يەر شارى تورىنىڭ ئۇنىۋېرسال خەۋىرى: ئامېرىكا دېڭىز ئارمىيەسى تورىنىڭ خەۋىرىگە ئاساسلانغاندا، نۆۋەتتە ئامېرىكىنىڭ ئىككى دانە نىمىتز دەرىجەلىك ئاۋىئاماتكىسى غەربىي تىنچ ئوكيان رايونىدا ئادەتتىكى چارلاش ۋەزىپىسىنى ئۆتىمەكتە، بۇلار CVN 73ۋاشىنگتون ناملىق ئاۋىئاماتكا ۋە CVN 74ستېنىس ناملىق ئاۋىئاماتكا ئىكەن. بۇ ئىككى ئاۋىئاماتكا يېقىندا ئامېرىكا ئارمىيەسى تىنچ ئوكيان رايونىدا بىر ھەپتە ئۆتكۈزگەن «پالۋان قالقىنى» 2012 ناملىق بىرلەشمە مانېۋىرغا قاتناشقان.
ئامېرىكا ئارمىيەسىنىڭ ئەڭ يېڭى ئۇرۇش ئورۇنلاشتۇرمىسىغا ئاساسەن، ستېنىس ناملىق ئاۋىئاماتكا سېپى ئامېرىكىنىڭ 5- فلوتى تۇرۇشلۇق جاي پارس قولتۇقى ئەتراپىغا ئەۋەتىلىپ، چەتئەلدە سەككىز ئاي ئورۇنلاشتۇرۇش ۋەزىپىسىنى ئىجرا قىلىدۇ، نۆۋەتتە بۇ ئاۋىئاماتكا غەربىي تىنچ ئوكيان رايونىدا ۋاشىنگتون ناملىق ئاۋىئاماتكا بىلەن بىرلىكتە چارلاش ۋەزىپىسىنى ئىجرا قىلماقتا. نۆۋەتتە، ئامېرىكا دېڭىز ئارمىيەسىنىڭ ئورۇنلاشتۇرۇش ۋەزىپىسىنى ئىجرا قىلىۋاتقان ئۈچ ئاۋىئاماتكىسى بولۇپ، بۇنىڭ ئىچىدىكى ۋاشىنگتون ناملىق ئاۋىئاماتكا ئاسىيادا ھەرىكەت قىلماقتا. كارخانا ناملىق ۋە ئېيسىنخوۋېر ناملىق ئاۋىئاماتكا پارس قولتۇقىدا ئورۇنلاشماقتا. ستېنىس ناملىق ئاۋىئاماتكىنىڭ يېقىندا ئورۇنلاشتۇرۇش قاتارىغا كىرىشى بىلەن، ئامېرىكا ئارمىيەسىنىڭ ئورۇنلاشتۇرما ھالىتىدە تۇرۇۋاتقان ئاۋىئاماتكىسىنىڭ سانى تۆتكە يېتىپ، ئادەتتىكى ئىككى دانە ئاۋىئاماتكا ئورۇنلاشتۇرۇش ھالىتىدىن ھالقىپ كەتتى.
 

سۈرەتتە: 9- ئاينىڭ 20- كۈنى، تىنچ ئوكيان، ئامېرىكىنىڭ «پالۋان قالقىنى» 2012 ناملىق بىرلەشمە مانېۋىرغا قاتناشقان ۋاشىنگتون ناملىق ئاۋىئاماتكىسى (سولدا)، ستېنىس ناملىق ئاۋىئاماتكىسى (ئوڭدا) ۋە USS Mobile Bay (CG 53)ناملىق ئوكيان چارلاش پاراخوتى دېڭىزدا قاتنىماقتا.
 

سۈرەتتە: 9- ئاينىڭ 20- كۈنى، ئامېرىكىنىڭ ۋاشىنگتون ناملىق ئاۋىئاماتكىسى USS Mobile Bay (CG 53)ناملىق ئوكيان چارلاش پاراخوتى بىلەن غەربىي تىنچ ئوكياندا قاتنىماقتا.
 

سۈرەتتە: 9- ئاينىڭ 20- كۈنى، غەربىي تىنچ ئوكيان، ئامېرىكىنىڭ «پالۋان قالقىنى» 2012 ناملىق بىرلەشمە مانېۋىرغا قاتناشقان ستېنىس ناملىق ئاۋىئاماتكىسى USS Mobile Bay (CG 53)ناملىق ئوكيان چارلاش پاراخوتى بىلەن دېڭىزدا قاتنىماقتا.
 

سۈرەتتە: 9- ئاينىڭ 19- كۈنى، تىنچ ئوكيان، ستېنىس ناملىق ئاۋىئاماتكا تىك ھالەتتە تەمىنلەش مەشىقى قىلماقتا.
 

سۈرەتتە: 9- ئاينىڭ 21- كۈنى، بىر دانە F/A-18Fتىپلىق پاراخوت ئايروپىلانى ستېنىس ناملىق ئاۋىئاماتكىغا قوندى، پالوبىدىكى ئوت ئۆچۈرۈش خادىملىرى تەق بولۇپ تۇرماقتا.
 

تىك ئۇچار ئايروپىلان USS Mobile Bay (CG 53)ناملىق ئوكيان چارلاش پاراخوتىغا تەمىنات تاشلىماقتا.