ۋەتەن ۋە ئىمان

juxkun05

ۋەتەن ۋە ئىمان ئابدۇقادىر جالالىدىن ۋەتەن ۋە ئىمان ۋەتەن دەپ توۋلىدىڭ ئىمانىڭ قېنى ؟ قەلەملەر تەۋرەتتىڭ ۋىجدانىڭ قېنى ؟ تاڭلار ئىشقىدا گۈلخانمەن دېدىڭ ، كۆڭلۈڭ ئاسمىنىدا چولپانىڭ قېنى ؟ قەلەمنى مەشئەل دەپ مۈدۈرۈپ ئۆتتۈڭ ، ئۆپكەڭمۇ يوغىناپ ، يۆتىلىپ ئۆتتۈڭ . ۋەتەنگە ئىخلاستا باقساڭ ئېڭشىپ ، قوۋمىڭنىڭ يىلتىزى ياتار چىرمىشىپ . چاقنايدۇ مازاردا فوسفور يالقۇنى ، كۆكتىكى يۇلتۇزلار بىلەن سىردىشىپ، ئۇ يەردە بۇغرا ھەم ئوغۇز ياتىدۇ ، قوقاسقا ئايلانغان يۇلتۇز ياتىدۇ . سەپ تۈزۈپ ھەر رەڭدە پەسىللەر ئۆتتى، ۋەتەن دەپ باھادىر نەسىللەر ئۆتتى ، ئەۋلادقا پەقەتلا ۋەتەن قالىدۇ ، باشلاردىن نى ئەقىل نەقىللەر ئۆتتى. ۋەتەن چۆچەك ئەمەس ، سەجدىگاھىڭدۇر ، ۋە يا ئەرمەك ئەمەس، باش پاناھىڭدۇر. ۋەتەن -جانان دېدىڭ جانان تېپىلار ، ۋەتىنىڭ بولسىلا ھامان تېپىلار . غۇربەتتە تېنىگەن ساياقلارغىمۇ ، شاھانە قەسىر ھەم ئايۋان تېپىلار . بەزىدە ۋەتەنسىز سۇلتان بولىدۇ ، ئۆزىنىڭ گۆشىگە ئوتۇن بولىدۇ. ۋەتەن ئەسقاتىدۇ ئۆلگەنلەرگىمۇ ، نەپسنىڭ ئوتىدا كۆيگەنلەرگىمۇ . ھەتتا ، ئوسمىسىنى سېتىپ خوتۇنىنىڭ ، بىر ئۆمۈر تاماشا كۆرگەنلەرگىمۇ ، لېكىن ، ھاقارەتتە قالدى قەبرىسى ، تالاي ئاھانەتكە قالدى نەۋرىسى . ۋەتەن ئىمان بىلەن بىر تەن ئەمەسمۇ ؟ ۋەتەن ئىمانسىزغا ماتەم ئەمەسمۇ ؟

0998cn

مەن بۇنى تولۇقسىزدىكى ئەدەبىيات كىتابىمدا ئوقۇغان....بەكلا ياخشى شىئىر بۇ.....