يېڭى يىلىڭلارغا مۇبارەك بولسۇن ئەزىز دوسلار! قەدىرلىك تورداشلار:ھەممىڭلارنىڭ يېڭى يىلىڭلارغا مۇبارەك بولسۇن! مانا كالىندارنىڭ ۋارىقى ئۆرۈلۈپ يەنە يېڭى بىر يىل يېتىپ كەلدى.ئۆتۈپ كەتكەن شۇ بىر يىلدا ئىز تورىدىكى بارلىق باشقۇرغۇچى، ئەزالار
ئۇلۇغ ئىستەك بىلەن ئىزدىنىش، ئىجاد قىلىش ...ئارقىلىق ئىزمۇنبىرىنىڭ جەلىپكارلىقىنى ،سەھىپىلەرنىڭ رەڭدارلىقىنى ئاشۇرۇپ،مول بىلىم باغچىسىغا ئايلاندۇردى.مۇنبەر ئىزدەنگۈچىلەرگە مەدەت،يازغۇچى- شائىرلارغا ئىلھام بېرىپ،ھەۋەسكارلارغا يىتەكچى بولۇپ،تەتقىقاتچىلارنى كەڭىرى سورۇن، بىلىم ئالغۇچىلارنى بىلىم ئامبىرى بىلەن تەئىمىن ئېتىپ كەلدى.بۇ ھېرەم باغدىكى رەڭگا-رەڭ گۈللەرنىڭ ئىپار كەبى خۇش ھىدى تورداشلارنى ئۆزىگە تېخىمۇ جەلىپ قىلغاچقا،ئۇلار ئەزەلدىن ئاڭلاپ باقمىغان خۇش ناۋالارنى مۇشۇ ئىز تورىدىن ئاڭلالىدى،ئەزەلدىن كۆزى كۆرمىگەن ئىسىل نادىر ئەسەرلەرنى،ئادەمنى تاڭ قالدۇرۇدىغان ئاجايىباتلارنى،ئويلاپمۇ يەتمىگەن سىر-ئەسىرالارنى مۇشۇ ئىزدىن كۆرەلىدى. تورداشلار، ھەۋەسكارلارنىڭ يۈرىگىدىن ئۇرغۇپ چىققان ئىجادىيەتلىرىنى كۆرۇپ ئاپىرىن ئېيتماي تۈرالمىدى.ئىزغا قەدەم قويغان ھەر بىر كىشى مۇناسىپ زوق ئېلىپ،ئۇنىڭ جەلىپكارلىقىغا قايىللىقنى ئىپادىلىدى.تورداشلارغا روھى ئوزۇق بېرىش بىلەن بىللە، بىلىم تەشنالىقىنى بۇلاق سۇيىدەك سوغۇق ۋە سۈزۈك ئەسەر، تېما،ئىجادىيەتلىرى بىلەن سۇغۇرۇپ
قاندۇردى. ھاياتلىق دەقىقىلىرىمىز يىللارنىڭ كەينى-كەينىدىن ئۆتىشى بىلەن بارغانسىرى قىسقارماقتا.بىز ئەشۇ قىسقىغىنا ھاياتىمىزداھەر بىر يىلنى زور ئۇتۇق، نەتىجىلىرىمىز بىلەن ئۈزۈتۈپ،يېڭى بىر يىلنى زور ئۈمىد، ئىشەنچ بىلەن قارشى ئىلىپ،ھاياتىمىزنىڭ ھەر بىر دەقىقىسىنى قۇربان قىلىپ ،ئۇنىڭ بەدىلىگەكېلەچىكىمىز ئۈچۈن يول ئاچماقتىمىز.ئۆتۈپ كەتكەن بىر يىلدا تورداشلار جاپا چەكتىڭلار،ئىز تورىنى ئىزچىل قوللاپ،ئىقتىدارىڭلارنىڭ يېتىشىچە ئىسىل تېمىلىرىڭلار بىلەن مۇنبەرنى بېزەپ
شادلىققا تولدۇردۇڭلار،مىللىتىمىز ئۈچۈن ئاز-تولا ئىش قىلىشتەك يۈكسەك مەخسەت بىلەن بىلىمسىزلىك، نادانلىق، خۇراپىيلىقتەك روھىمىزدىكى ناچار ئىللەتلەرنى تۈگىتىشكە تېگىشلىك ھەسسەڭلارنى قوشتۇڭلار. بۇ يېڭى يىلدىمۇتورداشلارنىڭ
تېخىمۇ تېرىشىپ ئىز تورىنى يەنىمۇ مول مەزمۇنلۇق،ئۆزىگە خاس ئالاھىدىلىككە ئىگە قىلىپ، تور دۇنياسىداتېخىمۇ چاقنىتىش ئۈچۈن تېىرىشىشنى ئۈمىد قىلىمەن. بۇ يېڭى بىريىلدا تېنىڭلار سالامەت،ئائىلەڭلار بەخىتلىك ، ئىشلىرىڭلار ئۇتۇقلۇق بولسۇن! ئارزۇ-تىلەكلىرىڭلارنى ئاللاھ ئىجاۋەت قىلسۇن! ھۆرمەت بىلەن: يانبۇلاق | 
يوللانغان ۋاقتى 2010-12-29 17:32
يوللانغان ۋاقتى 2010-12-29 18:34
