كۆردۈم
ئەزمەت ۋەلى
تۇغۇلۇپ دۇنياغا رەڭمۇ-رەڭ گۈللەررنى كۆردۈم ،
جاپاكەش مىھرىبان ئاتا ھەم ئانامنى كۆردۈم.
نىيىتى دۇرۇس ياخشىنى ھەم قارانىيەت ناداننى كۆردۈم،
قوينى كەڭ، مەن ئۈچۈن بۇ گۈزەل زېمىنى كۆردۈم.
پۇلنى دەپ دوسنى ھەم دۈشمەنگە ساتقاننى كۆردۈم،
يول تاپسا بىرلىرى، كەيندىن گەپ تاپقاننى كۆردۈم.
زار بولۇپ ئاق نانغا، شۈكرى دەپ ياش تۆكەننى كۆردۈم ،
دەتكە دەپ، قاۋاقتا مەس بولۇپ ياتقاننى كۆردۈم.
غازاڭ قىلىپ ياشلىقىنى، لاپ ئۇرۇپ يۈرگەننى كۆردۈم ،
بېغشلاپ ئۆزىنى كەيىپكە، شۇ پاتقاققا پاتقاننى كۆردۈم .
زار قاخشىتىپ ئانىنى، ئاتىسىغا مۇش ئاتقاننى كۆردۈم،
كەيىپنى دەپ پۇلنى دەپ، قېرىنداشتىن تانغاننى كۆردۈم.
نام ئەمەلگە سېتلىپ ئەل ئالدىدا غادايغاننى كۆردۈم ،
ئابروينى ئۈچۈن ۋىجدان ھەم غورۇرنى ساتقاننى كۆردۈم.
توۋا دەيمەن ئۆزۈمگە مەن قايسى مىللەتنى كۆردۈم ،
تۈگمەپتۇ بىزدىكى بۇ، ناچار ئەسكى ئىللەتنى كۆردۈم.
