يەر شارى تورى خەۋىرى ،ئامېرىكا ئاخبارات ئاگېنتلىقىنىڭ 1-ئاينىڭ 10-كۈنىدىكى خەۋىرىدە ئېيتىلىشىچە ،ئامېرىكا دۆلەت مۇداپىئەسىنىڭ باياناتچىسى مۇنداق دېدى،ئامېرىكا دېڭىز بويىدىكى قوغدىغۇچى ساقچىلارنىڭ بىر كېمىسى يېقىنقى 10 كۈن ئىچىدە پېرسىيە قولتۇقى رايونىدا 6 نەپەر ئېرانلىقنى قۇتقۇزىۋالدى .مەلۇماتلاردا ئېيتىلىشىچە،بۇ ئامېرىكىنىڭ بىر ھەپتە ئىچىدە ئىككىنچى قېتىم ئېرانلىقنى قۇتقۇزىشى ئىكەن .

  ئۇ يەنە مۇنداق دېدى ،بىر يۈك كېمىسى ماتورغا سۇ كىرىپ كەتكەنلىكتىن ئېراقنىڭ ئۇمكاسى پورتىنىڭ شەرىقىي شىمال قىسىمىدىكى دېڭىز تەۋەلىكىدە توختاپ قالغان .كېمىدىكى ئېرانلىقلار 10-چىسىلا سەھەر سائەت 3 لەر ئەتىراپىدا قول چىراغنى ئىشلىتىپ ،ئامېرىكا دېڭىز بويىدىكى قوغدىغۇچى ساقچىلارنىڭ بىر كېمىسىنى ئۆزىگە قاراتقان.كېمىدىكى بىر كىشى ماتورنى ئوڭشاش جەريانىدا كۆيۈپ يارلانغان بولۇپ ئامېركىنىڭ داۋالاپ قۇتقۇزۇش كېمىسىدە داۋالانماقتا .لېكىن ھازىرغىچە ئامېرىكا ساقچى تەرەپنىڭ قانداق قىلىپ بۇ ئېرانلىقلارنى دۆلىتىگە قايتۇرۇشى ئېنىق ئەمەس ئىكەن .

  مەلۇماتلاردا كۆرسىتىلىشىچە ،مۇشۇ ئاينىڭ 5-كۈنى ،ئېران دېڭىز ئارمىيسى ئەرەپ دېڭىزى تەۋەلىكىدە تۇتقۇن قىلىنغىنىغا 40 نەچچە كۈن بولغان 13 نەپەر ئېرانلىق بېلىقچىنى قۇتقۇزىۋالغان.