پاقا بىلەن چايان....

muslimahinim

كۈنلەرنىڭ بىرىدە پاقا بىلەن چايان دوسىت بوپتۇ، ئۇلار يولدا كىتىۋىتىپ، بىر دەرياغا دۇچ كەپتۇ.
_ دەريادىن قانداق ئۆتىمەن؟_ دەپتۇ چايان،
_ مەن تۇرغان يەردە نىمىدىن غەم يەيسەن؟_ دەپتۇ پاقا_ ماڭا ھاپاش بول، ئۆتكۈزۈپ قويىمەن.،
چايان پاقىغا ھاپاش بوپتۇ، پاقا سۇغا كىرىپ ئۈزۈشكە باشلاپتۇ، دەريانىڭ ئوتتۇرىغا كەلگەندە چايان توساتتىن دوستى پاقىغا <<تارىس>> قىلىپ نەشتەر ئۇرۇپتۇ.
_ ئاغىنە بۇ نىمە قىلغىنىڭ ؟_ دەپ سوراپتۇ چاياندىن پاقا خاپا بولۇپ.
_ ھىچنىمە قىلمىدىم، دوستۇم، بۇ مىنىڭ ئادىتىم، بىر نەرسىگە يىقىنلاشقاندىن كىيىن چاقمىسام زادىلا تۇرالمايمەن!_ دەپ جاۋاپ بىرىپتۇ چايان.
قاتتىق غەزەپلەنگەن پاقا؛<<خەپ توختا!>> دەپتۇ ئىچىدە ۋە بىر ئازدىن كىيىن ئاستا-ئاستا سۇغا چۆكۈشكە باشلاپتۇ. قورقۇپ كەتكەن چايان ئالدىراپ -تىنەپ ۋارقىراشقا باشلاپتۇ؛
_ ۋايجان ، نىمە قىلىۋاتىسەن، دوستۇم؟! سۇدا تۇنجۇقۇپ ئۆلىدىغان بولدۇمغۇ!
_ ۋارقىرىما، ئاغىنە ، سۇغا چۆكۈشمۇ مىنىڭ ئادىتىم ، سۇنى كۆرسەم يايراپ كىتىمەن، بىر چۆمۈلىۋالمىسام، پۇخادىن چىقمايمەن!_ دەپ جاۋاپ بىرىپتۇ پاقا ۋە راستىنلا سۇغا چۆكۈپتۇ، چايان تۇنجۇقۇپ ئۆلۈپتۇ.
مەنبە؛<<ئۇيغۇر خەلىق ماقال تەمسىللىرى>>

paelun

بىزنىڭ جەمىيتىمىزدىكى بىر قىسىم كىشىللىرىمىزمۇ خۇددى شۇ چاياندەك بوپ قالدى ھازىر ، بىرەر پاقىنىڭ ئوتتۇرىغا چىقىپ، شۇنداق زەھەرخەندە چايانلارنى تۇنجۇقتۇرۇپ ئۆلتۈرىشىنى ئۈمىد قىلىۋاتىمەن !!!

0998cn

قىلىساڭ ئاڭا قانچە ياخشىلىق،
سېنى سېتىپ يەيدۇ ناشتىلىق.
كىمدىن قالغان بۇ مىراس قىلىق،
باردۇنيادا شۇنداق ئادەملەر.
ھايۋان ياكى ئىنىسانلار بولسۇن ئۇلارنىڭ كۆڭلىگە ئاللاھ ئىنىساپ بەرمىسە بىكا

nazuk214

بەك ياخشى ،تەربىيىۋى ئەھمىيىتىمۇ بار تېما ئىكەن ،رەخمەت سىزگە........