ئالاھىدىننىڭ مېيت نامىزى

yadikar

	ئالاھىدىننىڭ مېيت نامىزى ئالاھىدىن ئابدۇرېشىت سوقۇشىدۇ خورازلار دەھشەت، تاجلىرىدا ئۇيۇپ قالغان قان. چىللىمايدۇ ئۆلۈمنى خوراز، پەيدەك توزۇپ تۆكۈلىدۇ جان. قوغلىشىدۇ، چۆرگىلىشىدۇ، قېچىش دېگەن ئۆلۈمدىن يامان. قىزىتىدۇ ئۆلۈم بولسىمۇ، قىقاس-سۈرەن سېلىپ ئالامان. ئۆلۈم دېگەن جادۇگەر قېرى، ئويۇن دېگەن چىرايلىق چوكان. تېپىكلەرگە ياغىدۇ ئالقىش، چىرايلاردا چوغدەك ھاياجان. جىمىپ قالدى بىر خوراز ئاخىر، دېدى بىرى ئالدىمدا: سەپراس! -ئالاھىدىن قانداق كىشىدى؟ -........ مېيىت نامىزىم ئوقۇلدى تىمتاس. يۈرىكىمدەك تۈگۈلۈپ قالدى، ئالىقاندىكى بىرى خورازنىڭ. يىغىسى يوق خوراز ئۆلگەنچە، خورازۋازغا قالغان نامازنىڭ. جىنازىنىڭ تۆت پۇتى ئارتۇق، ئېھتىمالىم، مەندەك يېتىمغا. پۇت ئاتمىدى ھېلىقى خوراز، ئالامان بار، لېكىن، سېتىمغا. كىرپىكىمدە ئېرىپ ئاپئاق قار، كۆزلىرىمدىن ياغدى يامغۇردەك. يامغۇر سۈيى ئويغان ئويۇققا، كۆمۈلەرمەن بىر باش چامغۇردەك... 2015-يىلى، 1-ئاينىڭ 1-كۈنى، يېڭىسار.

mamutomar

	مۇشۇ قارنى‹ قار› دەپلا ئالسىمۇ بولامدىكىن دەيمەن،ياكى قارا، قىزىل، سېرىق... دېگەندەك قارلارمۇ ياغامدىغاندۇ؟