يانفۇندا پۇل تىجەشنىڭ غەلىتە ئۇسۇللىرى

halisbay

يانفۇندا پۇل تىجەشنىڭ غەلىتە ئۇسۇللىرى

پۇل تېجەش پۇل خەجلەشنىڭ ئەكس تەرىپى ئەمەس، پۇل تېجەش ئەمەلىيەتتە پۇل خەجلەشنىڭ ئىلىمى تەرىپى بولۇپ پىلانسىز، مەقسەتسىز خەجلەنگەن پۇل ئىسراپچىلىق بولۇپ ئۇنىڭدا باي بولۇش مەبلەغ توپلاش مۇمكىن ئەمەس. ئەمەلىيەتتە بىز ھەمىمىز ئېغىزىمىزدا شۇنداق دېگەن بىلەن يەنىلا ھەمىمىزنىڭ بىھۇدە پۇل خەجىلگەن چاغلىرىمىز بولىدۇ. پۇل تېجەش خەسىسلىك قىلىش ئەمەس،شۇڭا پۇل تېجەشنى بىلش بىر خىل بىلىشكە تېگىشلىك ئىلىم.بىر يۈەننى تېجەش بىر يۈەن تاپقانلىق بىلەن باراۋاەر.                                                                                                      
ھازىر يانفۇندا پۇل تېجەيدىغان ھەرخىل كارتىلار چىقىۋاتىدۇ. مېنڭچە بۇ پەقەت يانفۇن كارتسنى تېخىمۇ تېز ئوبۇرۇت قىلىشنىڭ بىر خىل ئۇسۇلى. ھەقىقەتەن ئەرزان ئۇرغىلى بولىدىغان شۇنداق كارتىنى بېجىرگەنلەرنى زىيارەت قىلىپ باققان بولساممۇ لېكىن ئۇلارنىڭ چىقىمى يەنىلا ئەسلىدىن ئېشىپ كەتكەن. بەزىلەر :_بۇنداق كارتىلاردىن گۇمانلانغان، نېمشقا بۇنداق بولىدۇ؟ چۈنكى ئەرزان باھادا ئۇرغىلى بولغاچقا ئۇنى تېخىمۇ كۆپ ئۇرۇدىغان گەپ.ئىلگىرى يانفۇندا مېنۇتقا دېققەت قىلدىغان دوستلار ئەرزان بولغاندىكىن «قورقمايدىغان»بولغان. دېمەك پۇل تېجەيدىغان كارتىلار بولسۇن ياكى باشقا ھەرقانداق مەھسۇلاتلار بولسۇن يەنىلا ئۆزىمىزنىڭ تېجەشلىك بولۇش- بولماسلىقىغا باغلىق.

   تۆۋەندە بىز يانفۇندا پۇل تېجەش بىر ئاز غەلىتە ئۇسۇللىرىنى دەپ باقايلى:
  
1.چاقىرغۇ قىلىش_ گەرچە چاقىرغۇ شىركىتى تاقىلىپ چاقىرغۇ دېگەن نەرسە ئاللىقاچان يوقالغان بولسىمۇ لېكىن ھازىر يانفۇن ئالاقىدا يېڭىدىن پەيدا بولۇپ قالدى. باشقىلارغا چاقىرغۇ قىلىپ قويۇۋېتىش بەلكىم يانفۇن ھەققىنى تېجەشنىڭ ئۈنۈملۈك ئۇسۇلى بولسا كېرەك. بۇنداق ئەھۋال قىزلاردا كۆپ ئۇچرايدۇ.

  2.مۇھەببەتلەشمەسلىك _ مۇھەببەت تۇتقاندا ھەممىنى ئۇنتۇپ شېرىن سۆھبەت قىززىپ كېتىپ تېلفۇن ھەققىنى دېگەنلەر يادىڭىزغا كېلىپمۇ قويمايدۇ.

3.تېلفۇندا باشقىلار بىلەن سوقۇشماسلىق_ تېلفۇندا زاكۇنلاشقاندا كەيپىيات قىزىپ كېتىش ئەھۋالى تۇيۇقسىز يۈز بېرىپ يانفۇن ھەققىنى تېجەش ئەمەس ھەتتا يانفۇننى چېقىپ تاشلىشىڭىز مۇمكىن. شۇڭا يۈز تۇرانە دېيىشىش ئارقىلىق تېلفۇن ھەققىنى تېجەش.

4.بىكار قالماسلىق_ يالغۇزلۇقتا ئىچڭىز پۇشقاندا ھەممىدىن ئاۋۋل سىزگە ئەڭ يېقىن بولغان يانفۇنىڭىز يادىڭىزغا كېلىدۇ..بىكاردىنلا ئىشىڭىز بولمىسىمۇ ئۇنىڭغا_بۇنىڭغا تېلفۇن قىلسىز بۇنىڭ بىلەن تىڭجى بولىسز.

5. باتارىيسى ئۇزاق يېتىدىغان يانفۇن ئىشلەتمەسلىك_ باتارىيەنى كۈندە 3-4سائەت توك قاچىلاتقۇزغاندا تېلفۇن تۇتۇش ۋاقتىڭىز قىسقىرايدۇ.باتارىيە قانچە ئۇزاق يەتسە دېمەك سۆزلىشىش ۋاقتىڭىز شۇنچە ئۇزرايدۇ.
..................
    يۇقارقى غەلىتە ئۇسۇللار قىززىقچىلىق، ئەمەلىيەتتە يانفۇندا پۇل تېجەشنى بىر ئاز ئىلمىيراق قوللانساق ئۇنىڭ يامىنى يوق. يانفۇندا ئۇزاق سۆزلىشىش پۇل تېجەشلا ئەمەس ئۇنىڭ رادىئاتىسيە تەرىپىمۇ بار، شۇڭا تېلفۇندا نەق گەپنى قىلىشىش، بېھۇدە مۇناسىۋەتسىز ئەھمىيەتسىز سۆزلەرنى قىلىشماسلىق كېرەك. بۇ ئۆزىڭىزنىڭ سالامەتلىكى ئۈچۈنمۇ پايدىلىق.