كىشلەرنىڭ ئۆزى كۆرگەن بىرەر كىنو ياكى كارتوندىكى پېرسوناژلارنى ياخشى كۆرۈپ قېلىشىنى توغرا چۈشەنگىلى بولىدۇ، لېكىن بىر قىسىم ئادەملەر ئۇلارنى ياخشى كۆرۈش بىلەنلا بولدى قىلماستىن، تېخى شەكىل ئۆزگەرتىش ئوپراتسىيەسى قىلدۇرۇش ئارقىلىق كۆڭلىدىكى مەبۇدىسىغا ئوخشاش بولىۋىلىشنى ئارزۇ قىلىدىغانلار بار، قېنى ئۈنۈمى قانداق بولدىكىن، تۆۋەندىكى كىشلەرنى كۆرۈپ باقايلى، ئۇلارنىڭ شەكىل ئۆزگەرتىش ئوپراتسىيەسى ئوڭۇشلۇق بوپتىمۇ قانداق بوپتۇ.
39ياشلىق ئەنگلىيەلىك ئەر Gavin Paslowبولسا 3500 فوندېستېرلىڭ سەرپ قىلىپ چىشىنى، تىلىنى، كاللىسىنى تۈزەتكەن، مەقسىتى بولسا كىنودىكى ئالۋاستىلارغا ئوخشاش بولۇش ئۈچۈن، بارلىق ئوپراتسىيە بىر ۋاقىتتىلا ئېلىپ بېرىلغان بولۇپ، يەنە تېخى ناركوزلانمىغان ئەھۋال ئاستىدا ئوپراتسىيە قىلدۇرغان، بۇ ئەر بەكلا غەلىتە بولۇپ، پائالىيەتلەرگە قاتناشسا ناھايىتى قورقنۇچلۇق گىرىملەرنى قىلىۋالىدىكەن، پەرىشتىلەر بايرىمى ئۇ ئەڭ ئامراق بايرامكەن.
بۇ يىل 49ياشقا كىرگەن ئەنگلىيەلىك سارا.بارگىنىڭ ئارزۇسى بولسا باربى قونچاققا ئوخشاش بولىۋىلىش، ئۇنىڭ ئوپراتسىيە قىلغان سانى جىنىس رېكورتىغا كىرگۈزۈلگەن، كۆپ يىللاردىن بۇيان ئۇ يۈز قېتىمدىن ئارتۇق ئوپراتسىيە قىلدۇرۇپ بولغان بولۇپ، ئۇنىڭ توختىماي ئوپراتسىيە قىلدۇرۇشى كىشىنى ھەيران قالدۇرىدۇ. ئۇنىڭ ئارزۇسى زادى باربى قونچاققا ئوخشاش بولۇشمۇ ياكى شەكىل تۈزەش ئوپراتسىيە قىلىش رېكورتىنى يارىتىشىمۇ كىشى چۈشىنىپ بولالمايدۇ.
كوچىدا نەچچە مىڭ يىل ئىلگىرى ياشىغان ئادەمنى كۆرىسىڭىز قانداق بولۇپ قالىسىز؟ مانا نىللىن.نامىتا ئىسىملىك ئايال شەكىل تۈزەش ئوپراتسىيەسى ئارقىلىق 2000نەچچە يىل ئىلگىرى ياشىغان مىسىر خانىشىغا ئوخشاش بولىۋالغان. بۇ يىل 49ياشقا كىرگەن نىللىن.نامىتا ئۈچ بالىنىڭ ئانىسى، ئۇنىڭ كىچىك چېغىدا، ياشلىق مەزگىلىدە مىسىرغا بېرىشنى شۇنداق ئارزۇ قىلغان بولسىمۇ بارالمىغان، ئۇ دائىم مىسىر خانىشىنى چۈشەيدىغان بولۇپ، ئۇنىڭغا شۇنداق ھەۋەس قىلىدىكەن، شۇنىڭ بىلەن 1987-يىلى ئۇ شەكىل تۈزەش ئوپراتسىيەسى قىلدۇرۇش مۇساپىسىنى باشلىۋەتكەن، ئۇ 51قېتىم شەكىل تۈزەش ئوپراتسىيەسى قىلدۇرۇپ باققان بولۇپ، ئۇ ئاخىرى مىسىر خانىشىغا ئازراق ئوخشىغان. ئۇ ئۆزىدىن ناھايىتى پەخرلەنگەن ھالدا:« مېنى 50تىن ئاشتى دېسە ھېچكىم ئىشەنمەيدۇ، ئۈچ بالام بار دېسەم تېخىمۇ شۇنداق، ھەممىسى مېنى قاراشتا 25ياشقا كىرگەندەك كۆرۈنىدىكەنسىز دېدى»دېگەن.
ئەنگلىيەدىكى 57ياشلىق Annette Edwardبولسا كارتوندىكى توشقان جېشكانىڭ مەستانىسى، ئۇ شەكىل تۈزەش ئوپراتسىيەسى قىلدۇرۇش ئارقىلىق شۇنىڭغا ئوخشىۋالغان. ئۇ توشقاننى بەكلا ياخشى كۆرىدىغان بولۇپ، ئۆزىنىڭمۇ كارتوندىكى جېشكادەك ئوماق بولۇشىنى ئارزۇ قىلىدۇ، ئۇ بىر ھەپتىگە يەتكەن مۇرەككەپ ئوپراتسىيەنى قوبۇل قىلغان، ئۇ ھازىر تاراتقۇلارنىڭ نەزىرىدە ناھايىتى نام چىقارغان ئايال ھېسابلىنىدۇ، «سۆلەتۋاز بەگزادە»ژۇرنىلى تېخى ئۇنى تەكلىپ قىلغان.
سىز بۇ رەسىمنى كۆرگەندە بۇلارنى قوشماقمۇ نېمە دەپ قالىسىز، ئەمەلىيەتتە ئۇلار ئاچا-سىڭىل قوشماق بولماستىن ئانا-بالا. جەنىت 13مىڭ دوللار سەرپ قىلىپ قىزى بىلەن ئوخشاش بولۇش ئۈچۈن شەكىل تۈزەش ئوپراتسىيەسى قىلدۇرغان، ئۇلار قاراشتا شۇنداق ئوخشايدۇ، كىشلەر ئۇلارنى قوشماق دەپ قالىدۇ.
