جاپاكەش ئانىلار بايرىمىڭىزلارغا مۇبارەك بولسۇن !

gulimire

جاپاكەش ئانىلار بايرىمىڭىزلارغا مۇبارەك بولسۇن !






ئانىلار دۇنيانىڭ زىننىتى، كەلگۈسى دۇنيانىڭ ئىگىلىرى، ئەۋلادلار ئەقىللىق، كۆيۈمچان، مېھرىبان ئانىلارنىڭ ياخشى تەربىيىسى ئاستىدا ئۆسۈپ يېتىلىدۇ. ئانىلارنىڭ ساپاسى، ئانىلارنىڭ ئىچكى دۇنياسى پۈتۈن دۇنيانىڭ كەلگۈسىگە تەسىر كۆرسىتىدۇ. ئىنسانىيەت دۇنياسى نۇرغۇنلىغان تارىخى جەريانلارنى باشتىن كەچۈرۈپ بۈگۈنكىدەك پەن تېخنىكا دۇنياسىغا قەدەم قويدى. بۇ جەريان دەل ئىنسانلارنىڭ مۇكەممەللىككە ئىنتىلىش جەريانىدۇر.

يەنى ماددىۋىي يۈكسەكلىك بىلەن مەنىۋى يۈكسەكلىكنى تەڭ قوغلىشىۋاتقان بىر جەريان. لېكىن بىز شۇنى بايقىدۇقكى مەنىۋى يۈكسەكلىك ماددىۋىي يۈكسەكلىكنى بېسىپ چۈشكەن جەمئىيەت ناھايىتىمۇ گۈزەل بولغان، مېھرى مۇھەببەتكە تولغان بىر جەمئىيەت. ئەكسىچە بولغىنى كىشىنى يىرگەندۈرىدىغان جەمئىيەت. ئانىلار كەلگۈسى ئەۋلادلارنىڭ بىرىنچى ئوقۇتقۇچىسى، ئۇ ئۆزىنىڭ مېھرى مۇھەببىتى، سۆز ھەرىكىتى ئارقىلىق بىز ئەۋلادلارنى تەربىيىلەپ، بىز كېيىنكى ئەۋلادلارنىڭ مەنىۋى تەشنالىقىمىزنى قاندۇردى. شۇنىڭ ئۈچۈن بۇ مەنىۋى يۈكسەكلىكنىڭ تارقاتقۇچىسى دەل ئانىلاردۇر.



ئۇ ئۆزىنىڭ بەختىنى بىر ئائىلىنىڭ خۇشاللىقى ئۈچۈن ئاتىۋەتكەن ئىنساندۇر.
ئۇ ئۆز ھاياتىدىكى بارلىق ياخشى نەرسىلەرنى بالىلارنىڭ بىر تەبەسسۇم ئۇلاشقان كۈلكىسىگە تېگىشىۋەتكەن ئىنساندۇر .ئۇ ئىنسانىيەت ئەخلاق بۇلىقىنىڭ تۈگىمەس بولىقىدۇر.
ئۇ ۋەتەن، مىللەت روھىنىڭ يىقىلماس تۈۋرۈكىدۇر.
بۇنداق بىر جاپاكەش ئىنسانغا ھەر ۋاقىت رەھمىتىنى بىلدۈرۈش ھەر بىر ئەقىل ئىگىسىنىڭ باش تارتمايدىغان بۇرچى. شۇنىڭ ئۈچۈن بىز ئەۋلادلار ئانىلارنىڭ بىز ئۈچۈن قىلغان شۇ قۇربانلىقلىرىنى ئۇنتۇلۇپ قالمايلى! شۇ ياشىنىپ مۈكچىيىپ قالغان، تارتقان جاپالىرىنىڭ گۇۋاھچىسى بولغان پېشانىسىدىكى قورۇقلارنى ھەر ۋاقىت ئەسلىرىمىزدىن چىقارمايلى! ھەر ۋاقىت ئانىلارنىڭ قولىغا-قول، پۇتىغا پۇت بولۇپ، يېرىقىنى يېقىنلاشتۇرۇپ، ئەخلاق-پەزىلەت، ھۈنەر سەنئەتلەردە مۇۋەپپەقىيەتلەرنى قازىنىپ ئانىلارنىڭ تارتقان جاپاسىنى يەردە قويمايلى !
بۈگۈن دەل شۇ مېھنەتسىز جاپاكەشنىڭ بايرىمى. بۇ پۇرسەتتىن پايدىلىنىپ ئۇنىڭ بىزگە بەرگەن سۈت ھەققىگە رەھمىتىمىزنى بىلدۈرەيلى!

ئانا، جاپا چەكتىڭىز!




جاھاندا ھەممىدىن پاك ۋە نۇقسانسىز،
نە ئالتۇن، بىباھا گۆھەر،تەڭداشسىز.
بارلىقىنى پەرزەنت ئۆچۈن ئاتاپ مىننەتسىز،
بارمىدۇر سېنىڭدىن ئۇلۇغ زات ئانا.



ئاپارسام قانچە رەت ھەرەمگە يۈدۈپ،
ئۆتسەممۇ بىر ئۆمۈر ئوتۇڭدا كۆيۈپ.
قەرزىمنى يەنىلا قايتۇرالماسمەن،
كەچۈرگىن قىزىڭنى، رازى بول ئانا .


مەنبە : ئۆزۈم .

muslima12

بارلىق مىھرىبان ئانىلىرىمىزنىڭ بايرىمى قۇتلۇق بولغاي.ئۇلۇغ ئاللاھ ئانىلىرىمىزنىڭ تىنىنى سالامەت قىلىش بىلەن بىرگە،ئۇلارنى تىلەك مەقسەتلىرىگە يەتكۈزگەي.

fatima

مىھرىبان ئانىلىرمىزنىڭ بايرىمىغا مۇبارەك بولسۇن...ئانىلىرمىزنىڭ تىنى سالامەت ئۆمۈرى ئۇزۇن بولغاي .

oygurum

پۇتۇن دۇنيادىكى ئانىلارنىڭ بايرىمىغا مۇبارەك بولسۇن! ئۇلارنىڭ ئۆمىرنى ئۇزۇن قىلسۇن!

EPSON

جەننەت ئانىنىڭ ئايىغى ئاستىدا !ئۇلارنى قەدىرلەيلى ،خۇشال قىلىشقا تىرىشايلى،ئۇلاردىن تەسەللىرىمىزنى ئايىمايلى ! بارلىق ئانىلارنىڭ بايرىمىغا مۇبارەك بولسۇن،تېنى سالامەت ،ئۆمرى ئۇزۇن بولسۇن! ئەجرىڭىزگە رەخمەت،جاپا چىكىپسىز.

BARNA1

مەنمۇ چىن كۆڭلۈمدىن تەبرىكلەيمەن.ھەممىمىز ئانىمىز ئۈچۈن دۇئا قىلايلى.

xanba

ئانىلار بايرىمىنى ئەمىلى ھەركىتىمىز بىلەن تەبىرىكلەيلى!
قېنى مۇنبەرداشلارئانىلار بايرىمىدا ھەرقايسىڭلار بۇ بايرىمىنى قانداق تەبىرىكلىگەنلىگىڭلارنى سۆزلەپ باقساڭلار قانداق؟ بۇخاسىيەتلىك بايرامنى كىمنىڭ ئەڭ ئەھمىيەتلىك ئۆتكۈزگەنلىگىنى كۆرۈپ باقايلى!

sansiz

nazuk214

ئانىلار بايرىمىغا مۇبارەك بولسۇن...........

savdayi

ئانىلار ئۇلۇغ