70% ئامېرىكىلىق ئىرانغا ھەربىي زەربە بېرىشكە قارشى تۇرىدۇ - huxhuy online----Sports|world News|it News|china News|Local News Business

[ئىسرائىلىيە «دۆلەت زىمىنى گېزىتى»تور بېكىتىنىڭ 13-سېنتەبىر خەۋىرى ] گەرچە ئىرانىڭ يادرو پىلانى ئامېرىكىغا نىسبەتەن «ئېغىر تەھدىت»بولسىمۇ، لېكىن روشەنكى كۆپ ساندىكى ئامېرىكىلىقلار تېھرانغا ھەربىي زەربە بېرىشكە قارشى تۇرۇپ، ب د ت نىڭ جازالىشى ۋە دىپلوماتىيە سۆھبىتى سىياسىتىنى يۈرگۈزۈشنى قوللايدۇ.
     چىكاگو خەلقئارا ئىشلار ئىلمىي جەمئىيىتى ئېلان قىلغان ئەڭ يېڭى ئەل رايىنى تەكشۈرۈش نەتىجىسىدىن مەلۇم بولىشىچە، %70 ئامېرىكىلىق ب د ت خەۋپسىزلىك كېڭىشى ھوقۇق بەرمىگەن ئەھۋال ئاستىدا ئىرانغا ھەربىي زەربە بېرىشكە قارشى تۇرغان؛ ب د ت خەۋپسىزلىك كېڭىشى ھەرربىي زەربە بېرىشكە ھوقۇق بەرگەن تەقدىردىمۇ يەنىلا %51 ئامېرىكىلىق ئىرانغا ھەربە زەربە بېرىشكە قارشى تۇرغان. بۇ «يېڭى ئەسىردىكى دىپلوماتىيە سىياسىتى»تېمىدىكى ئەڭ يېڭى يىللىق ئەل رايى تەكشۈرۈش نەتىجىسى ئامېرىكىلىقلارنىڭ دىپلوماتىيە ئىشلىرىغا تۇتقان پوزىتسىيەسىنى ئەكس ئەتتۈرگەن. بۇنىڭدىن سىرت، مۇبادا ئىران ئىسرائىلىيەدىن ئالدىن قول سېلىپ زەربە بەرگەنلىكىدىن ئۆچ ئالسا، %59 ئامىرىكىلىق ئىسرائىلىيەگە ۋەكالىتەن ئارىلىشىشىغا قارشى تۇرغان.
     يەنە بىر جەھەتتە، %79 ئامېرىكىلىق، ب د ت خەۋپسىزلىك كېڭىشى ئارقىلىق تېھرانغا يەنىمۇ ئىلگىرىلىگەن جازالاش يۈرگۈزۈش لازىم، دەپ قارىغان، %67 ئامېرىكىلىق: ئامېرىكا ھۆكۈمىتى تېھران ھاكىمىيىتى بىلەن بىۋاستە دىپلوماتىيە ئۇچرىشىشى ئېلىپ بېرىشى لازىم، دەپ قارىغان.
        ئومۇمىي جەھەتتىن ئېلىپ ئېيتقاندا، بۇ ئەل رايىنى تەكشۈرۈش نەتىجىسىدىن، «11-سېنتەبىر»تېرورلۇق ھۇجۇم قىلىش ۋەقەسى يۈز بەرگىنىگە 11يىل بولغان بۈگۈنكى كۈندە ئامېرىكىلىقلارنىڭ خەلقئارا ئىشلارغا تۇتقان پوزىتسىيەسىدە ئۆزگۈرۈش يۈز بەرگەنلىكى مەلۇم بولدى. گەرچە ئامېرىكىلىقلار ھېلىھەم ئوتتۇرا شەرق، خەلقئارا تېرورلۇق ۋە لۈكچەك يادرو كۈچىنى ئامېرىكىنىڭ خەلقئارادىكى مەنپەئەتىدىكى ئەڭ چوڭ تەھدىت قارايدىغان بولسىمۇ، لېكىن ئۇلارنىڭ ھازىر بۇ تەھدىتلەرنى يوقىتىش ئۈچۈن ئىلگىرىكىگە ئوخشاش ھەربىي جەھەتتە ئارىلىشىشنى قوللاشقا مايىل ئەمەس.