ئېرىشىدىغىنىڭىز تۆلىگەن بەدىلىڭىزگە باغلىق
بىر كىشىنىڭ ئۆيىدە چاشقان كۆپىيىپ كېتىپ، ئۇنى يوقاتقىلى بىر مۈشۈكنى ئېلىپ كەپتۇ. بۇ مۈشۈك چاشقان تۇتۇشقا ناھايىتى ماھىر ئىكەن، ئەمما توخۇنىمۇ بوغۇپ قويىدىكەن. بىر مەزگىل ئۆتۈپ، مۈشۈك ھېلىقى كىشىنىڭ ئۆيىدىكى چاشقانلارنى يوقىتىپتۇ، شۇنىڭ بىلەن بىر ۋاقىتتا، ئۇنىڭ توخۇلىرىمۇ بوغۇپ ئۆلتۈرۈلۈپ تۈگەپتۇ. شۇنىڭ بىلەن بالىسى دادىسىغا: «دادا، بىز نېمىشقا توخۇلىرىمىزغا زىيان سالىدىغان مۈشۈكنى قوغلىۋەتمىدۇق؟» دەپتۇ. دادىسى: «چاشقان بولسا بىزنىڭ ئاشلىقلىرىمىزنى ئوغرىلاپ يەپ، كىيىملىرىمىزنى تىتىۋېتىدۇ، ئەمما توخۇ بولمىسا بىز پەقەت ۋاقىتىنچە توخۇ يېيەلمەيلا قالغان بولىمىز خالاس، بۇ ئاچلىقتىن ۋە يالىڭاچلىقتىن ئۆلۈپ قالغانغا سېلىشتۇرغاندا ھېچقانچە ئىش ئەمەس، بىز نېمىشقا مۈشۈكنى قوغلىۋەتكۈدەكمىز؟» دەپتۇ.
ھېكمەت: بەدەل تۆلىمەي بىر نەرسىگە ئېرىشىش مۇمكىن ئەمەس، ئېرىشىدىغىنىڭىز تۆلەيدىغان بەدىلىڭىزگە باغلىق.
ئۆركەش ئۆتكۈر تەرجىمىسى
مەنبە: ئۈرۈمچى كەچلىك گېزىتى | 
يوللانغان ۋاقتى 2011-1-16 11:32
يوللانغان ۋاقتى 2011-1-16 12:01
