مۇنبەر باشلىقلىرىدىن سوراپ باقسام رۇخسەتمۇ؟

deldax

ئەسسالاممۇئەلەيكۇم ھۆرمەتلىك مۇنبەر باشلىقلىرىمىز ،ئالدىراش بولسىڭىزلارمۇ كەمىنە دىلداشنىڭ بۇ ھۆرمەت سالامىنى ئىلىك ئالسىڭىزلا ئۇشبۇ مۇنبەردىكى ئەجرىمدىن تۇلىمۇ مىننەتدار بولغان بولىمەن.
بۈگۈن بۇ پورسەتتە سىزلەرگە سالام يوللاش بىلەن بىر چاغدا كۆڭلۈمدىكى بىر كەلىمە سۇئالىمنى سورىۋىلشقا تولىمۇ ئىنتىلىپ ئولتۇرۇپتىمەن.بىلىمەن سىزلەر مۇنبەر ئۈچۈن تولىمۇ جاپا چىكىپ،مەنىۋى تەشنالىقىمىز ئۈچۈن خاسىيەتلىك ئەجىر قىلىۋاتسىزلەر...سىزلەرگە بولغان قائىللقىمنى سۈيۈنۈش ئىچدە ئىزھار قىلمىساممۇ مۇنبەرداشلار بۈيۈك ئەجرىڭلارنى تۇلۇق ھېس قىلالايدۇ.سۆزلىسەم بايانلىرىم ئۇزراپ كەتمىسۇن سۆزۈمنى قىسقارتىپ سۇئالىمنى بىر سورىۋالاي.بەلكىم بۇ تىمام تەستىقلىنىشىمۇ ياكى تەستىقلانماسلىقى مۇمكىن.شۇنداقتىمۇ ئەزەلدىن سۈكۈت قىلىشقا كۈنۈپ كەتكەن ئادىتىم بۇيۇنچە يەنە سۈكۈت قىلارمەن.ھېچ بولمىسا بۇ تىمىنى تۇنجى ئوقۇغان باشقۇرغۇچى سۇئالىم ھەققىدە چىجدانى بىلەن ئويلۇنۇپ باقار.ئۈمۈدلىك ياشاش ئادىتىم بۇيۇنچە ئۈمۈد بىلەن سۇئالىمنى ئوتۇرغا قۇياي:
1- مۇنبىرىڭلاردا ئىزچىل يولغا قويلىۋاتقان مۇكاپاتلىق پائالىيەت راس پائالىيەتمۇ ياكى مۇنبەر يۈزىدە راس،ئەملىيەتتە يالغان پالىيەتمۇ؟ئەگەر راس ياكى يالغانلىقنى ھەققىدە قانداق چۈشەنچە بىرسىلەر؟
2-مۇكاپاتقا ئىرىشتى دىگەننى مۇنبەر يۈزىدە ئىلان قىپ قۇيۇپ ئەملىيەتتەمۇكاپات بەرمەسلىكنى قانداق چۈشەندۈرسىلەر؟
يۇقارقى سۇئالنى مۇنبەر يۈزىدە سورماسلىقىم كىرەك ئىدى لىكىن بۇ ھەقتەمۇنبەردىكى بىر قىسىم يولداشلارغا مۇنبەر ئارقىلىق قىسقا ئۇچۇر قىلسام جاۋاپ قايىتمىدى.ھېس قىلىشىمچە مۇنبەردىكى ئەزالارنىڭ ئىنكاسلىرىغا ئارلاپ نەزەر سىلىشقىمۇ ۋاقتىڭلار يەتمەيدىغاندەكلا قىلىدۇ.شۇڭا مۇنبەرگە يىزىپ قالدىم مېنى كەچۈرگەيسىزلەر ياكى بۇ قىلىقىم ئۈچۈن مۇنبەردىكى ئەزالىق نامىمنى ئۆچۈرگەيسىزلەر.

