1986-يىلى ئۇ مەكتەپنى ياخشى نەتىجە بىلەن پۈتكۈزۈپ، شىنجاڭ ئوپېرا تىياتىرىدا ئارتىس بولدى. دۇنيادا ئەلنىڭ ھۆرمەت-ئىشەنچىسىدىنمۇ ئالىي مۇكاپات بولمىسا كېرەك. ئادىل مىجىت چىداملىق كەمتەر روھى بىلەن ماھارەت سەھنىسىگە قەدەم قويدى. ئادىل مىجىت ئۇزۇن يىل ئېرىشكەن ئالقىشنى ئۆزىگە تۈرتكە قىلىپ، ئۆزىگە قاتتىق تەلەپ قويۇپ، ئېتوت سەنئىتىنى شىنجاڭ سەھنىسىدە ۋۇجۇدقا كەلتۈرۈپ، بۈگۈنكى كۈنگە كەلگەندە ئېتوت سەنئىتىنى يۈكسەك پەللىگە كۆتۈرۈپ، شىنجاڭ تارىخىدا كۆرۈلۈپ باقمىغان يېڭى سەۋىيە ياراتتى. 

ئادىل مىجىتنىڭ بۇ تۆھپىسى شىنجاڭ تىياتىر–ئېتوت ساھەسىدە ئۆچمەس ئىزنا بولۇپ تىكلەندى. ئۇنىڭ تىرىشچان، باش ئەگمەس ئىرادىسى ئۇنىڭ تەبىئىي تالانتى، يۇقىرى سەۋىيەلىك ئورۇنداش ماھارىتى ئەل قەلبىدە ئۆچمەس ئوبرازلارنى قالدۇرغان باشقا كەسىپداش ۋە رېژىسسور ئۇستازلارنىڭ ياخشى باھاسىغا ئېرىشتى. ئادىل مىجىت ھازىرغىچە 38 دىن ئارتۇق ئوپېرا ۋە دىراما، 23 دىن ئارتۇق كىنو- تېلېۋىزىيە تىياتىرلىرىدا مۇھىم ئوبرازلارنى ياراتتى. قىسمەن ئەسەرلەر دۆلەتلىك مەدەنىيەت مۇكاپاتىغا ئېرىشتى. ئۇ يەنە 180 دىن ئارتۇق ئېتوتلارنى ئويناپ چىقىپ، ئوخشىمىغان ھەرخىل ئوبرازلارنى يارىتىپ، ئېتوت مۇسابىقىلىرىدە شىنجاڭدا 1-دەرىجىلىك مۇكاپاتقا، دۆلەتلىك  ئېتوت مۇسابىقىلىرىدە 2-دەرىجىلىك مۇكاپاتقا ئېرىشىپ، شىنجاڭ تارىخىدا دۆلەتلىك چوڭ كەسپىي ئېتوت مۇسابىقىلىرىغا قاتنىشالماسلىقتەك بوشلۇقنى تولدۇردى. ئۇ ھازىر دۆلەتلىك 1-دەرىجىلىك ئارتىس، جۇڭگو تىياتىرچىلار جەمئىيىتىنىڭ ئەزاسى. ئادىل مىجىتنىڭ 1997-يىلىدىكى 1-قېتىملىق «ئادىل مىجىت ئېتوت كېچىلىكى» ئۆتكۈزۈلۈپ، تېخى ئۇنىڭ داغدۇغىسى ئاخىرلاشماي تۇرۇپلا، 2009-يىللىق «ئادىل مىجىت ئېتوت كېچىلىكى» يەنە ۋۇجۇدقا كەلدى. بىز ئۇنىڭ كەلگۈسىدە زور نەتىجىلەرنى قولغا كەلتۈرۈشكە تىلەكداشمىز. 

شىنجاڭ بويىجە 2009- يىللىق «جۇڭگو ئەلنەغمىچىلەر جەمئىيىتى قۇرۇلغانلىقىنىڭ 60 يىللىقى مۇناسىۋىتى بىلەن باھالانغان مۇنەۋۋەر ياش، ئوتتۇرا ياش ئەلنەغمىچى» شەرىپىگە مۇيەسسەر بولدى. 2013-يىلى 5-ئايدا، جۇڭگو ئەدەبىيات-سەنئەتچىلەر بىرلەشمىسى تەرىپىدىن « ئەدەبىيات-سەنئەت خىزمەتچىلىرىنىڭ كەسپىي ئەخلاق نەمۇنىچىسى» بولۇپ باھالاندى. ئادىل مىجىت ھازىرغىچە بولغان سەنئەت ھاياتىدا ھەرساھە سەنئەت خىزمەتچىلىرى بىلەن بىرلىشىپ ھەرخىل مۇنەۋۋەر تېمىدىكى 56 پارچە پلاستىنكىسىنى نەشر قىلدۇردى.

32 يىللىق سەنئەت ھاياتىدا ھەرخىل مەزمۇندىكى چوڭ-كىچىك ۋە مەخسۇس تېمىلىق 2400 مەيدان ئويۇنغا قاتنىشىپ، خەلق قەلبىدىكى ئوبرازىنى تىكىلدى. 2014-يىلى ئادىل مىجىت سەنئەت