ئىران يادرو قورالى ياساش ئىقتىدارى بارلىقى ...

يەر شارى تورىنىڭ 8-ئاپرېل خەۋىرى: «ئەل-ئەرەبىيە» ئاخبارات تورىنىڭ 4-ئاينىڭ 7-كۈنىدىكى خەۋەرگە ئاساسلانغاندا، ئىران ھۆكۈمىتى «بىرىنچى قېتىم ئىراننىڭ يادرو قورالى ياساش ئىقتىدارى بارلىقىنى ئېتراپ قىلغان». ئىران پارلامېنت ئەزاسى غۇلام رىزا مەسباھى موغادەم 4-ئاينىڭ 7-كۈنى ئىراننىڭ يادرو قورالى ياساش بىلىمى ۋە تېخنىكىسىنى ئىگىلىپ بولغانلىقىنى «ناھايىتى ئاسانلا» ئاتوم بومبىسىغا كېرەك يۇقىرى قويۇقلۇقتىكى ئۇراننى ياساپ چىقالايدىغانلىقىنى ئېيتقان؛ ئەمما ئۇ بىرلا ۋاقىتتا «ئىران ھۆكۈمىتى بۇ يولدا ماڭمايدۇ» غانلىقىنى تەكىتلىگەن.

ئوتتۇرا شەرق ئاخباراتلىرىنىڭ قارىشىچە، گەرچە غولام رىزانىڭ قارىشى ئىران ھۆكۈمىتىنىڭ يادرو مەسىلىسىدىكى مەيدانىغا پۈتۈنلەي ۋەكىللىك قىلالمىسىمۇ، ئەمما مۇنداق يۇقىرى دەرىجىلىك ئىران سىياسىئونىنىڭ ئىراننىڭ يادرو قورالى ياساش ئىقتىدارى بارلىقىنى ئاشكارا ئېتراپ قىلىشى تۇنجى قېتىملىق ئىش ئىكەن. نۆۋەتتە، يېڭى بىر نۆۋەتلىك يادرو سۆھبىتىنى قايتا باشلاش خىزمىتى جىددىي ئىشلەنمەكتە، غولام رىزانىڭ سۆزى شەك-شۈبھسىزكى ئوتتۇرا شەرق جامائەت پىكىرى ۋە ئاخباراتلارنىڭ يۇقىرى دەرىجىدە دىققىتىنى تارتىدۇ.

(نەپرەت)