intizar0998

مۇشۇ پۇرسەتتە مەنمۇ كۆڭلۈمدىكىنى دىۋالاي .
مەن يىڭى ئەزا . ئۆزۈمنى تونۇشتۇرۇپ تىما يوللىسام . ئەھمىيەتسىز دىيىلىپ تەستىقلانمىدى .
كۆپچىلىك كىمدۇ بۇ دەپ ئويلاپ قالدى ھەقاچان مىنى .
ھەممە ئادەم تۇغۇلۇپلا ياخشى تىما يازىدىغان بولمايدىغۇ ........
ئاستا -ئاستا يىزىپ ئۆگەنمەمدۇق .

nazuk214

ئىنكاس قايتۇرۇش intizar0998 نىڭ يازمىسى

ئۆزىڭىزنى تونۇشتۇرىدىغان تېمىنى ئوماق، تېمىلارنىڭ ئىچىدە كۆڭلىمدىكى سۆزلەر سەھىپىسىدە مۇنبەردېشىمىز سەۋدايىنىڭ مۇنبەردىكىلەر تونۇشۇپ چىقساق دېگەن تېمىسى بار شۇ يەرگە يازسىڭىزمۇ بولىدۇ،ياكى ئاستا _ئاستا تونۇشۇپ كېتىسىز، بىزمۇ سىزنى ئۇ كىمدۇ ەپ قالمايمىز ،بىزمۇ شۇنداق تونۇشقان....ھەممە ئادەم ياخشى ئەسەرلەرنى يېزىپلا تۇغۇلمايدۇ بۇ توغرا لېكىن بىز نىمىنى يازساق شۇنى تەستىقلىسا بۇ بىزنىڭ مەشىق دەپتىرىمىزگە ئوخشاپ قالمامدۇ ،شۇڭا توغرا چۈشىنىشىڭىزنى ئۈمۈد قىلىمەن ،تىرىشىڭ ھەمىمىز ئىشىنىمىز چوقۇم ياخشى ئەسەرلەرنى يازالايسىز.....................

world

ۋەئەلەيكۇم ئەسسالام


سىزنىڭ مۇنبەر ئۈچۈن تۆككەن ئەجرىڭىزگە رەھمىتىمنى بىلدۈرىمەن...
___________________-

ئەمدى سۇئالىڭىزغا كەلسەك مەن ئۆزۈمنىڭ ھېس قىلىشىچە جاۋاب بېرىپ باقاي،كەم قالغان يەرلىرىنى ئاتامانلار تولۇقلاپ قويار.


1- مۇنبىرىڭلاردا ئىزچىل يولغا قويلىۋاتقان مۇكاپاتلىق پائالىيەت راس پائالىيەتمۇ ياكى مۇنبەر يۈزىدە راس،ئەملىيەتتە يالغان پالىيەتمۇ؟ئەگەر راس ياكى يالغانلىقنى ھەققىدە قانداق چۈشەنچە بىرسىلەر؟


2-مۇكاپاتقا ئىرىشتى دىگەننى مۇنبەر يۈزىدە ئىلان قىپ قۇيۇپ ئەملىيەتتەمۇكاپات بەرمەسلىكنى قانداق چۈشەندۈرسىلەر؟

