نىمە ئۈچۈن يازىمىز؟

gulimire

نىمە ئۈچۈن يازىمىز؟


دۇنيادىكى يازغۇچىلارنىڭ «سىز نىمە ئۈچۈن يازىسىز؟» دىگەن سۇئالغا بەرگەن جاۋابى ھەر خىل.

جۇڭگۇ يازغۇچىسى باجىن:
«مەن ئەدەبىيات ئارقىلىق ھاياتىمنى، مۇھىتىمنى، روھىي دۇنيارىمنى ئۆزگەرتىمەن».

تەيۋەن يازغۇچىسى چېن يىڭچېن:
«خورلانغۇچىلارنى قايتىدىن ئەركىنلىككە ۋە قەدىر-قىممەتكە ئېرىشتۈرۈش ئۈچۈن يازىمەن».

فىرانسىيە ئايال يازغۇچىسى ساگان:
«چۈنكى مەن يېزىشنى ياخشى كۆرىمەن».

نوبىل مۇكاپاتىغا ئېرىشكەن كولومبىيە يازغۇچىسى ماركوس:
«مېنىڭ يېزىقچىلىق قىلىشىم دوستلىرىمنىڭ مېنى تېخىمۇ ئۇزاق سۆيۈشى ئۈچۈن».

ئەنگىلىيە يازغۇچىسى گېرىن:
«جاراھىتىم چوڭايسا، پىشسا، مەن ئۇنى سىقىۋىتىمەن. يېزىقچىلىق دەل مۇشۇنداق ئىش».

ئامىرىكا يازغۇچىسى ئاسىموۋ:
«مېنىڭ يېزىقچىلىق قىلىشىم نەپەسلىنىشىمگە ئوخشاش بىر ئىش. مەن بۇنداق قىلمىسام ئۆلۈپ قالىمەن».

سوۋىت شائىرى كوچىنا:
«مېنىڭ يېزىقچىلىق قىلىشىم ئۇنىڭدىن زوق ئېلىش ۋە شادلىق تېپىش ئۈچۈن... ھەسەل ھەرىسى ھەر خىل گۈللەرنىڭ شىرنىسىنى نىمە ئۈچۈن يىغىدىغانلىقىنى سوراپ ئولتۇرمايدۇ».

برازىلىيە يازغۇچىسى سوسا:
«يېزىقچىلىق – مېنىڭ كەسپىم. مەن يېزىقچىلىق قىلمىسام قەلەم ھەققىگە ئېرىشەلمەيمەن، يەيدىغانغا تاماقمۇ بولمايدۇ».

نوبىل مۇكاپاتىغا ئېرىشكەن فرانسىيەدە ئولتۇراقلىشىپ قالغان ئىرلاندىيەلىك ئەدىب بېكىت:
«يېزىقچىلىق قىلىشتىنمۇ ياخشىراق ئىش بارمۇ؟».

گىرمانىيە يازغۇچىسى گېراس:
«مېنىڭ يېزىقچىلىق قىلىشىم مېنىڭ باشقا ئىش قىلىشقا ئىقتىدارىم بولمىغانلىقتىن».

ئامىرىكا يازغۇچىسى گېل ۋېدال:
«بىز يازغۇچى ئىكەنمىز، يېزىشتىن باشقا تاللىشىمىز بولمايدۇ. ناۋادا بىز يازغۇچى بولمىغان بولساق، بىزدە بۇنداق ئىستەكمۇ بولمىغان بولاتتى».

ئارگىنتىنا يازغۇچىسى بورخىس:
«يېزىشنى توختۇتۇپ قويالمايمەن. مەن ئەزەلدىن كەسپىمنى بىر ئەدەبىيات ئوقۇرمىنى بولۇش، شۇنداقلا بىر يازغۇچى بولۇش دەپ بىلىمەن».

ئافرىقىلىق يازغۇچى لېنبېر باخېر ھانەن:
«ئەگەر سەن مېنىڭ ئانام بولمىساڭ، مەن ئەلۋەتتە ئالەمنى تولۇق كېزىپ بولسىمۇ سېنى ئىزلەپ تاپىمەن.سېنىڭ مېنى بۇ دۇنياغا تۇغۇشىڭنى ئۆتۈنىمەن».

ئىتالىيە يازغۇچىسى گامېن:
«مېنىڭ يېزىقچىلىق قىلىشىم قىساس ئېلىش ئۈچۈن. قەلبىمدىكى بۇ قىساس ئادالەتلىك، مۇقەددەس، شەرەپلىكتۇر».

(مەنبە: «كىتاپخانلار ئۈچۈن تەرمىلەر» ژورنىلىنىڭ 1986-يىللىق 4-سانى. ئەنۋەر سەمەد تەرجىمە قىلغان. تورغا تەييارلىغۇچى: كەتمەنباي.)

savdayi

رەخمەت سىزگە !!
ئۇنداقتا سىزدىن سۇراپ باقاي . سىز نىمە ئۇچۇن يازسىز ؟

gulimire

ئىنكاس قايتۇرۇش savdayi نىڭ يازمىسى

مەندىن سوراشتىن بۇرۇن ،ئۆزىڭىزدىن سوراڭ .......................

savdayi

ئۇقمىغاچقا سىزدىن سۇرۇدۇم

nazuk214

مەن بولسام يىزىشقا قىزىقىمەن ،شۇڭا يازىمەن ،ئەمما بۇ ئويلىنىشقا تېگىشلىك
ئىشكەن........رەخمەت سىزگە........

138

شۇنىداق يېزىشىنىڭ ئۆزى بىر قىزىقىش . . لېكىن ئادەمىنى ئويغا سالىغىدەك تىما ئىكەن . تىما ئىگىسىگە كۆپ رەخىمەت . ھارمىغايىسز . بۇنىدىن كىيىنمۇ داۋامىلىق يوللاپ تۇرۇڭ . ئىزتۇردا ئىزلىرڭىز قالىغۇسى .

muslima12

مەن ئادەتتە كىشىلەرگە ئازراق پايدىسى تىگەرمىكىن،يامان يولدا بولسا شۇ يولدىن قايتىپ ياخشىلىق يولىدا ماڭارمىكىن ،ئىبرەت ئالارمىكىن دىگەن نىيەت بىلەنلا يازىمەن.