بۇ ئالەمىنىڭ رىننىتى،ئىپىتىخارى ئانىلار،
گۈزەل ھايات پەسىلىنىڭ نەۋباھارى ئانىلار.
ۋاپا،مېھىر-شەپقەتنىڭ چىن ئىزھارى ئانىلار،
ئادىمىيىلىك،پاكىلىقىنىڭ كۈي-ئەشئارى ئانىلار،
مەۋجۇتلۇقنىڭ ئەڭ بۈيۈك تۆھپىكارى ئانىلار. 
نەزەر سالساق،ھاياتقا تۆككەن تەرى ئاز ئەمەس ،
ئىنىسان قەلىبى مېھىرىسىز باھار ئەمەس، ياز ئەمەس.
ئەجرى بىلەن گۈزەللىك بەرپا بولغان-تۇرغان دەرىس،
ئۇلۇغلۇقتا،ھۆرمەتتە يېگانىدۇر مۇقەددەس،
ناۋا-كۈيلەر مەنبەسى،مەدەتكارى ئانىلار.
ھاياتلىققا گويا ئۇ ئىسىسىق قانغا ئوخشايدۇ،
مەۋجۇتلۇقىنىڭ تۈۋرۈكى قۇياش،نانغا ئوخشايدۇ.
ئېيقادتىن ھىد چاچقا گۈلىستانغا ئوخشايدۇ،
پاكلىق بىرلە نۇرلانغان نۇرسىتانغا ئوخشايدۇ.
قۇت-بەختىنىڭ خىسلەتلىك تىلتۇمارى ئانىلار.
پەرزەنىت ئۈچۈن ياشايدۇ پىدا قىلىپ جېنىنى.
بېغىشلايدۇ ھەم ئاڭا بارچە زېھىن،غېمىنى،
قان-تەرىدە ياشنىتار پەرزنىت قەلب بېغىنى.
تەقدىم قىلار بى ئارمان گۈزەل ياشلىق چېغىنى.
ھاياتلىقىنىڭ تەۋرىمەس پەرۋىشكارى ئانىلار،
كۈن-تۈنلىرى مېھنەتتە ئۆتەر تەمە-مىننەتسىز،
نى-نى ئازاپ-جاپالار چەكسىمۇ گەر پۈتمەس تىز.
جىسىمى پۇلات گوياكى،مېھىرى چوڭقۇر بىر دېڭىز،
تۇتيادۇر بىلىگەنگە ئۇ قالدۇرغان ھەر بىر ئىز،
چىن ۋاپانىڭ قورغانى-پىداكارى ئانىلار.
پەرزەنتىلەرگە پەرھىزدۇر ئانا ئەجرىن ئاقلىماق،
تامچە ئاق سۈت ۋەزننى دىل-يۈرەكتە ساقلىماق.
ھە ئېغىز سۆز-ھېكمەتنى ئەسلا تايماي ياقلىماق،
قۇتتۇر ئانا قەلبىدە چولپان بۇلۇپ چاقنىماق،
سەۋر-چىدام،غەيرەتنىڭ ھەق سەردارى ئانىلار.
ئۇلۇغ ۋەتەن ئېھ ئانا،نامىڭ بىلەن ئاتالغان،
دەريا،كۆللەر،ئېقىنلا نامىڭ بىلەن سانالغان،
زېمىن،ماكان،مەكتەپلەر نامىڭ بىلەن تارالغان،
يۇرت،ھۆر دىيار،ھەتتا تىل نامىڭ بىلەن باغلانغان...
ئىنىسانلىقىنىڭ ئەبەدىي غەمگۇزارى ئانىلار.
دەيمەن؛چىدام-غەيرەتتە تاغلار ساڭا قايىلىدۇر،
پەزىلەتتە-سۈلكەتتە باغلار ساڭا قايىلىدۇر،
ھۆرمەت،شانۇشەۋكەتتە تاڭلار ساڭا قايىلىدۇر،
ۋىسال كۈلۈپ خۇش باققان چاغلار ساڭا قايىلىدۇر،
بۇ ھاياتنىڭ دات باسماس زۇلپىقارى ئانىلار. 
ئەنۋەر ئابلەت شەيدائى | 
يوللانغان ۋاقتى 2011-4-30 17:09
چاقىچاق . 