توربەت قۇرۇش ئاسان لېكىن ئۇنى قانداق تەرەقىي قىلدۇرۇش،تېخنىكىلىق قىيىنچىلىقلارنى توسالغۇسىز ھەلقىلىش ئۇنچە ئاسان ئەمەس.ئىزتورى ئۈزلۈكسىز تېخنىكا يېڭىلاش،باشقۇرغۇچى ئاتامانلارنىڭ تىرىشىش،ئەزالارنىڭ قوللاش نەتىجىسىدە بۈگۈنكىدەك نەتىجىلەرگە ئېرىشتى.ئۇيغۇر توربەتچىلىكىدە چوڭقۇر يىلتىز تارتىپ،چاقنىغان يۇلتۇز بولالىدى گەرچە ئەڭ ياخشىسى بولمىسىمۇ لېكىن ئەڭ ياخشىسى بولىشقا تىرىشتى.كونىلاردا تىرىشقان داۋان ئاشار دەيدىغان ھېكمەتلىك سۆزلەر بار.
مېنىڭ بىلىشىمچە ھازىر ئىز تورى پامىر شىركىتىكى تارمىقىدىكى توربەت.شۇنداق بولغانكەن توربەتنىڭ ئىناۋىتى بىۋاستە شىركەتكە تەسىر قىلىدۇ.
مۇكاپاتلىق پائالىيەتنىڭ مەخىسىدى ئىزتورىنى ئىزچىل قوللاپ كەلگەن ئەزالارغا رەھمىتىنى بىلدۈرۈش بىلەن بىرگە كەڭ قەلەم ساھىبىلىرىنىڭ قىزغىنلىقىنى يۇقۇرى كۆتىرىپ، ئۆزىنىڭ قابىلىيىتىنى جارى قىلدۇرىغان بىر سەينا ھازىرلاپ بېرىش.شۇ سەينادا ئىلىمگە تەشنا يۈرەكلەرنى قاندۇرۇشنى چىقىش قىلغان.
ئاۋال ئۆزۈم مۇشۇنداق بىر ئەھمىيەتلىك پائالىيەتنى ئۇيۇشتۇرغان ئىزتورىغا چوڭقۇر رەھمىتىمنى بىلدۈرىمەن.

كونىلاردا ئەلنىڭ كۆزى ئەللىك دەيدىغان ھېكمەتلىك ئىبارىلەر بار.بۇنىڭ ئەكىس ئەتتۈرىدىغان مەنىسىمۇ ئەل ھەممىنى كۆرىپ تۇرىدۇ،ئەلنىڭ كۆزىدىن قېچىپ قۇتۇلالمايسەن دەيدىغان مەنا چىقىدۇ.

قىسمەنلىكنى ئومۇملىق ئۈستىگە دەسسىتىش بىر بىمەنىلىك.

مۇكاپاتنى تاپشۇرۇپ ئالغانلار كۆپ سانلىقنى ئىگىلەيدۇ.پەقەت قىسمەن ئەزالار تاپشۇرۇپ ئالالماپتۇ.سەۋەبسىز ئىش بولمايدۇ.بۇنىڭدىكى تۈپكى سەۋەب شۇ ئەزالارنىڭ تۇرۇشلۇق ئادرىسىنى تۇلۇق ئەۋەتىپ بەرمەسلىكتىن كېلىپ چىققان ئۇقۇشماسلىق بولىشى مۇمكىن.

ۋاقىت مۇناسىۋىتى بىلەن مۇشۇنچىلىك يېزىپ تۇراي...

