قىزچاق، بىرىسىگە بارلىقىڭىزنى ئاتىۋەتمەڭ!
شۇنداقمۇ قىزلار بار،ئۇلار بىرسىنى ياخشى كۆرۈپ قالسا بارلىقىنى ياخشى كۆرگەن ئادىمىگە بىغىشلايدۇ.ئۇنىڭ كۆزىدە،كۆڭلىدە،ھەتتا چۈشىدە پەقەت ياخشى كۆرگەن ئادىمىلا بولىدۇ،ئۆزىنى بولسا پۈتۈنلەي ئۇنتۇيدۇ.ئەمما ئاخىرىدا رەھىمسىزلەرچە تاشلىۋىتىلگەندە ئۆزىنىڭ ھېچنىمىسى قالمىغانلىقىنى بايقايدۇ،شۇڭا بىرسىنى ياخشى كۆرسىڭىز ئۇنىڭغا بارلىقىڭىزنى بىغىشلىماڭ ياكى بارلىقىڭىز بىلەن ئۇنىڭ ياخشى كۆرىدىغانلىقىڭىزنى ناھايىتى ئىنىق ئىپادىلىمەڭ؛
چۈنكى بىرسىگە بارلىقىڭىزنى بىغىشلىسىڭىز،سىز پۈتۈنلەي ئۆزىڭىز بولالماي قالىسىز،ھەممە ئىشتا ئۇ سىزنىڭ بۇرنىڭىزدىن يىتىلەپ ماڭىدۇ،سىز خۇددى سېھىرلەنگەندەك ھەممە ئىشنى ئۇنىڭ دىگىنى بويىچە قىلىسىز،ئاخىرقى ھىسابتا سىز ئۆزىڭىزنىڭ ئىدىيىسىدىن،ئۆزىڭىزگە تەۋە بولغان خۇشاللىقتىن ئايرىلىسىز،سىز ئۇنى چۆرىدەپ ئايلىنىسىز،ئۇنىڭ بىلەن بىرگە بولغاندا پۈتۈن دۇنيانى پەقەت ئۆزىڭىز دەپ ھىس قىلىسىز،ئۇنىڭدىن ئايرىلغاندا بولسا پۈتۈن دۇنيانى ئۇ دەپ ھىس قىلىسىز.
چۈنكى بىرسىگە بارلىقىڭىزنى بىغىشلىۋەتسىڭىز،سىز ھەممە ئىشتا ئۇنىڭغا يول قويىسىز،ئۇنىڭ قىلغانلىرىنىڭ ھەممىسىگە بەرداشلىق بىرىسىز،نەتىجىدە ئۇ بارا-بارا بۇنداق يول قويۇشلارغا كۆنۈپ قالىدۇ.سىزنىڭ ئۇنىڭ ئۈچۈن تۆلىگەن بەدەللىرىگە سەل قارايدۇ.ھەتتا سىزدىن بىزار بولىدۇ،سىزنى ئۆزىگە خاس كۆز قارىشى يوق دەپ قارايدۇ،سىزنى كەمسىتىشكە،سىزگە سەل قاراشقا،سىزگە ھۆرمەتسىزلىك قىلىشقا باشلايدۇ.
بىرسىگە بارلىقىڭىزنى بىغىشلىۋەتسىڭىز سىز بىر تال شامغا ئوخشاپ قالىسىز،ھېچنىمىگە قارىماستىن ئۆزىڭىزنى كۆيدۈرۈش بەدىلىگە ئازراق ئىسسىقلىق ۋە نۇرغا ئېرىشىسىز،ئەمما سىز كۆيۈپ تۈگىگەندە بولسا سىزنىڭ ھېچنىمىڭىز قالمىغان بولىدۇ.قارشى تەرەپ بولسا بىر قول چىراق،ئۇ توختىماي باتارىيە ئالماشتۇرۇپ مەڭگۈ ھاياتى كۈچىنى ساقلاپ قالالايدۇ.
بىرسىگە بارلىقىڭىزنى بىغىشلىۋەتسىڭىز،ئۇ سىزنىڭ قىلغانلىرىڭىزغا ئادەتلىنىپ قالىدۇ،سىزنى شۇنداق قىلىشقا تىگىشلىك دەپ قارايدۇ،نەتىجىدە ئۇ ئۆزىنىڭمۇ سىز ئۈچۈن بەدەل تۆلىشى لازىملىقىنى پۈتۈنلەي ئەستىن چىقىرىپ قويىدۇ.چۈنكى سىز ئۇنى شۇنداق ئۆگىتىپ قويغان.ھەرگىزمۇ مەن ئۇنى پۈتۈن دىلىم بىلەن سۆيگەن ئىكەنمەن،ئۇمۇ مىنى پۈتۈن دىلى بىلەن سۆيىدۇ دەپ ئويلىماڭ؛چۈنكى مۇھەببەتنىڭ قائىدىسى يوق،كۆپىنچە ھاللاردا مۇھەببەت ئادالەتسىز بولىدۇ.شۇنىڭ ئۈچۈن بىرنى ئۆزىڭىزنى ئۇنتۇغان ھالدا ياخشى كۆرمەڭ؛ بارلىقىنى قارشى تەرەپكە بىرەلەيدىغان مۇھەببەت پەقەت كىتابلاردىلا تەسۋىرلىنىدۇ.ئەمما ھازىرقى جەمئىيەت بولسا بارلىقىنى بىر ئادەمگە بىغىشلىۋەتكەنلەرنى تازا قارشى ئالمايدۇ،شۇڭا ئۇنىڭغا ئازراق بوشلۇق بىرىڭ،ئۆزىڭىزگىمۇ ئازراق بوشلۇق قويۇپ قويۇڭ؛ پەرۋانىنىڭ ئوتقا ئۆزىنى ئۇرىشى بىزنى ناھايىتى تەسىرلەندۈرسىمۇ،ئەمما پەرۋانە ئوتتا كۆيۈپ كۈل بولغاندىن كىيىن يەنە ئەسلىگە قايتالامدۇ؟ئەگەر سىز شۇنىڭغا ئوخشاش ھالغا چۈشۈپ قالسىڭىز،ئۇنىڭ ئۈچۈن قىلغانلىرىڭىز ۋاقتى كەلگەندە ھېچنىمىگە ئەرزىمىسە سىز بۇ رەھىمسىز رىئاللىققا يۈزلىنەلەمسىز؟
شۇڭا بىرسىنى ياخشى كۆرسىڭىز بارلىقىڭىزنى ئۇنىڭغا ئاتىۋەتمەڭ؟ ئۆزىڭىزنى قەدىرلەشنىمۇ بىلىڭ. ئەڭ ياخشىسى ئۆزىڭىزنى، ئاتا-ئانىڭىزنى ۋە گۈزەل- كەلگۈسىىڭىزنى ئويلاڭ~!
(ئەسكەرتىش:مەنبەسىنى يىزىۋالماپتىمەن، شۇڭا توغرا چۈشىنىشىڭلارنى ئۈمىد قىلىمەن)
بۇ يازمىنى ئاخىرىدا menggutax تەھرىرلىگەن. ۋاقتى 2011-1-13 00:52
| 
يوللانغان ۋاقتى 
يوللانغان ۋاقتى 
