گۈزەل شىنجاڭغا مەدھىيە !ئاپتورى ( ئاتاش-ماكان)
گۈزەل يۇرتۇم ئەي شىنجاڭ كۈيلەپ سېنى ھارمايمەن ، كەزسەم سېنى قانچە رەت ھەرگىز چارچاپ قالمايمەن .
بارلىقىم سەن، ئۇلۇغ سەن ،مېھرى ئاتەش ئانامسەن ،
سەن بولغاچقا مەن بولغان ، سەندىن ھەرگىز تانمايمەن .
ئېسىل خىسلەت ھەم ئادەت يېتىلگەن بۇ ماكاندا،
يۇقلار تۇققان ،دوستلارنى ھېيت-ئايەمدە ، بايرامدا .
ئاقكۆڭۈل ھەم مېھمان دوست كۈتەر قىزغىن مېھماننى،
مەيلى خوتەن ھەم تۇرپان ، مەيلى ئالتاي ،سايرامدا .
ھوزۇر بېرەر دىللارغا يۇرتۇمنىڭ ساپ ھاۋاسى ،
بولۇر ئىللىق ،ساپ ھاۋا مىسكىن كۈڭۈل داۋاسى .
قەدىمدىنلا بۇ تۇپراق ناخشا –ئۇسسۇل ماكانى ،
ھەممە يەردە ياڭرايدۇ خۇشال مەشرەپ ناۋاسى ،
ئاۋات شەھەر ئۈرۈمچى پەرقى يوقتۇر كۈن-تۈنى،
جاي-جايلاردىن كەلگەنلەر ئۈزۈلمەيدۇ ھەر كۈنى .
سىياسى ھەم ئىقتىساد ،مەدەنىيەت مەركىزى ، دىيارىمنىڭ پورەكلەپ ئېچىلۋاتقان بىر گۈلى .
تۇرپان ئۆزى بىر جەننەت داڭلىق ئۈزۈم ماكانى ،
تىلنى يارار كىشمىچى ، مىۋىلەرنىڭ سولتانى .
خاسىيەتلىك مىۋە ئۇ چىققان ئىكەن جەننەتتىن ،
كۆپ يېگەنلەر ئۈزۈمنى بولۇر ئۆمۈر چولپانى .
قۇمۇل قوغۇن ماكانى ھەممە يېرى بەك ئاۋات ،
قوغۇن بىلەن بازاردا قىلار ھەممە تاپاۋات .
داڭقى كەتكەن ھەريەرگە بەكمۇ شېرىن تەملىك ئۇ ،
شۈبھىلەنمەڭ ئوكۇل قىپ ئۇرغانمۇ دەپ قەن –ناۋات .
نەشپۈتلىرى كورلىنىڭ كۆتىرەلمەس شېخىنى ،
نەشپۈتزارغا كىرسىڭىز تاپالمايسىز چېتىنى .
تەركىبىدە ئوزۇقلۇق مول بولغاچقا يېسە كىم ،
نۇر ياغدۇرار چېھرىدىن بۇزماس ھەرگىز پېتىنى .
داڭلىق ئاخسۇ گۈرۈچى ئەلنىڭ ئېسىل ئاشلىقى ،
پولو دېگەن ئەزەلدىن تائاملارنىڭ باشلىقى .
قۇۋەت بېرەر ھەر تەنگە پات-پات يېسە پولونى ،
كۈچ-قۇۋىتى ئۇرغۇيدۇ ،تۈگىمەيدۇ ياشلىقى .
شۇنچە داڭلىق قەشقەرنىڭ پىشقان قىزىل ئانارى ،
بەكمۇ شېرىن ھەم كۆركەم مېيۋىلەرنىڭ سەردارى .
قەدىمدىنلا رىتسىپقا چۈشكەن قىممەت دورا دەپ ، ئۇرغۇپ تۇرار يېسە كىم ، كۈچ-قۇۋىتى ، مادارى .
داڭقى كەتكەن ئاتۇشنىڭ شېرىن-شېكەر ئەنجۈرى ،
كىندىكىگە قارىسىڭىز تامار شېكەر – قەنلىرى ،
قۇۋۋەت –ئوزۇق مېڭىگە ، شىپا تۈمەن كېسەلگە ،
دائىم يېسە قېرىماس ، پۈكۈلمەيدۇ بەللىرى .
ئېلىخونىڭ ئالمىسى مەشھور يەنە جاھانغا ،
ئوخشىتىمىز ئالمىنى مەڭزى قىزىل جانانغا .
تەركىۋى مول ئوزۇقلۇق شۇڭا بەكمۇ ئەتىۋار ،
تالىشىدۇ ھەر كىشى ئالما چىقسا بازارغا .
كەلسە ھەر يەر –ھەر يەردىن مېھمان بولۇپ خوتەنگە ،
كۆزى چۈشەر شۇ ھامان ئەتلەس بىلەن گىلەمگە .
كۈيلىگەنتى ناخشىدا «داڭلىق خوتەن گىلىمى »دەپ ، سىڭىپ كەتكەن بۇ ناخشا بۇرۇندىنلا مېڭەمگە .
ئەجەپ كۆركەم چىرايلىق ئالتاي –چۆچەك يايلىقى ،
ھەممە يېرى ياپيېشىل يوقتۇر قاقاس سايلىقى .
ئاستى تولغان مەدەنگە ،ئۈستى ئوتلاق ھەم ئورمان ، ھەممە يەردە مال –چارۋا تولۇپ كەتكەن بايلىقى .
مەنبە ؛ ساقلىۋالغانلىرىم بۇ يازمىنى ئاخىرىدا fatima تەھرىرلىگەن. ۋاقتى 2011-5-5 19:25
| 
يوللانغان ۋاقتى 2011-5-5 18:04
يوللانغان ۋاقتى 2011-5-5 19:13