okughuchi

مەنمۇ تىما يوللىسام ئەھمىيەتسىز بولۇپ قاپتىكەن، كىيىن يوللۇمۇدۇم

520Studios

بۇ مۇنبەرگە ھازىر ئىھتىياجلىق نەرسە تېما تەستىقلىغۇچى ئەمەس، بەلكى ھەقىقى مۇنبەر مەسئۇلى كىرەك،
مۇنبەردە باشقۇرغۇچىلار يىتىپ ئاشىدۇ ، بىراق ئۇلار تېما تەستىقلاپلا، باشقا تەھىرلىگۈدەك يەرلەرنى تەھىرلىمەي، تىمىلارنى تەستىقلاپلا چىقىپ كىتىپ بارىدۇ، نۇرغۇنلىغان تېمىلار ئۆزىنىڭ ماس سەھىپىسىنى تاپالماي قاپتۇ، يەنە بەزى تېمىلاردا ئىملا خاتالىقى خىلى بار،
يەنە تەكلىپلىك ئەزا : دىگندەك ئەزالار بەك نەزىرى ئۈستۈنمۇ ياكى مۇنبەرئۇلارنى سىللى ئۆزلىرى دەپ بەك ئەتىۋارلاپ ئىشلىتىپ كىتىپ بارامدۇ، (مىنڭچى ھەرگىز .ۇنداق ئەمەس) بىراق ئۇلارمۇ ئۆزىنىڭ ۋەزىپىسىنى ئادا قىلالمايۋاتىدۇ،
«تەكلىپلىك ئەزا» دىگەن ئالاھىدە باشقۇرغۇچىدىن قالسىلا تېما تەستىقلاشتىن باشقا ھەرقانداق مەشخۇلاتلارنى ئىلىپ بارالايدۇ، (ئازراق كاللىسىنى ئىشلەتسە تىمىنىمۇ تەستىقلىيالايدۇ بۇ مەخپى لىكىن) لىكىن ئۇلارمۇ بوشۇشۇ پ كىتىپ بارىدۇ،
ئىشقىلىپ يىغىنچاقلاپ ئىيتقاندا مۇنبەردە كونا ئەزالارنىڭ نەسلى قۇرلۇش گىردابىغا بىرىپ قالدى،
مۇنبەرنىڭ بۇرۇنقىدەك ئىللىقلىقى يوقۇلۋاتىدۇ، بۇنىڭغا ئەلۋەتتە مۇنبەر قۇرغۇچىلىرى ئەمەس بەلكى مۇنبەردىكى بارلىق ئەزالارنىڭ مەسئۇلىيىتى بار دەپ ئويلايمەن.

world

okughuchi يوللانغان ۋاقتى 2011-6-25 14:49
مەنمۇ تىما يوللىسام ئەھمىيەتسىز بولۇپ قاپتىكەن، كىيىن ...

ئەھمىيەتسىز بولسا ئەلۋەتتە ئەھمىيەتسىز سانىلىپ تەستىقلانمايدۇ.ئۇنىڭغا قورسىقىدا خۇم ساخلاپ قىيداشنىڭ ئورنى يوق.

ئوغۇل بالا دېگەن يىقىلغان ئورنىدىن دەس تۇرالايدىغان بولىشى كېرەك.

نادىر تېمىلىرىڭىز ئۈزىلىپ قالمىسسۇن..

okughuchi

رەھمەت سىزگە، چوقۇم شۇنداق قىلىمەن.

zubayir

ئۇ مۇكاپات راست بولسا نىم بوپتۇ ؟ يالغان بولسا نىم بوپتۇ ؟ مۇكاپاتنى ئارزۇلاپ كەتمەيمەن ، مەندە شۇنداق بىر خىل ھېسيات بار ، مەن مۇنبەرگە ئەزا بولغىلى ئەمدى تېخى بىر ھەپتە بولدى لېكىن شۇنچىلىك مېھرىم بار ، كۈندە بىرەر تال بولسىمۇ تېما يوللاپ تۇرمىسام ئۆزۈمنى مۇنبەرگە يۈ كېلەلمەيدىغاندەك ھېس قىلىمەن . بۇرۇن شەبنەم تورىغا شۇنچىلىك مېھرىم بار ئىدى ، ئەپسۇس............. . مەن شۇنداق دېيەلەيمەنكى ، مەن ئىلگىرى شەبنەمنى قانچىلىك سۆيگەن بولسام ، ھازىرقى ئىز مۇنبىرى مېنىڭ ئىلگىرىكى مۇنبىرىمدن ئاشۇرۇپ سۆيۈشۈمگە ئەرزىيدۇ . ئىز مۇنبىرى مېنىڭ ئائىلەم . مەن ئىزدا كۆكلەيمەن .

intizar0998

ئىز مۇنبىرىدە باشقۇرغۇچىدىن زادى قانچىسى بار ؟