سومالىنىڭ يېڭى زۇڭتۇڭى قۇرئان تۇتۇپ ۋەزىپە تاپشۇرۇۋالدى - huxhuy online----Sports|world News|it News|china News|Local News Business

[ئىسپانىيە «دۆلەت گېزىتى»نىڭ 12-سېنتەبىر خەۋىرى] ھەسەن شەيخ مەخمۇد بۈگۈن سومالىدا ئۆتكۈزۈلگەن زۇڭتۇڭ سايلىمىدا غەلىبە قىلىپ، مۇستەبىت سىياد باري 1991-يىلى تەختىدىن چۈشۈپ، سومالىدا ئىچكى ئۇرۇش باشلانغاندىن بويان تولۇق ھوقۇققا ئىگە بولغان، ئۆتكۈنچى مەزگىلدىكى مەسئۇلىيەتنى ئاددىي ئادا قىلمايدىغان تۇنجى زۇڭتۇڭ بولۇپ قالدى . مەخمۇد ئىلگىرى ئۇنىۋېرسىتېتتا پىروفېسسور بولغان، ئۇ ب د ت مائارىپ، پەن، مەدەنىيەت تەشكىلاتى، ب د ت تەرەققىيات پىلان مەھكىمىسى قاتارلىق خەلقئارالىق تەشكىلاتلاردا خىزمەت قىلغان.
يېڭى زۇڭتۇڭ سومالى مەدەنىيەت قاتلىمى، سودىگەرلەر ۋە ئوخشاش بولمىغان قەبىلىلەرنىڭ قوللىشىغا ئېرىشكەن ۋەكىل دەپ قارالدى.
ماخموت ئەمدى زۇڭلى تەيىنلەيدۇ، زۇڭلى 1991-يىلىدىن بۇيانقى تۇنجى ئۆتكۈنچى خاراكتېرىدە بولمىغان ھۆكۈمەتنى تەشكىللەپ قۇرۇشقا مەسئۇل بولىدۇ. يېڭى ھۆكۈمەت چىرىكلەشكەن، خىزمەت ئۈنۈمى تۆۋەن بولغان ئۆتكۈنچى ھۆكۈمەتتىن خالى بولۇشنى ئۆز ئىچىگە ئالغان ئۈچ ساھەدە زور خىرىسقا دۇچ كېلىدۇ، ئافىرىقا ئىتتىپاقىنىڭ تىنچلىق ساقلاش قىسىمى بىلەن داۋاملىق ھەمكارلىشىپ، ھازىر سومالىنىڭ جەنۇبىي ۋە ئوتتۇرا قىسىم رايونلىرىدا يەنىلا ئىنتايىن جانلىق ھەرىكەت قىلىۋاتقان رادىكال ئىسلام تەشكىلاتى-ياشلار پارتىيەسىگە ئورتاق تاقابىل تۇرىدۇ، ياشلار پارتىيەسىنى مەغلۇپ قىلغاندىن كېيىن ھوقۇق بوشلۇقىنى ئىگىلەيدۇ.
سومالى 1991-يىلى سىياد بارىي تەختىدىن چۈشكەندىن كېيىن ئۇزاققىچە ئۇرۇشقا پېتىپ قالغان. گەرچە ئۆتكۈنچى ھۆكۈمەت ۋە پارلامېنت بولغان بولسىمۇ، لېكىن بۇ قېتىمقى سايلام ئالدىنقى ئەسىرنىڭ 60-يىللىرىدىن بويان تۇنجى قېتىم سومالى چېگرىسى ئىچىدە ئېلىپ بېرىلغان پارلامېنت ئەزالىرى ۋە زۇڭتۇڭ سايلىمى بولدى . گەرچە بۇ سومالىنىڭ سىياسىي ئۆتكۈنچى دەۋرى ئاخىرلاشقانلىقىدىن دېرەك بەرسىمۇ، لېكىن تەھلىلچىلەر: ھەقىقىي، ياخشى، دېموكراتىك سومالى ھۆكۈمىتىنى قۇرۇش ئۈچۈن ۋەزىپە ئېغىر، يول يىراق بولىدۇ، دەپ قارىدى.