قاراپ باقسام تۇرمۇشتا . مودا بوپتۇ ئاجىرىشىش ،
يىتىم قىلىپ بالىنى ،تەنھا قويدى ئاجىرىشىش ،
تۈپ سەۋەپنىڭ مېغزىنى ،تاپالماستىن ئاجىرىشىش ،
كۆز ياشلارنى تۇيدۇرماي كۆل قىلدىغۇ ئاجىرىشىش
باياشاتلىق تۇرمۇشنى ، چۆل قىلدىغۇ ئاجىرىشىش . سەۋەپ ئىزدەپ ئەر – ئايال ئويلىمايدۇ بالىنى ،
بىر – بىرىگە ھومۇيۇپ سەن ساغ دەيدۇ كالىنى ،
يول قويمايدۇ ئۆز – ئارا تاتىلاپ ھەتتا يارىنى ،
دەز كەتسە گەر تۇرمۇشقا ،يا تاپمايدۇ چارىنى ،
كىچىكىنە ئىش ئۈچۈن مودا بولدى ئاجىرىشىش . كەتسە ئايال ئۆيىگە ،بالا يىتىم قالىدۇ ،
رىئاللىقا تەن بىرىپ ،ئەرمۇ خۇتۇن ئالىدۇ ،
يېڭى خۇتۇن ئۆيىدە بالىغا دۇمباق چالىدۇ ،
خۇتۇن مىجەر ئۇ ئەرمۇ ،بالىدىن ھەتتا تانىدۇ .
نارىسىدە بالىنى يىتىم قىلدى ئاجىرىشىش . چىقسا بالا تالاغا ، يىتىمەك دەپ ئاتىلار ،
ۋاقىت ئۆتۈپ بىر كۈنى ،يامانلارغا قېتىلار ،
ئەرمۇ بەزى ئايالغا قىزىق سۇدەك چېچىلار ،
مۇش كۆتۈرۈپ بالىمۇ ئەر- ئايالغا ئېتىلار ،
جىنايەتكە بالىنى باشلىدىغۇ ئاجىرىشىش . ھەرگىز يىتىم بولمىسۇن ،نارىسىدە بالىلار ،
چىن – مىھىرلەر بىرەيلى قەلبى سۈتتەك ئانىلار ،
پاك – غورۇرنى دەپسەندە زادى قىلماي ئاتىلار ،
كۈندە خۇشال ياشايلى ،ئاتا – ئانا ھەم بالىلار ،
شۇندا بىزدىن يىراقلاپ نېرى كىتەر ئاجىرىشىش . تاڭنۇر < خەيرۇللا قۇربان > بۆرتالا
ئەسكەرتىش -- جەميىتىمىزدىكى بىر قىسىم ئورۇنسىز ئاجىرىشىش تۈپەيلى باللىرىنى يىتىملىك كوچىسىغا تاشلاۋاتقان كىشلەرگە قارىتىپ يېزىلدى.
مەنبە-قىزلار تورى
| 
يوللانغان ۋاقتى 2011-6-19 01:05
