سەبداشلىرىڭىز بىلەن ئەپ ئۆتەي دىسىڭىز.....

muslimahinim

1.كۈندىلىك تۇرمۇشتا ئەل-ئاغىنە ، خىزمەتداش ۋە ساۋاقداشلار بىلەن ئۇچراشقاندا ، ئۇلارنىڭ قايسى مىللەت بولىشىدىن ، ياش ياكى ياشانغان بولىشىدىن قەتتىينەزەر ، مىللىتىمىزنىڭ ياخشى ئەنئەنىسىگە ھۆرمەت قىلغان ھالدا سالاملىشىشنى ئەستىن چىقارماڭ.
2.تونۇش-بىلىشلىرىڭىزنىڭ ئائىلىسىدە كىسەللىك ۋە باشقا سەۋەپلەردە قىيىنچىلىق يۈز بەرسە ، ئىمكانىيىتىڭىزنىڭ بارىچە ياردەم قىلىشنى ئەستىن چىقارماڭ.
3.ئۆز ئارا ئالغۇ-بەرگۈ قىلغاندا، ئۆي سايمانلىرىنى ئارىيەتكە ئالغاندا ، ئىگىسىنى ماڭدۇرماي ئۆز ۋاقتىدا قايتۇرۇپ بىرىڭ. باشقىلار سىزدىن بىر نەرسە سورىسا ئايىماي بىرىڭ.
4.بىرەر نەرسىڭىز يوقاپ كەتسە ، ئىنىقلىماي تۇرۇپلا سەبداشلىرىڭىز ئالدىدا گۇمانىڭىزنى ئاشكارە سۆزلەپ يۈرمەڭ، ياكى يولسىزلىق قىلىپ ، باشقىلارنىڭ ھويلا-ئاراملىرىنى ئاختۇرماڭ.
5.مەيلى قانداق كىشى بولىشىدىن قەتتىنەزەر ، ھەممىسىگە ئوخشاش ، باراۋەر مۇئامىلە قىلىڭ ، كەمتەر ، ئىھتىياتچان بولۇپ، باشقىلارنىڭ ئالدىدا ھاكاۋۇرلۇق قىلماڭ.ھەر خىل سورۇنلاردا كىشىلەرنىڭ ئەيىپىنى سۆزلەپ يۈرمەڭ.
6.ئەل -ئاغىنە ياكى تونۇشلىرىڭىزنىڭ ئارىسىدا ئۆز ئارا ئىختىلاپ يۈز بەرگەندە ئوتتۇردا سۇخەنچىلىك قىلىپ، <<ئوت ئۈستىگە ياغ چاچماي>> ئۆز-ئارا ياراشتۇرۇش پوزىتسىيەسىدە بولۇڭ، <<ياخشى نىيەت بىلەن قىلغان يالغانچىلىق ساۋاپ>> دىگەن سۆز بار.
7.ۋەزىپىڭىز ئۆستۈرۈلگەن ياكى تۇرمۇشىڭىز بىر قەدەر ھاللىنىپ قالغاندا ، ئالاھىدە بولىۋالماڭ، باشقىلارغا قىلغان ياخشىلىقىڭىزنى سورۇنلاردا سۆزلەپ يۈرمەڭ.
8.ئەگەر تۇرمۇش ياكى خىزمەتتىكى بەزى ئىشلاردا باشقىلاردىن ئاغرىنغان بولسىڭىز ، ئۇنىڭدىن تىخىمۇ رەنجىپ يىراقلىشىپ كەتمەي، ئۇنىڭغا نىسپەتەن قىزغىن ، سىلىق مۇئامىلى قىلىش ئارقىلىق ئۇلارنى تەسىرلەندۈرۈشكە تىرىشىڭ، ئەگەر بىرەر ئاغىنىڭىز ياكى سەبدىشىڭىز مىھمان چاقىرىپ ، بىرەر قىتىم سىزنى ئەستىن چىقىرىپ قويسا ، ئۇنىڭدىن رەنجىپ سۆز-چۆچەك قىلىپ يۈرمەڭ.
مەنبە؛<<ئائىلە ۋە مۇۋاپىقىيەت>>

raziya827

توغرا ئىيتىسىز .... باشقىلارغا مۇئامىلدە قىزغىن بولۇش ، باشقىلارغا ياردەم بىرىش بىز ئۇيغۇر مىللىتىنىڭ ئەنئەنۋى ئۆرىپ ئادىتى ... شۇنىڭ ئۈچۈن ھەممىمىز ئۆز - ئارا بىر - بىرىمزگە ياردەم بىرىپ ئۆتىشىمىز كېرەك ..... بەك ياخشى تىما يوللاپسىز .... ئەجرىڭىزگە تەشەككۈر ....

dartman119

تەربىيۋىي ئەمىيتى بار تېمىكەن بۇ ، رەھمەت جۇمۇ سىزگە مەنمۇ بېلىۋالدىم .
قەلمىڭىز ھارمىغاي

138

بەك ياخىشى تىما ئىكەن ، رەخىمەت . بۇنىدىن كيىن داۋامىلىق تىرشىڭ ، مەن سىزىگە ئامەت تىلەيىمەن.

hunter01

سىز بەك ئەھمىيەتلىك تېما يوللاپسىز . مەن بەك خوش بولدۇم .

nazakat1212

بىز كۈندىلىك تۇرمۇشتا بۇ ئىشلارغا دىققەت قىلمىساق بولمىدەك .

paelun

بەك ياخىشى تىما ئىكەن ، رەخىمەت . بۇنىدىن كيىن داۋامىلىق تىرشىڭ