇ؛ شۇنىڭ بىلەن بىللە، ئىختىساسلىقلار، كاپىتال، تېخنىكا قاتارلىق بايلىقلارنىڭ »ئۇچۇر ئالاقىسى مەركىزى«گە كۆجۈملىشىش سۈرئىتىنى تېزلىتىپ، شىنجاڭنىڭ جۇڭگونى غەربكە ئېچىۋېتىشتىكى كۆزنەك ۋە كۆۋرۈك بېشى ئىستىھكامىلىق ئورنىنى مۇستەھكەملەيدۇ. يەنە بىر جەھەتتىن، شىنجاڭنىڭ يۇمشاق دىتال ۋە ئۇچۇر كەسپى، خەلقئارا چاقىرىش مەركىزى قاتارلىق سىرتقا ھۆددىگە بېرىلگەن مۇلازىمەت كەسىپلىرىنىڭ تەرەققىياتىغا بىۋاسىتە تۈرتكە بولۇپ، شىنجاڭ بىلەن ئوتتۇرا ئاسىيا، ھەتتا ياۋروپانىڭ ئىقتىسادىي تەرەققىياتى ۋە مەدەنىيەت ئالاقىسىنى ئۇچۇرلاشتۇرۇشتا ھەرىكەتلەندۈرگۈچ كۈچ بولىدۇ. مۇلازىمىتى سىرتقا ھۆددىگە بېرىلگەن كەسىپلەر، بولۇپمۇ ئوتتۇرا ئاسىياغا يۈزلەنگەن سىرتقا ھۆددىگە بېرىلگەن خەلقئارا ئۇچۇر كەسپى ۋە سودا كەسپىنىڭ تېز تەرەققىياتىنى بىۋاسىتە ئىلگىرى سۈرىدۇ؛ شىنجاڭنىڭ يۇقىرى قاتلاملىق ئىختىساسلىقلارنى كىرگۈزۈشى، ئىشقا ئورۇنلاشتۇرۇش، خەلقئارا مۇلازىمەت كەسىپلىرىنى قوبۇل قىلىش، ئوچۇق ئىقتىسادنى سەرخىللاشتۇرۇشىغا شارائىت يارىتپ، شىنجاڭنىڭ ئىقتىسادىنى راۋاجلاندۇرۇشقا تۈرتكە بولىدۇ؛ خەلقئارا كەسىپنى يولغا قويغان پۇل مۇئامىلە، ساياھەت، سودا، ئەشيا ئوبوروتچىلىقى قاتارلىق كارخانىلارنىڭ تەرەققىياتىنى زور دەرىجىدە ئىلگىرى سۈرۈپ، ئۇلارنىڭ تور تەسىس قىلىش تەننەرخىنى ئازايتىپ، كارخانا ئۈنۈمىنى ئاشۇرىدۇ.
بۇ مەزمۇن ئىز تورىدىن كۆچۈرۈلگەن
مۇخبىر: ئۈرۈمچى رايون خاراكتېرلىك خەلقئارا ئالاقىچىلىك كەسپى كىرگۈزۈش - چىقىرىش ئېغىزى ئىدارىسى قۇرۇلغاندىن كېيىن، دۆلەت ئوتتۇرا ئاسىيادىكى بەش دۆلەت ۋە رۇسىيە، موڭغۇلىيە، ئىران، پاكىستان، ھىندىستان، ئافغانىستان بىلەن ئۇزۇن يوللۇق تېلېفون كەسپى ۋە سانلىق مەلۇمات يەتكۈزۈش كەسپى بېجىرسە بولىدىغانلىقىنى تەستىقلىدى. بۇ، ئالاقە مۇلازىمىتىدە قانداق ئۆزگىرىشلەرنى پەيدا قىلىدۇ؟
جاڭ جىيۇڭ: ئىلگىرى شىنجاڭلىقلار ئەتراپتىكى دۆلەتلەر ياكى ياۋروپا دۆلەتلىرىگە تېلېفون بەرسە ياكى ئاشۇ جايلاردىن تېلېفون قوبۇل قىلسا، بېيجىڭ، شاڭخەي قاتارلىق جايلار ئارقىلىق ئۇلىنىپ، سۆزلىشىش ۋاقتى ئۇزىراپ كېتەتتى. مەسىلەن: ئۈرۈمچىدىن تېلېفون بەرمەكچى بولساق، تېلېفونىمىز شاڭخەي ئارقىلىق ئۇلىناتتى. ھازىر ئۈرۈمچىدىن بىۋاسىتە تېلېفون بەرگىلى بولىدىغان قىلىپ ئۆزگەرتىلگەندىن كېيىن، سىگنال يوللاش ئارىلىقى 5000 كىلومېتىرچە قىسقىراپ، سىگنال يەتكۈزۈش تۈگۈنىدىن ئاز دېگەندە ئىككىسى ئازىيىپ، تور سۈپىتى، ئاۋاز سۈپىتى كۆرۈنەرلىك ئۆستى. يان تېلېفونلارنىڭ كەزمە مۇلازىمەت ھەققى، سانلىق مەلۇمات تاۋۇشلىرىنىڭ تەننەرخى خېلىلا تۆۋەنلىدى، ئېنىقلىق دەرىجىسى ئۆستى. چىقىمنىڭ ئازىيىشى، سۈپەتنىڭ ئۆسۈشى، ئالاقىلىشىشنىڭ قولايلىق بولۇشى پۇقرالارغا ۋە شىنجاڭنىڭ ئىقتىسادىي، ئىجتىمائىي تەرەققىياتىغا ئەمەلىي نەپ يەتكۈزىدۇ.
ى ئىز تورى ئىز تورى ئىز تورى ئىز تورى
