ئالما يېگەندە بىلىشكە تىگىشلىك ئىشلار

halisbay

ئالما يېگەندە بىلىشكە تىگىشلىك ئىشلار

   تەبىئىتى—تاتلىق ئالمىنىڭ تەبىئىتى ئىككىنچى دەرىجىدە ھۆل ئىسسىق بولىدۇ، چۈچۈمەل ۋە ئاچچىق ئالىمىنىڭ  تەبىئىتى قۇرۇق ئىسسىق بولىدۇ.
   خۇسۇسىيىتى—كۆڭۈلنى خوش قىلىدۇ، ئاشقازان، مېڭە ۋە يۈرەكنى قۇۋۋەتلەيدۇ، سەۋدادىن بولغان ۋەسۋەسىنى يوقىتىدۇ. قۇرۇق يۆتەلگە، سەپرادىن بولغان ئىچ سۈرۈشكە شىپا بولىدۇ. ئۇسسۇزلۇقنى قاندۇرىدۇ.
سالامەتلىككە بولغان تەسىرى—
ئالمىنىڭ تەركىبىدە سۇدا ئېرىشچان مېۋە يىلىمى بار بولۇپ، ئۇنىڭ ئۈچەي دېۋارىنى ئاسراش، ئۈچەيدىكى پايدىلىق باكتېرىيىلەرگە ياشاش شارائىتى يارىتىپ بېرىش، ئاشقازان ۋە ئۈچەيلەرنىڭ ئىقتىدارىنى تەڭشەش، نەملىك سۈمۈرۈش، قەۋزىيەتنى بوشىتىش، قان شېكىرىنى تۇراقلاشتۇرۇش، تېرىنى پارقىرىتىش، ئۆت سۇيۇقلۇقىنى راۋانلاشتۇرۇش رولى بار. ئۇ يەنە قاندىكى ماي تەركىبى، قان بېسىمى، شۇنداقلا قان شېكىرىنىڭ ئۆرلەپ كېتىشنىڭ ئالدىنى ئالىدۇ. ئۈچەي يوللىرىنى تازىلاپ چوڭ ئۈچەي راكىنىڭ ئالدىنى ئالىدۇ.
  ئىستېمال قىلغاندا دىققەت قىلىدىغان ئىشلار—
ئالما تەركىبىدە ئۇزۇقلۇق ماددىلار مول بولغاچقا، ئالما يېگەندە چوقۇم ئۇزۇن ۋاقىت چايناپ، ئاستا يۇتۇش كېرەك، بۇ ئارقىلىق ھەزىم قىلىشقا پايدىلىق بولۇپلا قالماستىن، بەلكى يەنە بەدەندىكى كېسەللىكلەرنى يېنىكلىتىشكىمۇ ناھايىتى پايدىلىق. ئالمىدىكى ۋىتامىن ۋە مېۋە يىلىمى قاتارلىقلار ئاساسلىقى ئالمىنىڭ پوستىغا جايلاشقان بولغاچقا، ئامال پوستىنى ئېلىۋەتمەي، پاكىزە يۇيۇپ، پوستى بىلەن ئىستېمال قىلىش كېرەك.