ئۇيغۇر تېبابېتىدىكى ئاددى رېتسىپلار

halisbay

ئۇيغۇر تېبابېتىدىكى ئاددى رېتسىپلار

قۇرۇق ئىسسىقتىن يۆتەلگەندە،ئامۇت ئۇرۇقىنى قاينىتىپ ئىسسىق ئىچىپ بەرسە،تېز ئۈنۈم بولىدۇ.
قاپاق(چۆمۈچ)ئۇرۇقىنى يېسە،ئىسسىقتىن بولغان ئاشقازان ئاغرىقى شىپا تاپىدۇ.
قوي سۈتى بىلەن قەلەمپۇرنى،قوينىڭ قۇيرۇق يېغى بىلەن جىگەرنى(دۈمبە جىگەر)يېسە،قورساق ئاغرىقىغا شىپا بولىدۇ.
كۆز ياشاڭغۇراپ توختىمىسا،ئۆچكىنىڭ يۇلۇنىنى پاختىغا مىلەپ كۆزگە ياپسا،دەرﻫال شىپا بولىدۇ.
كۆز ئاغرىپ قالسا،ئۆچكىنىڭ ئۆتىنى كۆزگە سۈرسە شىپا تاپىدۇ.
چاچ-ساقال چۈشۈپ كەتسە،ئاتنىڭ مېڭىسىنى چاچ-ساقال چۈشۈپ كەتكەن ئوررۇنغا بىر ﻫەپتە ئۇدا سۈرۈپ بەرسە،قايتا چاچ چىقىدۇ.
كۆزگە ئاق چۈشسە،ياۋا توشقاننىڭ ئۆتىنى سۈرۈپ بەرسە،شىپا بولىدۇ.
ئاشقازان ئاغرىسا،ئەتىياز پەسلىدە ئېرىق بويلىرىدا يېڭى ئۆسۈپ چىققان يالپۇزنى قارا گۆش بىلەن ئۇدا بىر نەچچە مەرتىۋە چۆچۈرە ئىتىپ يېسە،پايدا قىلىدۇ.
ئەگەر كىچىك بالىنىڭ تىلى چىقىش ۋاقتىدىن ئۆتۈپمۇ چىقمىسا،تايچاقنىڭ تىلىنى پىشۇرۇپ يىگۈزسە،تىلى ئاسان چىقىدۇ.
ئەگەر خانىم-قىزلارنىڭ يۈزىدە سەپكۈن،داغ چۈشۈپ قالسا،ياۋا توشقاننىڭ مېڭىسىنى يۈزىگە بىر نەچچە قېتىم سۈركەپ بەرسە،يوقاپ كېتىدۇ.
خانىم-قىزلار ئەتىگەندە يۈزىنى پاكىزە يۇيۇۋېتىپ،تۇخۇمنىڭ ئېقىنى چېپىپ بەرسە،يۈزى نۇرلۇق بولىدۇ.
كالاسۈتى بىلەن ئۆچكە سۈتىدىن 10گىرامدىن ئېلىپ،10گرام سانا ۋە مەستكى بىلەن قاينىتىپ،ئۇدا ئۈچ كۈن ناشتىدىن ئىلگىرى ئىچىپ بەرسە،ئىچكى ئەزالاردىكى تۈرلۈك ئۇششاق-چۈششەك ئاغرىقلار يوقاپ كېتىدۇ.
مەيدە غىژىلدىسا،قارا ئەركەك قوينىڭ قۇيرۇق يېغى بىلەن چامغۇر،پىيازنى يۇمشاق پىشۇرۇپ،ئۈچ كۈن ئەتىگەندە يەپ بەرسە،شىپا بولىدۇ.
كۆز غۇۋالاشسا،بېلىقنىڭ ئىچ يېغىنى ئاپتاپتا ئېرىتىپ كۆزگە سۈرۈپ بەرسە،روشەنلىشىدۇ.
چاچ-ساقال ۋاقىتسىز ئاقىرىپ كەتسە،قارا قاغا(توڭ قاغا)نىڭ مېڭىسىنى قۇرۇتۇپ،ئاچچىقسۇ بىلەن نەمدەپ ئاقارغان چاچ-ساقاللارغا سۈركەپ بەرسە قارىيىدۇ.

مەنبە : ئۇزۇقلۇق ۋە تۇرمۇش