ياخشىلارغا ناخشىلار تولا

yadikar · ۋاقتى: 2014-8-29 10:32:51


	ياخشىلارغا ناخشىلار تولا مۇھەممەتجان راشىدىن دەريا بولساڭ شارقىراپ ئاققىن، شاۋقۇنۇڭنى تاغلار ئاڭلىسۇن. ياشالىساق ياشناپ ياشايلى، يۈرەكلەردە ئارمان قالمىسۇن. تاغ بولساڭمۇ تەكەببۇر بولما، سېنىڭدىنمۇ ئېگىز تاغلار بار. بۈگۈننىمۇ سۆيەيلى ئەمما، بۈگۈندىنمۇ گۈزەل چاغلار بار. ئۆستەڭ بولساڭ سۈپسۈزۈك ئاققىن، تەكتىڭدىكى تاشلار كۆرۈنسۇن. ياخشىلارنى ئىزدەپ يۈرگەنلەر، سېنى سۆيسۇن، ساڭا سۆيۈنسۇن. بۇ دۇنيادا ياخشىلار تولا، ياخشىلارغا ناخشىلار تولا. كۆكتە قۇياش بولالمىساقمۇ، يۇلتۇز بولۇپ چاچايلى شولا. مەنبە: مۇھەممەتجان راشىدىننىڭ شۇ ناملىق شېئىرلار توپلىمى

ئىمانگۈل · ۋاقتى: 2014-9-4 20:32:48


	بۇ دۇنيادا ياخشىلار تولا ، قىلغان ئىشى خۇشال قىلىدى . بۇ دۇنيادا يامانلارمۇ بار ، قىلغان ئىشنى دەرھال بۇزىدۇ . مەھەممەتجان راشىدىن شېئىرلىرى تولىمۇ ئاممىباب .